‘ಸೈಕೋ’ ಸಿನಿಮಾ ಖ್ಯಾತಿಯ ಅನಿತಾ ಭಟ್ ಹಾಗೂ ಯುವ ನಟ ಪ್ರಮೋದ್ ಬೋಪಣ್ಣ ಮುಖ್ಯ ಭೂಮಿಕೆಯಲ್ಲಿರುವ ಬಳೆಪೇಟೆ ಚಿತ್ರದ ಆಫಿಶಿಯಲ್ ಟೀಸರ್ ಬಿಡುಗಡೆ ಆಗಿದ್ದು, ಪಕ್ಕಾ ಕಮರ್ಷಿಯಲ್ ಅಂಶಗಳನ್ನು ಒಳಗೊಂಡಿದೆ. ಈ ಟೀಸರ್ ನೋಡ್ತಾ ಇದ್ರೆ ಗ್ಯಾಂಗ್ ಸ್ಟಾರ್ ಸಿನಿಮಾ ಅನಿಸುತ್ತೆ. ಚಿತ್ರರಂಗದಲ್ಲಿ ಸಾಕಷ್ಟು ಸೈಕಲ್ ಹೊಡೆದು ಬಳೆಪೇಟೆ ಚಿತ್ರದ ಮೂಲಕ ಪ್ರಮೋದ್ ಬೋಪಣ್ಣ ಹೀರೋ ಆಗುತ್ತಿದ್ದಾರೆ.
ಅನಿತಾ ಭಟ್ ಈ ಚಿತ್ರದಲ್ಲಿ ಡಿ ಗ್ಲ್ಯಾಮರ್ ಪ್ರೇಯಸಿಯಾಗಿ ಪ್ರಮೋದ್ಗೆ ಜೋಡಿಯಾಗಿದ್ದಾರೆ. ಅನಿತಾ ಭಟ್ ಹಾಗೂ ಪ್ರಮೋದ್ ಅಲ್ಲದೆ ‘ಮಣಿ’ ಸಿನಿಮಾ ಖ್ಯಾತಿಯ ಮಯೂರ್ ಪಟೇಲ್ ಈ ಚಿತ್ರದಲ್ಲಿ ಪೊಲೀಸ್ ಅಧಿಕಾರಿಯಾಗಿ ಕಾಣಿಸಿಕೊಂಡಿದ್ದಾರೆ. ಇನ್ನು ಪ್ರಮೋದ್ ಬೋಪಣ್ಣ ಸ್ನೇಹಿತರಾಗಿ ಅಭಿಷೇಕ್ ಮಠದ, ಚೇತನ್, ಲೋಕೇಶ್ ರೇವಣ್ಣ, ಕಾರ್ತಿಕ್ ನಟಿಸಿದ್ದಾರೆ. ಉಮೇಶ ಬಣಕಾರ್, ಉಗ್ರಂ ಸಿನಿಮಾ ರವಿ ವಿಭಿನ್ನ ಪಾತ್ರದಲ್ಲಿ ಅಭಿನಯಿಸಿದ್ದಾರೆ.
ಲಾಕ್ಡೌನ್ ಸಮಯದಲ್ಲಿ ಯುವ ನಿರ್ದೇಶಕ ರಿಷಿಕೇಶ್ ಕಥೆ, ಚಿತ್ರಕಥೆ ಬರೆದು, ಕ್ಯಾಮರಾ ವರ್ಕ್, ಜೊತೆಗೆ ನಿರ್ದೇಶನ ಮಾಡಿದ್ದಾರೆ. ಉತ್ತಮ್, ಲೋಹಿತ್ ಚಿತ್ರಕ್ಕೆ ಸಂಗೀತ ನೀಡಿದ್ದಾರೆ. ಆರ್.ವಿ.ಎಸ್ ಪ್ರೊಡಕ್ಷನ್ ಬ್ಯಾನರ್ ಅಡಿ ಬನಾನ ಶಿವರಾಮ್ ಈ ಚಿತ್ರವನ್ನ ಅದ್ದೂರಿಯಾಗಿ ನಿರ್ಮಾಣ ಮಾಡಿದ್ದಾರೆ. ಬಹುತೇಕ ಚಿತ್ರೀಕರಣ ಮುಗಿಸಿ, ಪೋಸ್ಟ್ ಪ್ರೊಡಕ್ಷನ್ನಲ್ಲಿರುವ ಬಳೆಪೇಟೆ ಸಿನಿಮಾ ಏಪ್ರಿಲ್ ತಿಂಗಳ ಹೊತ್ತಿಗೆ ರಿಲೀಸ್ ಆಗೋದಿಕ್ಕೆ ಸಜ್ಜಾಗುತ್ತಿದೆ.
Be the first to comment