ಬರುತ್ತಿದ್ದಾನೆ ‘ಬೇತಾಳ!’

ಹಾರರ್ ಕಾಮಿಡಿಯಿಂದ ಕೂಡಿದ ಚಿತ್ರವೇ ‘ಬೇತಾಳ’. ಸೆಂಟಿಮೆಂಟ್, ಕಾಮಿಡಿ ಬಿಟ್ಟು ಹೊಸದನ್ನು ಹುಡುಕಿ ಸಿನಿಮಾ ಮಾಡಬೇಕೆಂದಾಗ ನಿರ್ದೇಶಕರಿಗೆ ಸಿನಿಮಾ‌ಮಾಡಲು ಮನಸ್ಸಿಗೆ ಹೊಳೆದದ್ದು ಹಾರರ್ ಸಿನಿಮಾ. ಅದರ ಚಿತ್ರಣವೇ ಈ ಬೇತಾಳ. ಸಿನಿಮಾದಲ್ಲಿ ಹೀರೋ ಒಬ್ಬ ಸಾಫ್ಟ್ ವೇರ್ ಇಂಜಿನಿಯರ್. ತಾನು ಇರೋ ಮನೆಯಲ್ಲಿ ಪ್ರತಿದಿನ ಕೆಟ್ಟ ಕನಸುಗಳು ಬೀಳುವುದರಿಂದ ಆತ ಮನೆ ಬದಲಾಯಿಸಲು ನಿರ್ಧಾರ ಮಾಡುತ್ತಾನೆ. ಹೀಗೆ ಮನೆ ಹುಡುಕಾಟದ ಲ್ಲಿರುವಾಗ ಹೀರೋ ಗೆ ಒಂದು ಮನೆ ಸಿಗುತ್ತದೆ. ಆದರೆ ಆ ಮನೆಯಲ್ಲಿ ದೆವ್ವ ಇರೋದು ಗೊತ್ತಾಗುತ್ತದೆ. ಆ ದೆವ್ವದ ಆಸೆಯನ್ನು ಈಡೇರಿಸುವಲ್ಲಿ ಹೀರೋ ಸಫಲನಾಗುತ್ತಾನಾ , ಆ ದೆವ್ವ ಮನೆ ಬಿಟ್ಟು ಹೋಗುತ್ತಾ ಇದೇ ಈ ಕಥೆಯ ಹಂದರ.

ದೆವ್ವದ ಆಸೆ ಈಡೇರಿಸುವಲ್ಲಿ ಹೀರೋ ಮಾಡೋ ಪ್ರಯತ್ನ ವೇ ಕಾಮಿಡಿ‌ ರೂಪದಲ್ಲಿ ತೋರಿಸಿದ್ದಾರೆ ಡೈರೆಕ್ಟರ್. ‌ಕಥೆ, ಚಿತ್ರಕತೆ, ನಿರ್ದೇಶನ, ಸಂಭಾಷಣೆ ಬರೆದು ಮಿಂಚಿದ್ದಾರೆ ಕಸ್ತೂರಿ ಜಗನ್ನಾಥ್. ಚಿತ್ರದಲ್ಲಿ ನಾಯಕ ನಟನಾಗಿ ಸ್ಮೈಲ್ ಶಿವು ಹಾಗೂ ಅನಿಕ್ ಸೆಕೆಂಡ್ ಹೀರೋ ಆಗಿ ಪಾತ್ರ ಮಾಡಿದ್ದಾರೆ. ಬಿಗ್ ಬಾಸ್ ನಲ್ಲಿ ಮಿಂಚಿದ ಸೋನು ಪಾಟೀಲ್, ಕಾವ್ಯ ಗೌಡ ನಾಯಕಿ ಪಾತ್ರದಲ್ಲಿ ಮಿಂಚಿದ್ದಾರೆ. ನಿರ್ದೇಶಕ ಜಗನ್ನಾಥ್ ಅವರಿಗೆ ಇದು ಮೂರನೇ ಸಿನಿಮಾ. ಚಿತ್ರದ ಮೊದಲ ಸಿನಿಮಾ ಪತ್ರಿಕಾಗೋಷ್ಠಿ ಎಸ್.ಆರ್.ವಿ ಯಲ್ಲಿ ನಡೆದ ಸಂದರ್ಭದಲ್ಲಿ ಅವರು ಈ ಸಿನಿಮಾದಲ್ಲಿ ಮೂರು ಹಾಡುಗಳಿದ್ದು, ರಾಜಕಿಶೋರ್ ಸಂಗೀತ ನೀಡಿದ್ದಾರೆ. ಪೋಸ್ಟ್ ಪ್ರೊಡಕ್ಷನ್ ಕೆಲಸ ಬಾಕಿ ಇದೆ‌ ಹಾಡುಗಳ ಚಿತ್ರೀಕರಣ ಬಾಕಿ ಇದ್ದು ಚಿಕ್ಕಮಗಳೂರು, ಸಕಲೇಶಪುರ ದಲ್ಲಿ ಮಾಡುವ ಪ್ಲ್ಯಾನ್ ಇದೆ ಅಂದರು. ನಂತರ ಹೀರೋ ಸ್ಮೈಲ್ ಶಿವು ಮಾತನಾಡಿ ಭೂಮಿಕಾ ಸಿನಿ ಕ್ರಿಯೇಶನ್ಸ್ ನಲ್ಲಿ ಈ ಚಿತ್ರ ಮೂಡಿ ಬಂದಿದೆ. ಕಾಮಿಡಿ ಹಾರರ್ ಮಿಶ್ರಿತ ಸಿನಿಮಾ‌ ಇದಾಗಿದ್ದು, ನಾಲ್ಕು ಸಾಹಸ ದೃಶ್ಯ ಇದೆ.ಬೆಂಗಳೂರು ಸುತ್ತಮುತ್ತ ಚಿತ್ರೀಕರಣ ಮಾಡಿದ್ದೇವೆ ಎಂದರು.

ಸಿನಿಮಾದ ಮತ್ತೋರ್ವ ಹೀರೋ ಅನಿಕ್ ಮಾತ‌ನಾಡುತ್ತಾ ಈ ಸಿನಿಮಾದಲ್ಲಿ ನನಗೆ ಎರಡು ಶೇಡ್ ಇದೆ. ಲವ್ವರ್ ಬಾಯ್ ಹಾಗೂ ಕ್ವಾಟ್ಲೆ ಕೊಡೊ ದೆವ್ವದ ಕ್ಯಾರೆಕ್ಟರ್ ಮಾಡಿದ್ದೀನಿ ಎಂದರು.ಅನಿಕ್ ಅವರಿಗೆ ಜೋಡಿಯಾಗಿ ಕಾವ್ಯಗೌಡ ಪಾತ್ರ ನಿರ್ವಹಿಸಿದ್ದಾರೆ. ‌ರಾಜ್ ಕಿಶೋರ್ ಸಂಗೀತ, ಸಾಹಿತ್ಯ ಶಿವು ಬೆರ್ಗಿ ಮಾಡಿದ್ದಾರೆ. ಮಲಯಾಳಂ ಸಿನಿಮಾಗಳನ್ನು ಮಾಡಿದ್ದೇನೆ ಕನ್ನಡದಲ್ಲಿ ಇದು ನನ್ನ ಮೊದಲ ಸಿನಿಮಾ. ಸಿನಿಮಾದ ಕೆಲಸಗಳು ಕೊನೇ ಹಂತದಲ್ಲಿ ಇದೆ ಎಂದು ಈ ಚಿತ್ರದ ಸಹ ನಿರ್ಮಾಪಕ ಸ್ಟೀಬರ್ಡ್ ಕುಮಾರ್ ಹೇಳಿದರು.