ಚಮಕ್ ಸಿನಿಮಾದ ಯಶಸ್ಸಿನ ನಂತ್ರ ನಿರ್ದೇಶಕ ಸಿಂಪಲ್ ಸುನಿ “ಬಜಾರ್” ಆರಂಭಿಸಿದ್ದಾರೆ. ಬಾರಿ ಪಾರಿವಾಳಗಳ ಬೆಟ್ಟಿಂಗ್ ಹಿನ್ನಲೆಯಲ್ಲಿ ಪ್ರೇಮಕಥೆಯನ್ನ ಹೇಳಹೊರಟಿದ್ದಾರೆ.ಪಾರಿವಾಳವನ್ನ ಸಾಕುವ ಶೋಕ್ ದಾರ್ ಪ್ರಾತ್ರದ ಮೂಲಕ ಹೊಸ ನಟ ಧನ್ವೀರ್ ನನ್ನ ಸ್ಯಾಂಡಲ್ ವುಡ್ ಗೆ ಪರಿಚಯಿಸ್ತಾ ಇದಾರೆ. ಈ ಚಿತ್ರದ ಹೊಸ ಟೀಸರ್ ರೀಲೀಸ್ ಆಗಿದ್ದು ಕ್ಯೂರಿಯಾಸಿಟಿನಾ ಜಾಸ್ತಿ ಮಾಡಿದಂತಿದೆ. ನೋಡೋಕೆ ಮಸ್ತ್ ಮೈ ಕಟ್ಟು ಹಾಗೂ ಟ್ರೈಲರ್ನಲ್ಲಿ ಹೊಡೆಯೋ ಜಬರ್ದಸ್ತ್ ಡೈಲಾಗ್ ನೋಡಿದ್ರೆ ಪಕ್ಕಾ ಮಾಸ್ ಹೀರೋ ಚಂದನವನಕ್ಕೆ ಎಂಟ್ರಿ ಕೊಡ್ತಾ ಇದಾರೇನೋ ಅನ್ಸೋದು ಗ್ಯಾರಂಟಿ.
ಬೆಂಗಳೂರು ಮತ್ತು ಮೈಸೂರಿನಲ್ಲಿ ನಡೆಯುವ ಪಾರಿವಾಳ ಜೂಜಾಟ ಹಾಗೂ ಸ್ಪರ್ಧೆಯ ಬಗ್ಗೆ ಸಿನಿಮಾ ಕಥೆಯನ್ನ ಮಾಡಿಕೊಂಡಿದ್ದು, ಧನ್ವೀರ್ ಗೆ ನಾಯಕಿಯಾಗಿ ಅಧಿತಿ ಪ್ರಭುದೇವ ಕಾಣಿಸಿಕೊಂಡಿದ್ದಾರೆ. ತಿಮ್ಮೇಗೌಡ್ರು ಈ ಚಿತ್ರದ ನಿರ್ಮಾಪಕ ರಾಗಿದ್ದು ಮಗನ ಸಿನಿಮಾಗೆ ಅಪ್ಪನೇ ಬಂಡವಾಳ ವನ್ನ ಹಾಕುತ್ತಿರೋದು ಇನ್ನೊಂದು ವಿಶೇಷ.
ರವಿ ಬಸ್ರೂರ್ ಬಜಾರ್ ಚಿತ್ರಕ್ಕೆ ಸಂಗೀತ ನಿರ್ದೇಶನ ಮಾಡಿದ್ದು ಸಂತೋಷ್ ರೈ ಪಾತಾಜೆ ಚಿತ್ರಕ್ಕೆ ಕ್ಯಾಮೆರಾ ವರ್ಕ್ ಸಖತ್ ಆಗೇ ವರ್ಕ್ ಆಗಿದೆ ಅನ್ನೋದು ಟ್ರೈಲರ್ ನೋಡಿದ್ರೆ ಗೊತ್ತಾಗುತ್ತೆ. ಬಜಾರ್ ಟೈಟಲ್ ಮಾಸ್ ಫೀಲ್ ನೀಡುತ್ತಿದ್ದು, ಚಮಕ್ ಸಿನಿಮಾ ಮೂಲಕ ಎಮೋಷನಲ್ ಕಥೆಯನ್ನ ಪ್ರಯೋಗ ಮಾಡಿದ್ದ ಸುನಿ ಬಜಾರ್ ಚಿತ್ರ ನಿರ್ದೇಶನ ಮಾಡಿ ಮಾಸ್ ಸಿನಿಮಾಗಳನ್ನೂ ನಿರ್ದೇಶನ ಮಾಡಬಲ್ಲರು ಎಂಬುದನ್ನ ಹೇಗೆ ಪ್ರೋವ್ ಮಾಡ್ತಾರೆ ಅನ್ನೋದನ್ನ ಕಾದು ನೋಡ್ಬೇಕು.
Pingback: devops outsourcing company