ಜುಲೈ 26 ಅಥವಾ ಆಗಸ್ಟ್ 15ಕ್ಕೆ ‘ಭೀಮ’ ರಿಲೀಸ್

ದುನಿಯಾ ವಿಜಯ್‌ ನಿರ್ದೇಶಿಸಿ, ನಟಿಸಿರುವ ‘ಭೀಮ‘ ಸಿನಿಮಾ ಜುಲೈ 26ಕ್ಕೆ ಅಥವಾ  ಆಗಸ್ಟ್‌ 15ಕ್ಕೆ ಬಿಡುಗಡೆ ಮಾಡಲು ಚಿತ್ರತಂಡ ನಿರ್ಧರಿಸಿದೆ.

ತೆಲುಗಿನ ‘ಪುಷ್ಪ-2′ ಬಿಡುಗಡೆ ಮುಂದೂಡಿಕೆಯಾಗಿದ್ದು, ಈ ಅವಧಿಯಲ್ಲೇ ‘ಭೀಮ‘ ತೆರೆಗೆ ಬರುವ ಸಾಧ್ಯತೆ ಇದೆ. 2022ರ ಫೆಬ್ರುವರಿ 24ರಂದು ವಿಜಯ್‌ ತಮ್ಮ 28ನೇ ಸಿನಿಮಾ ‘ಭೀಮ‘ ಘೋಷಿಸಿದ್ದರು. 2022ರ ಏ.18ಕ್ಕೆ ಸಿನಿಮಾದ ಮುಹೂರ್ತ ನಡೆದಿತ್ತು. ಎರಡು ವರ್ಷದ ಬಳಿಕ ಸಿನಿಮಾ ಬಿಡುಗಡೆಯಾಗುತ್ತಿದೆ.

ಚಿತ್ರದಲ್ಲಿ ಭೀಮನಿಗೆ ಜೋಡಿಯಾಗಿ ಅಶ್ವಿನಿ ನಟಿಸಿದ್ದಾರೆ. ರಂಗಾಯಣ ರಘು, ಅಚ್ಯುತ್ ಕುಮಾರ್, ಕಾಕ್ರೋಚ್ ಸುಧಿ, ಕಲ್ಯಾಣಿ ಮತ್ತಿತರರು ಅಭಿನಯಿಸಿದ್ದಾರೆ. ಮಾಸ್ತಿ ಸಂಭಾಷಣೆ,  ಕೃಷ್ಣ ಸಾರ್ಥಕ್, ಜಗದೀಶ್ ಗೌಡ  ಸಿನಿಮಾವನ್ನು ನಿರ್ಮಾಣ ಮಾಡಿದ್ದಾರೆ.

—-