‘ಭೈರತಿ ರಣಗಲ್’ಗೆ ಬಾಲಿವುಡ್ ನಿಂದ ಬೇಡಿಕೆ

ಹ್ಯಾಟ್ರಿಕ್ ಹೀರೊ ಶಿವರಾಜಕುಮಾರ್ ಅವರ ‘ಭೈರತಿ ರಣಗಲ್’ ಹಿಟ್ ಆಗಿದ್ದು,  ಬಾಲಿವುಡ್ ನಿಂದಲೂ ಬೇಡಿಕೆ ಬರುತ್ತಿದೆ.

ಮಾಹಿತಿಗಳ ಪ್ರಕಾರ ಬಾಲಿವುಡ್ ನ ಖ್ಯಾತ ನಟ ರಣಬೀರ್ ಕಪೂರ್ ”ಭೈರತಿ ರಣಗಲ್’ ಚಿತ್ರದ ಹಕ್ಕುಗಳ ಖರೀದಿಗೆ ತುದಿಗಾಲಲ್ಲಿ ನಿಂತಿದ್ದಾರೆ ಎನ್ನಲಾಗಿದೆ.

ರಣಬೀರ್ ಕಪೂರ್ ‘ಭೈರತಿ ರಣಗಲ್’ ಸಿನಿಮಾ ನೋಡಿ ಫಿದಾ ಆಗಿದ್ದಾರೆ ಮೆಚ್ಚುಕೊಂಡಿರುವುದಷ್ಟೇ ಅಲ್ಲ, ‘ಭೈರತಿ ರಣಗಲ್’ ಹಕ್ಕುಗಳ ಖರೀದಿಗೂ ಅವರು ಮನಸ್ಸು ಮಾಡಿದ್ದಾರೆ. ಈಗಾಗಲೇ ಮಾತುಕತೆಗಳು ಆರಂಭವಾಗಿವೆ ಎಂದು ಹೇಳಲಾಗುತ್ತಿದೆ.

‘ಭೈರತಿ ರಣಗಲ್’ ಹಿಂದಿಗೆ ಡಬ್ ಆಗುತ್ತೋ ಅಥವಾ   ರಿಮೇಕ್ ಆಗುತ್ತೋ ಎನ್ನುವ ಬಗ್ಗೆ  ಇನ್ನೂ ಯಾವುದೇ ಮಾಹಿತಿ  ತಿಳಿದು ಬಂದಿಲ್ಲ.  ಒಂದೊಮ್ಮೆ   ‘ಭೈರತಿ ರಣಗಲ್’ ಹಿಂದಿಗೆ ರಿಮೇಕ್ ಆದರೆ ಅದು ಅಪರೂಪದ ಬೆಳವಣಿಗೆಯಾಗಲಿದೆ. ಪಾನ್ ಇಂಡಿಯಾ ಸಿನಿಮಾಗಳ ಕಾಲದಲ್ಲಿ ಕನ್ನಡದ ಚಿತ್ರ ಹಿಂದಿಗೆ ರಿಮೇಕ್ ಆದಂತಾಗುತ್ತದೆ.

ಶಿವರಾಜಕುಮಾರ್ ‘ಭೈರತಿ ರಣಗಲ್’ ಮೂಲಕ ಮತ್ತೊಮ್ಮೆ  ಆಕ್ಷನ್ ಸಿನಿಮಾ ನೀಡಿದ್ದಾರೆ.  ಚಿತ್ರದ ನಿರ್ದೇಶಕ ನರ್ತನ್ ಬಗ್ಗೆಯೂ ಅಪಾರವಾದ ಮೆಚ್ಚುಗೆ ವ್ಯಕ್ತವಾಗಿದೆ. ಸಿನಿಮಾ ಕರ್ನಾಟಕದ ಹೊರಗೂ ದೊಡ್ಡ ಮಟ್ಟದ ಸದ್ದು ಮಾಡುತ್ತಿದೆ.