ಪರಭಾಷೆಯಿಂದ ಕನ್ನಡಕ್ಕೆ ಇದುವರೆಗೂ ಎಷ್ಟೋ ನಟ-ನಟಿಯರು ಬಂದಿದ್ದಾರೆ. ಇದೀಗ ಮಧ್ಯಪ್ರದೇಶದ ಇಂದೋರ್ನಿಂದ ಮಾದಕ ನಟಿ ಗುಂಜಾನ್ ಅರಸ್ ಕನ್ನಡಕ್ಕೆ ಬಂದಿದ್ದಾರೆ. ಗುಂಜಾನ್ ಅರಸ್ ಹಾಟ್ ಲುಕ್ಗೆ ಫೇಮಸ್ ಆದವರು.
ಮಾಡೆಲ್ ಹಾಗೂ ನಟಿ ಆಗಿರುವ ಗುಂಜಾನ್ ಅರಸ್, ‘ಬೀರ್ ಬಾಯ್ಸ್ ಮತ್ತು ವೋಡ್ಕ ಗಲ್ರ್ಸ್’ ವೆಬ್ಸೀರೀಸ್ನಲ್ಲಿ ನಟಿಸಿ ನಂತರ ತೆಲುಗು ಚಿತ್ರರಂಗಕ್ಕೆ ಬಂದರು. ಈಗ ಕನ್ನಡದ ‘ಡೆಡ್ಲಿ ಅಫೇರ್’ ಚಿತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಬಿಚ್ಚಮ್ಮನಾಗಿ ಗುಂಜಾನ್ ಅವರ ಕೆಲವು ಫೋಟೋಗಳನ್ನು ಕೂಡಾ ಹರಿಯಬಿಟ್ಟಿದ್ದೆ ಚಿತ್ರತಂಡ. ವಿವಾಹೇತರ ಸಂಬಂಧ ಕುರಿತಾದ ಕಥೆಯನ್ನು ಈ ಚಿತ್ರ ಒಳಗೊಂಡಿದೆ. ಷಡ್ಯಂತ್ರ, ರೆಡ್, ಬ್ಲೂ ಐಸ್ ಸಿನಿಮಾಗಳ ನಂತರ ರಾಜೇಶ್ ಮೂರ್ತಿ ‘ಡೆಡ್ಲಿ ಅಫೇರ್’ ಚಿತ್ರವನ್ನು ನಿರ್ಮಾಣದ ಜೊತೆ ನಿರ್ದೇಶನ ಕೂಡಾ ಮಾಡಿದ್ದಾರೆ.
ಬಹುತೇಕ ಪುರುಷರ ಜೀವನದಲ್ಲಿ ನಡೆಯುವ ಕಥಾವಸ್ತು ಈ ಚಿತ್ರದಲ್ಲಿ ಅಡಗಿದೆ. ಪುರುಷರು ಯಾವ ರೀತಿ ಬ್ಲಾಕ್ಮೇಲ್ಗೆ ಒಳಗಾಗುತ್ತಾರೆ. ಯಾವ ರೀತಿ ನೋವು ಅನುಭವಿಸುತ್ತಾರೆ ಎಂಬುದನ್ನು ಈ ಚಿತ್ರದಲ್ಲಿ ತೋರಿಸಲಾಗಿದೆ. ಓಂ ಶ್ರೀ ಸಿನಿಮಾಸ್ ಅಡಿಯಲ್ಲಿ ರಾಜೇಶ್ ಮೂರ್ತಿ ಅವರೇ ಈ ಚಿತ್ರಕ್ಕೆ ಕಥೆ, ಚಿತ್ರಕಥೆ ಸಹ ಬರೆದಿದ್ದಾರೆ. ಚಿತ್ರಕ್ಕೆ ನಿತಿನ್ ಕುಮಾರ್ ಸಂಗೀತ, ವಿನೋದ್. ಆರ್ ಛಾಯಾಗ್ರಹಣ ಇದೆ. ನಾಗರಾಜ್ ಮತ್ತು ಮಹೇಶ್ವರಪ್ಪ ಚಿತ್ರದ ಹಾಡುಗಳನ್ನು ರಚಿಸಿದ್ದಾರೆ. ನಾಯಕನಾಗಿ ಸ್ವಪನ್ ಕೃಷ್ಣ, ನಾಯಕಿಯಾಗಿ ಗುಂಜಾನ್ ಅರಸ್ ನಟಿಸಿದ್ದರೆ ಉಳಿದಂತೆ ಸೋಮಣ್ಣ, ರಾಜೇಶ್ ಮಿಶ್ರ, ವಿಶ್ರುತ್ ಹಾಗೂ ಇನ್ನಿತರರು ತಾರಾಗಣದಲ್ಲಿದ್ದಾರೆ.
Pingback: controleer dat
Pingback: sex binding hormone globulin levels in men