ಜೀ಼ ಕನ್ನಡದಲ್ಲಿ ‘ಛೂ ಮಂತರ್’ ಪ್ರಸಾರ

ಜೀ಼ ಕನ್ನಡ ವಾಹಿನಿಯಲ್ಲಿ  ಇದೇ ಭಾನುವಾರ  ಮಧ್ಯಾಹ್ನ 3 ಗಂಟೆಗೆ ಶರಣ್ ಅಭಿನಯದ ‘ಛೂ ಮಂತರ್’ ಸಿನೆಮಾ ಪ್ರಸಾರವಾಗಲಿದೆ.

ಹಾರರ್ ಹಾಗು ಕಾಮಿಡಿ ಸಿನಿಮಾ  ‘ಛೂ ಮಂತರ್’ ಗೆ  ನವನೀತ್ ಆ್ಯಕ್ಷನ್ ಕಟ್ ಹೇಳಿದ್ದಾರೆ. ನಟಿ ಅದಿತಿ ಪ್ರಭುದೇವ, ಚಿಕ್ಕಣ್ಣ, ಗುರುಕಿರಣ್, ಪ್ರಥಮ್, ಮೇಘನಾ ಗಾಂವ್ಕಾರ್, ರಜಿನಿ ಮುಂತಾದವರು ಈ ಚಿತ್ರದಲ್ಲಿ ಅಭಿನಯಿಸಿದ್ದಾರೆ.

ಡೈನಮೊ (ಶರಣ್), ಆರ್.ಜೆ (ಚಿಕ್ಕಣ್ಣ), ಆಕಾಂಕ್ಷಾ(ಅದಿತಿ) ಮತ್ತು ನಕುಲ್ ಛೂಮಂತರ್ ಆ್ಯಂಡ್ ಕಂಪನಿ ಎಂಬ ಘೋಸ್ಟ್ ಹಂಟರ್ ನಡೆಸುತ್ತಿರುತ್ತಾರೆ. ಇವರಿಗೆ ಆತ್ಮಗಳ ಭೇಟೆಯಾಡೋದು ಕೆಲಸವಾಗಿರುತ್ತದೆ. ಭಾರತದ ಟಾಪ್ 10 ಹಾಂಟೆಡ್ ಹೌಸ್ ಗಳ ಸಾಲಿಗೆ ಉತ್ತರಾಖಂಡದ ನೈನಿತಾಲ್ ನಲ್ಲಿರುವ ಮಾರ್ಗನ್ ಹೌಸ್ ಸೇರ್ಪಡೆಯಾಗಿರುವ ವಿಷಯ ತಿಳಿಯುತ್ತದೆ. ಬ್ರಿಟಿಷರ ಕಾಲದ ನಿಧಿ ಇರುವ ಈ ಮಾರ್ಗನ್ ಹೌಸ್ ಗೆ ಹೋಗ್ತಾರೆ.

ಹಾಸ್ಯದಿಂದ ಶುರುವಾಗುವ ಈ ಚಿತ್ರ ಅಲ್ಲಿ ನಿಜವಾಗಿಯೂ ದೆವ್ವದ ಕಾಟ ಇರುವುದು ತಿಳಿದು ಸೀರಿಯಸ್ ಟ್ವಿಸ್ಟ್ ಪಡೆಯುತ್ತದೆ.  ಆ ಮನೆಯಲ್ಲಿರುವ ಅತೃಪ್ತ ಆತ್ಮಗಳು ದೆವ್ವಗಳು  ಇವರ ತಂಡಕ್ಕೆ ಹೇಗೆ ಕಾಟ ಕೊಡುತ್ತವೆ?  ಡೈನಮೋ ಮತ್ತು ತಂಡ ಇದರಿಂದ ಹೇಗೆ ಹೊರಬರುತ್ತಾರೆ ಎನ್ನುವುದೇ ಈ ಚಿತ್ರದ ಕಥೆಯಾಗಿದೆ.

ಹಾರರ್ ಕಥೆಯ ಜೊತೆಗೆ ಕಾಮಿಡಿ ಟಚ್ ಇರುವ ‘ಛೂ ಮಂತರ್’ ವೀಕ್ಷಕರಿಗೆ ಮನರಂಜನೆ ನೀಡಲಿದೆ.