Garadi: ನವೆಂಬರ್ 10ಕ್ಕೆ ಗರಡಿ ತೆರೆಗೆ

ಯೋಗರಾಜ್ ಭಟ್ ನಿರ್ದೇಶನದ ಗರಡಿ ಚಿತ್ರ ನವಂಬರ್ 10ರಂದು ತೆರೆಗೆ ಬರಲಿದೆ.

ಈ ಬಗ್ಗೆ ಯೋಗರಾಜ್ ಭಟ್ ಮಾಹಿತಿ ನೀಡಿದ್ದಾರೆ. ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಚಿತ್ರದ ವಿಶೇಷ ಪಾತ್ರದಲ್ಲಿ ನಟಿಸಿದ್ದಾರೆ.

ಈ ಚಿತ್ರದಲ್ಲಿ ಯಶಸ್ ಕುಸ್ತಿಪಟುವಿನ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಯಶಸ್ ಸೂರ್ಯ ಮೃತ್ಯು, ಕುರುಕ್ಷೇತ್ರ, ಒಡೆಯ ಮತ್ತು ಚಕ್ರವರ್ತಿ ಮುಂತಾದ ಚಿತ್ರಗಳಲ್ಲಿ ನಟಿಸಿದ್ದಾರೆ.

ಗರಡಿ ಸಿನಿಮಾದಲ್ಲಿ ಗುರು-ಶಿಷ್ಯ ಪರಂಪರೆಯ ಕಥೆಯನ್ನು ಹೇಳಲಿದೆ. ಗುರುವಿನ ಪಾತ್ರವನ್ನು ಬಿ.ಸಿ. ಪಾಟೀಲರು ಮಾಡಿದ್ದಾರೆ. ಶಿಷ್ಯನ ಪಾತ್ರವನ್ನು ಸೂರ್ಯ ಮಾಡಿದ್ದಾರೆ. ಗರಡಿ ಮನೆಯ ಸಂಸ್ಕೃತಿ ಬೆಳೆಯಬೇಕು ಎಂಬ ನಿಟ್ಟಿನಲ್ಲಿ ಕಥೆ ಬರೆಯಲಾಗಿದೆ.

‘ಈ ಸಿನಿಮಾದ ನಾಯಕ ಮತ್ತು ಪ್ರತಿನಾಯಕ ಇಬ್ಬರೂ ಮೈಸೂರಿನ ಗರಡಿ ಮನೆಯಲ್ಲಿ ತಿಂಗಳುಗಟ್ಟಲೆ ಕುಸ್ತಿ ಕಲಿತು ಸಿನಿಮಾದಲ್ಲಿ ನಟಿಸಿದ್ದಾರೆ. ಹಲವು ನೈಜ ಕುಸ್ತಿಪಟುಗಳು ಸಿನಿಮಾದಲ್ಲಿ ನಟಿಸಿದ್ದಾರೆ’ ಎಂದು ನಿರ್ದೇಶಕ ಯೋಗರಾಜ್‌ ಭಟ್‌ ಹೇಳಿದ್ದಾರೆ.

ನಟ ಕಮ್ ರಾಜಕಾರಣಿ ಬಿ ಸಿ ಪಾಟೀಲ್ ಅವರು ಈ ಚಿತ್ರವನ್ನು ನಿರ್ಮಿಸಿದ್ದಾರೆ.