ನಾಳೆ ‘ಅಂಶು’ ತೆರೆಗೆ

ಮಹಿಳಾ ಪ್ರಧಾನ ಕಥಾ ಹಂದರ ಹೊಂದಿರುವ  ‘ಅಂಶು’ ಚಿತ್ರ ನಾಳೆ ರಾಜ್ಯಾದ್ಯಂತ ಬಿಡುಗಡೆಯಾಗಲಿದೆ.

ಎಂಸಿ ಚನ್ನಕೇಶವ ನಿರ್ದೇಶನದ ನಿಶಾ ರವಿಕೃಷ್ಣನ್ ಅಭಿನಯದ ಬಹು ನಿರೀಕ್ಷಿತ ‘ಅಂಶು’ ಚಿತ್ರ  ಈಗಾಗಲೇ ತನ್ನ ಟ್ರೈಲರ್ ನಿಂದಲೇ ಸಾಕಷ್ಟು ಕುತೂಹಲ ಮೂಡಿಸಿದೆ. ಪ್ರೇಕ್ಷಕರು ತೆರೆ ಮೇಲೆ ಚಿತ್ರ ವೀಕ್ಷಿಸಲು  ಕಾಯುತ್ತಿದ್ದಾರೆ.

ಈ ಚಿತ್ರವನ್ನು ಗ್ರಹಣ ಸ್ಟುಡಿಯೋಸ್ ಬ್ಯಾನರ್ ನಲ್ಲಿ  ನಿರ್ಮಾಣ ಮಾಡಿದ್ದು, ಕೆಸಿ ಬಾಲ ಸಾರಂಗನ್ ಸಂಗೀತ ಸಂಯೋಜನೆ ನೀಡಿದ್ದಾರೆ. ನಿರ್ದೇಶಕ ಎಂ ಸಿ ಚನ್ನಕೇಶವ ಹಾಗೂ ರಿಕ್ಕಿ ಮಾರ್ಟ್ ಅವರ ಸಂಕಲನ, ಮಹೇಂದ್ರ ಗೌಡ ಸಂಭಾಷಣೆ, ಸುನೀಲ್ ನರಸಿಂಹಮೂರ್ತಿ ಛಾಯಾಗ್ರಹಣವಿದೆ.

ಇದೊಂದು ಹಾರರ್ ಚಿತ್ರ ಎಂದು ಚಿತ್ರತಂಡ ಹೇಳಿಕೊಂಡಿದೆ. ಇದರ ಜೊತೆಗೆ ಟ್ರೈಲರ್ ನಲ್ಲಿ ಕಥೆಗೆ ಪೂರಕವಾಗಿ ಸಸ್ಪೆನ್ಸ್ ಇರುವುದು ಭಾಸ ಆಗುತ್ತದೆ. ಕಾಲೇಜಿನ ಕಥೆ ಇಲ್ಲಿದೆ. ಟ್ರೈಲರ್ ನಲ್ಲಿ ಯುವತಿಯನ್ನು ರಕ್ಷಿಸಲು ಹೋಗುವ ನಾಯಕಿಯ ಪಾತ್ರ ಇದೆ. ಚಿತ್ರಮಂದಿರದಲ್ಲಿ ಚಿತ್ರ ಯಾವ ರೀತಿ ಪ್ರೇಕ್ಷಕರನ್ನು ಮೋಡಿ ಮಾಡಲಿದೆ ಎಂದು ಕಾದು ನೋಡಬೇಕಿದೆ.