Ambuja Tital Track Released :ಉಗ್ರಾವತಾರ ತಾಳಿದ ‘ಅಂಜುಜ’ ಟೈಟಲ್ ಟ್ರಾಕ್ ಬಿಡುಗಡೆ

ಸ್ಯಾಂಡಲ್​ವುಡ್​ನಲ್ಲಿ ಅದ್ಧೂರಿ ಮೇಕಿಂಗ್ ಚಿತ್ರಗಳ ಮಧ್ಯೆ ಮಹಿಳಾ ಪ್ರಧಾನ ಸಿನಿಮಾಗಳು ಸಿನಿ ಪ್ರೇಮಿಗಳನ್ನು ಎಂಟರ್​ಟೈನ್ ಮಾಡ್ತಾ ಇವೆ.‌ ಈ ಸಾಲಿಗೆ ಈಗ ಅಂಬುಜ ಸಿನಿಮಾ ಕೂಡ ಒಂದು.

ನಟಿ ಶುಭಾ ಪೂಂಜಾ ಹಾಗು ಅಮೃತವರ್ಷಿಣಿ ಧಾರಾವಾಹಿ ಖ್ಯಾತಿಯ ರಜಿನಿ ಮುಖ್ಯಭೂಮಿಕೆಯಲ್ಲಿರೋ ಅಂಬುಜ ಸಿನಿಮಾದ ಟ್ರೇಲರ್ ಇತ್ತೀಚೆಗೆ ಬಿಡುಗಡೆ ಮಾಡಲಾಯಿತು. ನೈಜ ಘಟನೆ ಆಧಾರಿತ ಕುತೂಹಲ ಭರಿತ ಟ್ರೇಲರ್ ಬಿಡುಗಡೆ ಯಾಗಿದ್ದು  ಸಿನಿಮಾ ಮೇಲಿನ ನಿರೀಕ್ಷೆ ಹೆಚ್ಚಿಸಿದೆ.

ಯೂಟ್ಯೂಬ್​ನ ಎ2 ಮ್ಯೂಸಿಕ್​ ಚಾನಲ್​ನಲ್ಲಿ ಚಿತ್ರದ ಟೈಟಲ್​ ಟ್ರಾಕ್​ ಬಿಡುಗಡೆಯಾಗಿದೆ. ‘ರಾಮಬಾಣದಿಂದ ಹುಟ್ಟಿ ಬಂದಾಳೋ, ಆ ಭೀಮನ ಬಲ ಪಡೆದು ಮೆಟ್ಟಿ ನಿಂತಾಳೋ, ಗುಡುಗು ಮಿಂಚಿನಂತೆ ಸಿಡಿದು ಬಂದಾಳೋ, ರುಂಡಗಳ ಚಂಡಾಡಲು ಹೊರಟು ನಿಂತಾಳೋ …’ ಎಂದು ಸಾಗುವ ಈ ಹಾಡನ್ನು ಹಿರಿಯ ನಟಿ ಮತ್ತು ಗಾಯಕಿ ಬಿ. ಜಯಶ್ರೀ ಹಾಡಿದ್ದಾರೆ. ನಿರ್ಮಾಪಕ ಕಾಶೀನಾಥ್​ ಮಡಿವಾಳರ್​  ಅವರೇ ಸಾಹಿತ್ಯ ರಚಿಸಿದ್ದು, ಪ್ರಸನ್ನ ಕುಮಾರ್​ ಸಂಗೀತ ಸಂಯೋಜಿಸಿದ್ದಾರೆ. ‘ಭಜರಂಗಿ’ ಮೋಹನ್​ ನೃತ್ಯ ಸಂಯೋಜಿಸಿರುವ ಈ ಹಾಡಿನಲ್ಲಿ ರಜನಿ ಮುಂತಾದವರು ಕಾಣಿಸಿಕೊಂಡಿದ್ದಾರೆ.

ಈ ತರಹದ ವಿಷಯವನ್ನು ಇದುವರೆಗೂ ಎಲ್ಲೂ ಕೇಳಿರುವುದಿಲ್ಲ ಮತ್ತು ನೋಡಿರುವುದಿಲ್ಲ ಎನ್ನುವ ನಿರ್ದೇಶಕ ಶ್ರೀನಿ, ‘ಲಂಬಾಣಿ ಸಮುದಾಯದಲ್ಲಿ ನಡೆದಿರುವ ಒಂದು ಘಟನೆಯನ್ನು ತೆಗೆದುಕೊಂಡು ನಾವು ಈ ಚಿತ್ರ ಮಾಡಿದ್ದೇವೆ’ ಎನ್ನುತ್ತಾರೆ.

ನೀವೆಂದೂ ಕೇಳರಿಯದ ಬೆಚ್ಚಿ ಬೀಳಿಸುವ ವಿಚಿತ್ರ ಕಥಾಹಂದರ ಹೊಂದಿರುವ ಚಿತ್ರ ಎಂಬ ಟ್ಯಾಗ್​ಲೈನ್​ ಹೊತ್ತು ಬಂದಿರುವ ಈ ಚಿತ್ರಕ್ಕೆ ನಿರ್ಮಾಪಕ ಕಾಶೀನಾಥ್​ ಮಡಿವಾಳರ್​ ಕಥೆ ಬರೆದಿದ್ದಾರೆ. ಈ ಚಿತ್ರದ ಕುರಿತು ಮಾತನಾಡುವ ಅವರು, ‘ಹೆಣ್ಮಕ್ಕಳು ಖಂಡಿತಾ ಈ ಚಿತ್ರವನ್ನು ಬಂದು ನೋಡಬೇಕು. ಈಗಿನ ಸಮಾಜದಲ್ಲಿ ಮಹಿಳೆಯರಿಗೆ ಏನೆಲ್ಲಾ ಸಮಸ್ಯೆಗಳು ಎದುರಾಗುತ್ತವೆ ಮತ್ತು ಹೇಗೆ ಎಚ್ಚರ ವಹಿಸಬೇಕು ಎಂಬುದು ಗೊತ್ತಾಗುತ್ತದೆ’ ಎನ್ನುತ್ತಾರೆ.

ಅಂಬುಜಾ, ಕ್ರೈಮ್ ಥ್ರಿಲ್ಲರ್, ಹಾಸ್ಯ, ಪ್ರೇಮ, ಹಾರರ್, ಥ್ರಿಲ್ಲರ್, ಸಸ್ಪೆನ್ಸ್ ಮತ್ತು ಭಾವನೆಗಳ ಅಂಶಗಳನ್ನು ಮನಬಂದಂತೆ ಬೆರೆಸಿ ವಿಶಿಷ್ಟವಾದ ಅನುಭವ ಸೃಷ್ಟಿಸುತ್ತದೆ ಎಂದು ನಿರ್ದೇಶಕರು ಹೇಳುತ್ತಾರೆ, ತಮ್ಮ ಚಿತ್ರದ ಬಗ್ಗೆ ಕೆಲವು ಗಮನಾರ್ಹ ಹೈಲೈಟ್‌ಗಳನ್ನು ಹಂಚಿಕೊಂಡಿದ್ದಾರೆ.

ಅಂಬುಜಾದಲ್ಲಿ ರಜನಿ ಪಾತ್ರದಲ್ಲಿ ಕೆಲವು ದೃಶ್ಯಗಳಿಗಾಗಿ ಸುಮಾರು 25 ಕೆಜಿ ತೂಕದ ಲಂಬಾಣಿ ವೇಷಭೂಷಣಗಳನ್ನು ಧರಿಸಿದ್ದಾರೆ ಎಂದು ಶ್ರೀನಿ ಹೇಳುತ್ತಾರೆ, ಶುಭಾ ತ್ರಿಪಾತ್ರಗಳಲ್ಲಿ ತಮ್ಮ ಬಹುಮುಖತೆಯನ್ನು ಪ್ರದರ್ಶಿಸುತ್ತಾರೆ, ಪ್ರತಿ ಅವತಾರದಲ್ಲಿ ಅತ್ಯುತ್ತಮವಾಗಿ ಹೊರಹೊಮ್ಮುತ್ತಾರೆ ಎಂದು ನಿರ್ದೇಶಕರು ತಿಳಿಸಿದ್ದಾರೆ.

ಇವರ ಜೊತೆ ಪದ್ಮಜಾರಾವ್, ಜಗದೀಶ್ ಹಲ್ಕುಡೆ, ಶರಣಯ್ಯ, ಕಾಮಿಡಿ ಕಿಲಾಡಿ ಗೋವಿಂದೇಗೌಡ, ಸಂದೇಶ್ ಶೆಟ್ಟಿ, ನಿಶಾ ಹೆಗಡೆ, ಆಶಾರಾಣಿ, ಗುರುದೇವ ನಾಗಾರಾಜ, ಬೇಬಿ ಆಕಾಂಕ್ಷ, ಮೋಹನ್ ಮಾಸ್ಟರ್, ಕ್ಯಾಮರಾಮನ್ ಮುರಳೀಧರ್, ಎಡಿಟರ್ ವಿಜಯ್ ಎಂ. ಕುಮಾರ್, ಹಿನ್ನೆಲೆ ಸಂಗೀತ ನಿರ್ದೇಶಕ ತ್ಯಾಗರಾಜ್ ಎಂ. ಎಸ್, ನೀಡಿದ್ದಾರೆ.

ಕ್ರೈಂ ಥ್ರಿಲ್ಲರ್ ಹಾರರ್ ಕಥಾಹಂದರ ಒಳಗೊಂಡ ಅಂಬುಜ ಸಿನಿಮಾಗೆ ಕಾಶಿನಾಥ್ ಡಿ ಮಡಿವಾಳರ್ ಬಂಡವಾಳ ಹೂಡಿದ್ದಾರೆ. ಮೊದಲ ಬಾರಿಗೆ ನಿರ್ಮಾಣಕ್ಕಿಳಿದಿರುವ ಇವರು, ಚಿತ್ರಕ್ಕೆ ಕಥೆ, ಸಾಹಿತ್ಯ ಕೂಡ ಬರೆದಿದ್ದಾರೆ. ಶ್ರೀನಿ ಹನುಂಮತರಾಜು ಎರಡನೇ ಸಿನಿಮಾ ಇದಾಗಿದೆ. ಪ್ರಸನ್ನ ಕುಮಾರ್ ಎಂ ಎಸ್ ಸಂಗೀತ ನಿರ್ದೇಶನ ಮಾಡಿದ್ದು, ಲಾಲಿ ಹಾಡನ್ನು ನಿರ್ಮಾಪಕ ಕಾಶಿನಾಥ್ ಮಗಳು, ಆಕಾಂಕ್ಷ ಅದ್ಭುತವಾಗಿ ಹಾಡಿದ್ದಾರೆ. ಚಿತ್ರದ ಸಹ ನಿರ್ಮಾಣದಲ್ಲಿ ಲೋಕೇಶ್ ಭೈರವ, ಶಿವಪ್ರಕಾಶ್ ಕೈ ಜೋಡಿಸಿದ್ದಾರೆ. ಟ್ರೇಲರ್ ಮೂಲಕ ಗಮನ ಸೆಳೆಯುತ್ತಿರುವ ಅಂಬುಜ ಜುಲೈ 21ಕ್ಕೆ ರಾಜ್ಯಾದ್ಯಂತ ಬಿಡುಗಡೆಯಾಗಲಿದೆ.