ಕಮರ್ಷಿಯಲ್ ಯಶಸ್ಸು ಕಂಡ ‘ಛೂ ಮಂತರ್’

ನವನೀತ್ ನಿರ್ದೇಶನದ  ‘ಛೂ ಮಂತರ್’  ಚಿತ್ರಕ್ಕೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ. ಚಿತ್ರ ಬಾಕ್ಸ್ ಆಫೀಸ್‌ನಲ್ಲಿ ಉತ್ತಮ ಪ್ರದರ್ಶನ ನೀಡುತ್ತಿದೆ.

ಶರಣ್, ಚಿಕ್ಕಣ್ಣ, ಅದಿತಿ ಪ್ರಭುದೇವ, ಮೇಘನಾ ಗಾಂವ್ಕರ್ ಮತ್ತು ಪ್ರಭು ಮುಂಡ್ಕೂರ್ ಅಭಿನಯದ ಹಾರರ್-ಕಾಮಿಡಿ ಛೂ ಮಂತರ್ ಚಿತ್ರ ಜನವರಿ 10 ರಂದು ಚಿತ್ರವು ರಾಜ್ಯದಾದ್ಯಂತ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿತ್ತು.   ನಟ ಶರಣ್, ಕಮರ್ಷಿಯಲ್ ಯಶಸ್ಸು ಕಂಡ ‘ಛೂ ಮಂತರ್’  ಚಿತ್ರವನ್ನು ಬಾಕ್ಸ್ ಆಫೀಸ್ ಹಿಟ್ ಆಗಿ ಪರಿವರ್ತಿಸಿದ ಪ್ರೇಕ್ಷಕರ ಬೆಂಬಲಕ್ಕೆ ಕೃತಜ್ಞತೆ ವ್ಯಕ್ತಪಡಿಸಿದ್ದಾರೆ.

‘ನಿರ್ಮಾಪಕರು ಮೊದಲು ರೆಸುಲ್ ಪೂಕುಟ್ಟಿ ಅವರನ್ನು ಚಿತ್ರಕ್ಕೆ ಕರೆತರುವ ಬಗ್ಗೆ ಪ್ರಸ್ತಾಪಿಸಿದಾಗ, ಇದು ಕೇವಲ ತಮಾಷೆ ಎಂದು ನಾನು ಭಾವಿಸಿದೆ. ಮೊದಲಿಗೆ ನಾನು ಅದನ್ನು ಗಂಭೀರವಾಗಿ ಪರಿಗಣಿಸಲಿಲ್ಲ. ಆದರೆ, ಆಶ್ಚರ್ಯವಾಗುವಂತೆ, ನಿರ್ಮಾಪಕರು ನಿಜವಾಗಿಯೂ ರೆಸುಲ್ ಅವರನ್ನು ಸಂಪರ್ಕಿಸಿದ ಚಾಟ್ ಅನ್ನು ನನಗೆ ತೋರಿಸಿದರು. ನಂತರ ಅವರು ಛೂ ಮಂತರ್ ಸಿನಿಮಾ ಒಪ್ಪಿಕೊಂಡರು’ ಎಂದು ಶರಣ್ ನೆನಪಿಸಿಕೊಂಡರು.

ಛೂ ಮಂತರ್ ತಂಡ  ಚಿತ್ರದ ಸೀಕ್ವೆಲ್ ಛೂ ಮಂತರ್ 2 ಘೋಷಣೆ ಮಾಡಿದ್ದು, ಈಗಾಗಲೇ ಚಿತ್ರದ ಕೆಲಸ ನಡೆಯುತ್ತಿದೆ. ಛೂ ಮಂತರ್ 2 ನಿರೀಕ್ಷೆ ಉಂಟು ಮಾಡಿದೆ.

ಕಾಮಿಡಿ, ಹಾರರ್ ಮತ್ತು ಅನನ್ಯ ಧ್ವನಿ ವಿನ್ಯಾಸದೊಂದಿಗೆ, ಛೂ ಮಂತರ್ ಚಿತ್ರ ಪ್ರೇಕ್ಷಕರನ್ನು ಚಿತ್ರಮಂದಿರಗಳತ್ತ ಆಕರ್ಷಿಸುವುದನ್ನು ಮುಂದುವರೆಸಿದೆ.