‘ಬಿಲ್ಲ ರಂಗ ಬಾಷʼ ಫಸ್ಟ್ ಲುಕ್ ರಿವೀಲ್

ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್‌ ಅಭಿನಯದ ಬಹುನಿರೀಕ್ಷಿತ ‘ಬಿಲ್ಲ ರಂಗ ಬಾಷ’ ಚಿತ್ರದ  ಸುದೀಪ್ ಅವರ ಫಸ್ಟ್ ಲುಕ್’ ನ್ನು ಚಿತ್ರತಂಡ ಬಿಡುಗಡೆ ಮಾಡಿದೆ.

‘ಬಿಲ್ಲ ರಂಗ ಬಾಷ’ ಚಿತ್ರದ ಚಿತ್ರೀಕರಣ ಬುಧವಾರದಿಂದ  ಆರಂಭವಾಗಿದೆ.  ಸುದೀಪ್ ಅವರ ಫಸ್ಟ್ ಲುಕ್ ಸೂಪರ್‌ ಆಗಿದ್ದು, ಹಿಮದ ನಡುವೆ ಸುದೀಪ್‌  ಕನ್ನಡಕ ಹಾಕಿಕೊಂಡು ಕಾಣಿಸಿಕೊಂಡಿದ್ದಾರೆ.  ಹಿಮದ ನಡುವೆ ದೊಡ್ಡ ಅರಮನೆ ಇದ್ದು, ಕಿಚ್ಚನ ಕನ್ನಡಕದಲ್ಲಿ ಹೊತ್ತಿ ಉರಿಯುತ್ತಿರುವ ಹಡಗಿನ ಚಿತ್ರವೊಂದು ಕಾಣಿಸಿಕೊಂಡಿದೆ.

ಸುದೀಪ್ ಹಿಂಭಾಗದಲ್ಲಿ ಕಟ್ಟಡವೊಂದು ಇದ್ದು, ಸುದೀಪ್‌ ಮುಖದ ಮೇಲೆ  ಹಿಮ ಇರುವುದು ಕಂಡು ಬಂದಿದೆ. ಹಿಮ ತುಂಬಿರುವ ಬೆಟ್ಟದಲ್ಲಿ ಸುದೀಪ್‌ ಯಾತ್ರೆಗೆ ಹೊರಟ ಸಾಹಸಿಗನಂತೆ ಪೋಸ್ಟರ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ.  ಪೋಸ್ಟರ್ ಸಾಕಷ್ಟು ಕುತೂಹಲ ಮೂಡಿಸಿದೆ.

‘ಬಿಲ್ಲ ರಂಗ ಬಾಷ’ ಚಿತ್ರ ದೊಡ್ಡ ಬಜೆಟ್‌ನೊಂದಿಗೆ ಕನ್ನಡ, ತೆಲುಗು, ಹಿಂದಿ ಮೊದಲಾದ ಭಾಷೆಗಳಲ್ಲಿ ಬಿಡುಗಡೆಯಾಗಲಿದೆ. ಚಿತ್ರವನ್ನು ಅನೂಪ್ ಭಂಡಾರಿ ನಿರ್ದೇಶಿಸುತ್ತಿದ್ದಾರೆ. ಸುಪ್ರಿಯಾನ್ವಿ ಪಿಕ್ಚರ್ ಸ್ಟುಡಿಯೋ ಮತ್ತು ಕೆಎಸ್‌ಕೆ ಶೋ ರೀಲ್ ಬ್ಯಾನರ್ ಅಡಿಯಲ್ಲಿ ಸಿನಿಮಾ ನಿರ್ಮಿಸಲಾಗುತ್ತಿದೆ.

—