ಯೋಗರಾಜ್ ಭಟ್ ನಿರ್ದೇಶನ ಮಾಡಿದ್ದ ಗಾಳಿಪಟ ಚಿತ್ರ ಸ್ಯಾಂಡಲ್‌ವುಡ್‌ನಲ್ಲಿ ಸೂಪರ್ ಡೂಪರ್ ಹಿಟ್ ಆಗಿತ್ತು. ರಿಲೀಸ್ ಆದ ಟೈಮ್ ನಲ್ಲಿ ಗಾಳಿಪಟದ್ದೇ ಹಾಡಿನ ಹಾಗೂ ಡೈಲಾಗ್ ಗಳು ಎಲ್ಲರ ಬಾಯಲ್ಲಿ ಗುನುಗುವಷ್ಟು ಸಿನಿಮಾ ಹತ್ತಿರವಾಗಿತ್ತು.ಈಗ ಗಾಳಿಪಟದ ಪಾರ್ಟ್ 2 ಸಿನಿಮಾ ಬರುತ್ತೆ ಅನ್ನೋದು ಗಾಂಧಿನಗರದಲ್ಲಿ ಹರಿದಾಡ್ತಾ ಇರೋ ಸಧ್ಯದ ಹಾಟ್ ನ್ಯೂಸ್. 
ಗಾಂಧಿನಗರದ ಗಾಳಿಯಲ್ಲಿ ಹಾರಾಡುತ್ತಿದೆ ಗಾಳಿಪಟ, ಮತ್ತೆ ಗಾಳಿಪಟದ ಸೂತ್ರ ಹಿಡಿಯುತ್ತಾರಂತೆ ನಿರ್ದೇಶಕ ಯೊಗರಾಜ್ ಭಟ್. ಹೌದು ಈ ಹಿಂದೆ ಯೋಗರಾಜ್ ಭಟ್ ನಿರ್ದೇಶನದ ಮಾಡಿದ್ದ ಗಾಳಿಪಟ ಚಿತ್ರ ಸ್ಯಾಂಡಲ್‌ವುಡ್‌ನಲ್ಲಿ ಮತ್ತೊಮ್ಮೆ ಬೇರೆ ರೂಪದಲ್ಲಿ ಬರುತ್ತೆ ಅನ್ನೋ ಗಾಳಿಪಟದ ಸುದ್ದಿ ಮತ್ತೆ ಗಾಂದಿನಗರದಲ್ಲಿ ಹರಿದಾಡುತ್ತಿದೆ
‘ಮುಂಗಾರು ಮಳೆ’ ಚಿತ್ರ ಯಶಸ್ವಿ ಆದಮೇಲೆ ನಿರ್ದೇಶಕ ಯೋಗರಾಜ್ ಭಟ್ ಮತ್ತು ಗಣೇಶ್ ಜೋಡಿಯಲ್ಲಿ ಬಂದಂತಹ ಚಿತ್ರ ‘ಗಾಳಿಪಟ’, ಈ ಚಿತ್ರದಲ್ಲಿ ಗಣೇಶ್ ಜೊತೆಯಲ್ಲಿ ಮತ್ತಿಬ್ಬರು ರಾಜೇಶ್ ಕೃಷ್ಣನ್ ಮತ್ತು ದಿಗಂತ್ ಸಹ ನಾಯಕರಾಗಿ ಕಾಣಿಸಿಕೊಂಡ ಪಕ್ಕಾ ಫ್ಯಾಮಿಲಿ ಎಂಟರ್ಟೈನ್ ಮೆಂಟ್ ಸಿನಿಮಾ
ಸದ್ಯ ನಿರ್ದೇಶಕ ಯೋಗರಾಜ್ ಭಟ್ ಹೊಸಬರ ತಂಡದೊಂದಿಗೆ ‘ಪಂಚತಂತ್ರ’ ಚಿತ್ರದಲ್ಲಿ ಬ್ಯುಸಿಯಾಗಿದ್ದಾರೆ. ‘ಪಂಚತಂತ್ರ’ ಚಿತ್ರಕೂಡಾ ಚಿತ್ರಿಕರಣವನ್ನೆಲ್ಲ ಮುಗಿಸಿ ಪೋಸ್ಟ್ ಪ್ರೋಡಕ್ಷನ್ ಕೆಲಸದಲ್ಲಿ ಬ್ಯುಸಿಯಾಗಿದೆ, ಈ ಚಿತ್ರ ಬಿಡುಗಡೆಯಾಗಿ ‘ಪಂಚತಂತ್ರ’ದ ಕೆಲಸಗಳೆಲ್ಲ ಮುಗಿದಮೇಲೆ ಮುಂದಿನ ಪ್ರೊಜೆಕ್ಟ್ ಆಗಿ ‘ಗಾಳಿಪಟ’ ಭಾಗ-೨ ಚಿತ್ರವನ್ನು ಮಾಡುತ್ತಾರೆ ಅನ್ನೋ ಗಾಸಿಪ್ ಮಾತ್ರ ಎಲ್ಲರಲ್ಲೂ ಕೂತೂಹಲ ಹುಟ್ಟಿಸಿರೋದು ನಿಜ.
‘ಗಾಳಿಪಟ’ ಭಾಗ-೨ ನಲ್ಲಿಯೂ ಮೂವರು ನಾಯಕರಿರುತ್ತಾರೆ ಆದರೆ ಅವರೆಲ್ಲ ಹೊಸಬರು ಅನ್ನೋದು ಗಾಳಿಸುದ್ದಿ. ಅಂದರೆ ಹೊಸ ಹುಡುಗರೊಂದಿಗೆ ಗಾಳಿಪಟ ಹಾರಿಸಲು ಯೊಗರಾಜ್ ಭಟ್ ತಯಾರಿ ಮಾಡಿಕೊಂಡಿದ್ದಾರಂತೆ.ಅದೇನೇ ಇರಲಿ ಗಾಳಿಪಟ ಅನ್ನೋ ಚಿತ್ರ ಸಿನಿ ಪ್ರೇಕ್ಷಕರ ಮನಸನ್ನು ಕದಿಯಲು ಮುಖ್ಯ ಕಾರಣ ಚಿತ್ರದಲ್ಲಿನ ಸಂಭಾಷಣೆ, ಸಾಹಿತ್ಯ , ಹಾಡುಗಳು , ಕಾಮಿಡಿ ಮತ್ತು ಅದ್ಭುತವಾದ ತಾಣಗಳು, ಇವೆಲ್ಲವುಗಳಿಂದ ಪ್ರೇಕ್ಷಕರನ್ನು ಹಿಡಿದಿಟ್ಟುಕೊಳ್ಳುವಲ್ಲಿ ಯಶಸ್ವಿಯಾಗಿತ್ತು ‘ಈಗ ಗಾಂಧಿನಗರದ ಗಾಳಿಪಟದ ಸುದ್ದಿಯನ್ನ ಕೇಳಿದ ತಕ್ಷಣ ಪ್ರೇಕ್ಷಕರು ಖುಷ್ ಆಗಿದ್ದಾರೆ . ಮತ್ತೆ ಯೋಗರಾಜ್ ಭಟ್ ‘ಗಾಳಿಪಟ’ ಚಿತ್ರ ಮಾಡಿದರೆ ಅದರಲ್ಲಿ ಮನರಂಜನೆ ಇದ್ದೆ ಇರುತ್ತೆ ಎಂಬ ನೀರೀಕ್ಷೆಯನ್ನಿಟ್ಟುಕೊಂಡಿರುತ್ತಾರೆ ಈ ನಿರೀಕ್ಷೆಗಳಿಗೆ ಸದ್ಯದಲ್ಲಿಯೇ ಚಿತ್ರತಂತಂಡವೇ ಉತ್ತರ ನೀಡಬೇಕಿದೆ.
Be the first to comment