ಅಖಿಲ್” ಗಾಗಿ ಸ್ಯಾಂಡಲ್ ವುಡ್ ಗೆ ಎಂಟ್ರಿ ಕೊಟ್ಟ ತಮಿಳು ಸ್ಟಾರ್ ನಟ.!

ಡಾ ರಾಜ್ ಕುಮಾರ್ ಕುಟುಂಬದ ಸಂಬಂಧಿ ಸೂರಜ್ ಅಭಿನಯಿಸಲಿರುವ ಚೊಚ್ಚಲ ಸಿನಿಮಾ, ಈಗಾಗಲೇ ಅನೌನ್ಸ್ ಆಗಿದ್ದು,ಚಿತ್ರಕ್ಕೆ ‘ಅಖಿಲ್’ ಎಂಬ ಟೈಟಲ್ ಕೂಡ ಫಿಕ್ಸ್ ಆಗಿದೆ.ಹಾಗೇನೇ ಸೂರಜ್ ಗೆ ನಾಯಕಿ ಯಾಗಿ ‘ಮಾಸ್ಟರ್ ಪೀಸ್’ ಹುಡುಗಿ ಶಾನ್ವಿ ಶ್ರೀವಾಸ್ತವ್ ಆಯ್ಕೆಯಾಗಿರೋದು ಕೂಡ ಹಳೇ ವಿಚಾರಾನೇ.
ಆದ್ರೆ ಈಗೀಗ ಪರಭಾಷೆ ನಟ-ನಟಿಯರು ಕನ್ನಡಕ್ಕೆ ಬರೋದು ಕಾಮನ್ ಆಗಿದೆ. ಇತ್ತೀಚಿನ ಚಿತ್ರಗಳಲ್ಲಿ ಒಬ್ಬರಲ್ಲ ಒಬ್ಬರು ಸ್ಯಾಂಡಲ್ ವುಡ್ ಗೆ ಎಂಟ್ರಿ ಕೊಡ್ತಾನೆ ಇದ್ದಾರೆ. ಇದೀಗ, ತಮಿಳಿನ ಯುವ ಸ್ಟಾರ್ ನಟ ಈ ಸಿನಿಮಾಗೆ ಹೊಸ ಸೇರ್ಪಡೆ ಅನ್ನೋದು ಹೊಸ ವಿಷಯ.
ಎಸ್ ‘ಬಾಯ್ಸ್’, ‘ಕಾದಲ್’, ‘ವೇಯಿಲ್’ ಅಂತಹ ಸೂಪರ್ ಹಿಟ್ ಚಿತ್ರಗಳಲ್ಲಿ ನಟಿಸಿರುವ ಭರತ್ ಈಗ ಈ ಸಿನಿಮಾದ ಮೂಲಕ ಕನ್ನಡಕ್ಕೆ ಪಾದಾರ್ಪಣೆ ಮಾಡುತ್ತಿದ್ದಾರೆ ಎನ್ನಲಾಗಿದೆ.
ಚಿತ್ರದ ವಿಶೇಷ ಪಾತ್ರಕ್ಕಾಗಿ ಭರತ್ ಅವರನ್ನ ಕರೆತರುವ ಸಿದ್ಧತೆ ನಡೆದಿದೆ. ಈಗಾಗಲೇ ಒಂದು ಸುತ್ತಿನ ಮಾತುಕತೆ ಆಗಿದ್ದು, ಅಭಿನಯಿಸಲು ಆಸಕ್ತಿ ತೋರಿದ್ದಾರೆ ಎನ್ನಲಾಗಿದ್ದು,ಅನೂಪ್ ಆಂಟೋನಿ ಈ ಚಿತ್ರಕ್ಕೆ ಆಕ್ಷನ್ ಕಟ್ ಹೇಳಲಿದ್ದಾರೆ.