ಬೇಡಿಕೆ ನಟಿಯಾದ ಶಾನ್ವಿ ಶ್ರೀವಾಸ್ತವ!

ಮುದ್ದು ಮುದ್ದಾದ ನಗು,ನೋಡಿದ ಮೊದಲ ನೋಟದಲ್ಲೇ ಎಲ್ಲರನ್ನೂ ಮೋಡಿ ಮಾಡೋ ಮುಗ್ಧ ಮುಖ.’ಚಂದ್ರಲೇಖ’ ಸಿನಿಮಾ ಮೂಲಕ ಕನ್ನಡ ಸಿನಿಮಾರಂಗವನ್ನು ಪ್ರವೇಶಿಸಿದ ನಾಯಕ ನಟಿ.ಮುಂಬೈ ಬೆಡಗಿ ಆದರೂ ಕನ್ನಡ ಸಿನಿಮಾಗಳಲ್ಲೆ ಬ್ಯಾಕ್ ಟು ಬ್ಯಾಕ್ ಸ್ಟಾರ್ ಗಳ ಜೊತೆ ನಟಿಸ್ತಾ ಇರೋ ಕನ್ನಡದ ಬಹು ಬೇಡಿಕೆಯ ನಟಿ..

ಇಷ್ಟೆಲ್ಲಾ ಪೀಟಿಗೆ ಯಾರಿಗೆ ಅನ್ಕೊಂಡ್ರಿ? ಇಷ್ಟೊತ್ತು ನಾನ್ ಹೇಳಿದ್ದು ಶಾನ್ವಿ ಬಗ್ಗೆ ಕಣ್ರೀ…………. ಹೌದು ಶಾನ್ವಿ ಶ್ರೀವಾಸ್ತವ..ಹೆಸರು ಕೇಳಿದಾಕ್ಷಣ ನೆನಪಿಗೆ ಬರೋದು ಅವರ ಮೈ ಮರೆಸೋ ಬ್ಯೂಟಿ. ಸ್ಯಾಂಡಲ್ ವುಡ್ ನಲ್ಲಿ ತನ್ನ ಸೌಂದರ್ಯ ಹಾಗೂ ಅಭಿನಯದ ಮೂಲಕವೇ ಗುರುತಿಸಿಕೊಂಡಿರುವ ನಟಿ. ಬಹುತೇಕ ಸ್ಟಾರ್ ಗಳ ಜೊತೆಯಲ್ಲಿ ಅಭಿನಯ ಮಾಡಿರುವ ಶಾನ್ವಿ ಸದ್ಯ ಕನ್ನಡದಲ್ಲಿ ಬೇಡಿಕೆಯ ನಟಿ.ಮುಂಬೈ ಬೆಡಗಿ ಆದರೂ ಕೂಡ ಶಾನ್ವಿ ಹೆಚ್ಚಾಗಿ ಕಾಣಿಸಿಕೊಂಡಿದ್ದು, ಕನ್ನಡ ಸಿನಿಮಾದಲ್ಲಿ. ಚಿರಂಜೀವಿ ಸರ್ಜಾ, ಯಶ್, ಶ್ರೀ ಮುರಳಿ, ದರ್ಶನ್,ಗಣೇಶ್ ಸಿನಿಮಾಗಳಲ್ಲಿ ನಾಯಕಿಯಾಗಿ ಕಾಣಿಸಿಕೊಂಡ ನಟಿ ಶಾನ್ವಿ ಕನ್ನಡದಲ್ಲಿ ಬೇಡಿಕೆ ನಟಿಯಾಗಿ ಉಳಿದುಕೊಂಡಿದ್ದಾರೆ ಎನ್ನುವುದಕ್ಕೆ ಸ್ಪಷ್ಟ ಉದಾಹರಣೆ ಶಾನ್ವಿ ಕೈನಲ್ಲಿರುವ ಚಿತ್ರಗಳ ಪಟ್ಟಿ. ರಕ್ಷಿತ್ ಶೆಟ್ಟಿ ಅಭಿನಯದ ‘ಅವನೇ ಶ್ರೀಮನ್ನಾರಾಯಣ’ ಚಿತ್ರದಲ್ಲಿ ಶಾನ್ವಿ ನಾಯಕಿಯಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಈ ಹಿಂದೆ ಕಾಣಿಸಿಕೊಂಡ ಚಿತ್ರಗಳಿಗಿಂತಲೂ ವಿಭಿನ್ನ ಗೆಟಪ್ ನಲ್ಲಿ ಶಾನ್ವಿ ‘ಅವನೇ ಶ್ರೀಮನ್ನಾರಾಯಣ’ ಚಿತ್ರದ ಮೂಲಕ ಪ್ರೇಕ್ಷಕರ ಮುಂದೆ ಬರಲಿದ್ದಾರಂತೆ.ಉಪೇಂದ್ರ ಹಾಗೂ ರವಿಚಂದ್ರನ್ ಅಭಿನಯದ ಹೊಸ ಚಿತ್ರದಲ್ಲಿಯೂ ಶಾನ್ವಿ ಕಾಣಿಸಿಕೊಳ್ಳಲಿದ್ದಾರೆ ಅನ್ನೋ ಸುದ್ದಿ ಹರಿದಾಡ್ತಾ ಇದೆ. ,

ಶಾನ್ವಿಯನ್ನು ಕನ್ನಡ ಸಿನಿಮಾರಂಗಕ್ಕೆ ಪರಿಚಯಿಸಿದ್ದ ಓಂ ಪ್ರಕಾಶ್ ರಾವ್ ಅವರೇ ಆ್ಯಕ್ಷನ್ ಕಟ್ ಹೇಳ್ತಾ ಇದ್ದು, ರವಿಚಂದ್ರನ್ ಮಗಳ ಪಾತ್ರವನ್ನು ಶಾನ್ವಿ ನಿರ್ವಹಿಸುತ್ತಿದ್ದಾರೆ ಎನ್ನುವ ಸುದ್ದಿಯೂ ಇದೆ. ಇಷ್ಟು ಬ್ಯೂಸಿಯಾಗಿರೋ ನಟಿ ಶಾನ್ವೀ ಶ್ರೀವಾತ್ಸವ್ ಹೊಸ ಹೊಸ ಪ್ರತಿಭೆಗಳ ಜೊತೆ ಸಿನಿಮಾ ಮಾಡುವತ್ತ ಮುಖ ಮಾಡಿದ್ದಾರೆ. ಯಾಕಂದ್ರೆ ಈ ಹಿಂದೆ ಕ್ರೇಜಿಸ್ಟಾರ್ ಪುತ್ರ ಮನೋರಂಜನ್ ಅವ್ರ ಜೊತೆ ಆಕ್ಟ್ ಮಾಡಿ ಸೈ ಅನಿಸಿಕೊಂಡಿದ್ರು. ಇದೀಗ ಡಾ.ರಾಜ್ ಕುಮಾರ್ ಕುಟುಂಬದ ಮತ್ತೊಂದು ಕುಡಿ ಸೂರಜ್ ಹೀರೋ ಆಗಿ ನಟಿಸುತ್ತಿರುವ ಚಿತ್ರದಲ್ಲಿ ಶಾನ್ವೀ ನಾಯಕಿಯಾಗಿ ಅಭಿನಯಿಸ್ತಿದ್ದಾರೆ. ಸೂರಜ್ ಅವರ ಚೊಚ್ಚಲ ಚಿತ್ರಕ್ಕೆ ‘ಅಖಿಲ್’ ಎಂಬ ಹೆಸರು ಫಿಕ್ಸ್ ಆಗಿದ್ದು, ಅನೂಪ್ ಅಂಟೋನಿ ಈ ಚಿತ್ರದ ನಿರ್ದೇಶನ ಮಾಡುತ್ತಿದ್ದಾರೆ. ಈ ಮೂರು ಸಿನಿಮಾಗಳನ್ನು ಬಿಟ್ಟು ಮತ್ತೆರೆಡು ಚಿತ್ರಗಳಲ್ಲಿ ನಟಿಸಲು ಶಾನ್ವಿ ಗ್ರೀನ್ ಸಿಗ್ನಲ್ ಕೊಟ್ಟಿದ್ದಾರೆ. ಎಲ್ಲಾ ಚಿತ್ರದ ಪಾತ್ರಗಳು ವಿಭಿನ್ನವಾಗಿದೆ ಎನ್ನುವುದು ಶಾನ್ವಿ ಮಾತು. ಕನ್ನಡ ಸಿನಿಮಾರಂಗದಲ್ಲೇ ನೆಲೆ ಕಂಡುಕೊಳ್ಳಬೇಕು ಎನ್ನುವ ಆಸೆಯೂ ಕೂಡ ಇದೆಯಂತೆ.ಅದೇನೇ ಇರಲಿ ಬಣ್ಣ-ಬಣ್ಣದ ಲೋಕ…ಬಣ್ಣಿಸಲೂ ಆಗದು ಈ ಸಾಲು ಹಾಡಿನಂತೆ ಈ ಬಣ್ಣದ ಲೋಕಾನೇ ಹಾಗೆ..ಯಾರಿಗೆ ಒಲಿಯತ್ತೆ ಈ ಬಣ್ಣ ಅನ್ನೋದು ನಿರ್ಧರಿಸೋಕೆ ಆಗಲ್ಲ..ಕಲೆ ಒಮ್ಮೆ ಒಲಿದರೆ ಸಾಕು ಭಾಷೆ ಯಾವುದೇ ಇರಲೀ ಒಂದೇ ಸಿನಿಮಾದಲ್ಲಿ ಸ್ಟಾರ್ ಆದವರನ್ನೂ ನಾವು ಕಂಡಿದ್ದೇವೆ.ಹೀಗೇ ಬೇರೇ ಭಾಷೆಯ ನಟಿ ಆದ್ರು ಕನ್ನಡ ಪ್ರೀತಿ ಇವರನ್ನ ಸ್ಟಾರ್ ನಟಿಯಾಗಿಸಿದೆ ಅನ್ನೋದು ಖುಷಿ ವಿಚಾರವೇ ಸರಿ.