ಮದುವೆಯಾಗಿ ಕೈ ಕೊಟ್ಟ ನಟನ ವಿರುದ್ದ ದೂರು

ಕನ್ನಡ ಕಿರುತೆರೆ ನಟನ ವಿರುದ್ಧ ಮದುವೆಯಾದ ಎರಡು ತಿಂಗಳ ಬಳಿಕ ಮತ್ತೋರ್ವ ಯುವತಿ ಜೊತೆ ನಿಶ್ಚಿತಾರ್ಥ ಮಾಡಿಕೊಂಡ ಆರೋಪ ಕೇಳಿ ಬಂದಿದ್ದು, ಪ್ರಶ್ನಿಸಲು ಹೋದ ಯುವತಿಗೆ  ಚಾಕುವಿನಿಂದ ಇರಿದ ದೂರು ಕೇಳಿ ಬಂದಿದೆ.

ನೇತ್ರಾವತಿ ಸೀರಿಯಲ್ ನಲ್ಲಿ ನಟಿಸಿರೋ ಕನ್ನಡ ಕಿರುತೆರೆ ನಟ ಸನ್ನಿ ಮಹಿಪಾಲ್ ವಿರುದ್ದ  ಆರೋಪ‌ ಕೇಳಿ ಬಂದಿದೆ.  ಖಾಸಗಿ ವಾಹಿನಿಯಲ್ಲಿ ಪ್ರಸಾರವಾಗ್ತಿದ್ದ ನೇತ್ರಾವತಿ ಧಾರವಾಹಿಯಲ್ಲಿ ಸನ್ನಿ ಮಹಿಪಾಲ್ ನಟಿಸಿದ್ದರು.  ಯುವತಿ ಜೊತೆಗೆ  ಸೋಷಿಯಲ್ ಮೀಡಿಯಾದಲ್ಲಿ  ಪರಿಚಯವಾಗಿ ಸ್ನೇಹ ಬೆಳೆದಿತ್ತು. ಮಹಿಪಾಲ್ ಹಾಗೂ ಯುವತಿ ದೇವಸ್ಥಾನದಲ್ಲಿ ವಿವಾಹವಾಗಿದ್ದರು. ಆ ಬಳಿಕ ಯುವತಿಯನ್ನ ಅವಾಯ್ಡ್ ಮಾಡಿ ಬೇರೊಂದು ಯುವತಿ ಜೊತೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದರು ಎನ್ನಲಾಗಿದೆ.

ವಿಷಯ ತಿಳಿದು ಯುವತಿ  ವಿಜ್ಞಾನನಗರದ  ಮಹಿಪಾಲ್ ನಿವಾಸಕ್ಕೆ ಪ್ರಶ್ನಿಸಲು ಹೋಗಿದ್ದರು. ಈ ವೇಳೆ ಮಹಿಪಾಲ್ ಗಲಾಟೆ ಮಾಡಿ ಯುವತಿ ತೋಳಿಗೆ ಚಾಕುವಿನಿಂದ ಇರಿದ ಆರೋಪ ಕೇಳಿ ಬಂದಿದೆ. ಗಲಾಟೆಯಲ್ಲಿ ಗರ್ಭಪಾತ ಆಗಿರೋ  ಆರೋಪ ಕೇಳಿ ಬಂದಿದೆ.

ಸನ್ನಿ ಮಹಿಪಾಲ್ ಯುವತಿ ತನ್ನ ಮನೆಗೆ ಅತಿಕ್ರಮ ಪ್ರವೇಶ ಮಾಡಲಾಗಿದೆ ಎಂದು ಹೆಚ್‌ಎಎಲ್ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ. ಯುವತಿ ಕೂಡಾ ಹೆಚ್ ಎಎಲ್ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ.

—–