ಆಮಿರ್ ಖಾನ್ ಜತೆ ಮದುವೆಗೆ ಸಜ್ಜಾದ ಬೆಂಗಳೂರು ಸುಂದರಿ

ಆಮಿರ್ ಖಾನ್ ಜತೆ ಬೆಂಗಳೂರಿನ ಗೌರಿ ಎಂಬ ಮಹಿಳೆ ಮದುವೆಗೆ ಸಜ್ಜಾಗುತ್ತಿದ್ದಾರೆ.

2ನೇ ಪತ್ನಿ ಕಿರಣ್ ರಾವ್​ಗೆ ಡಿವೋರ್ಸ್ ನೀಡಿದ ನಂತರ ಆಮಿರ್ ಖಾನ್ 3ನೇ ಮದುವೆಗೆ ಸಜ್ಜಾಗುತ್ತಿದ್ದಾರೆ. ಬೆಂಗಳೂರು ಮೂಲದ ಮಹಿಳೆ ಗೌರಿ ಜೊತೆಗೆ ಅವರು ರಿಲೇಷನ್​ಶಿಪ್​ನಲ್ಲಿ ಇದ್ದಾರೆ.

ಆಮಿರ್ ಖಾನ್ ಅವರಿಗೆ ಈಗ 60 ವರ್ಷ ವಯಸ್ಸು. ಗೌರಿ ಮತ್ತು ಆಮಿರ್ ಖಾನ್ ಅವರಿಗೆ 25 ವರ್ಷಗಳ ಹಿಂದೆಯೇ ಪರಿಚಯವಿತ್ತು. ಆದರೆ ಕೆಲವು ವರ್ಷ ಸಂಪರ್ಕದಲ್ಲಿ ಇರಲಿಲ್ಲ. ಕಳೆದ ಒಂದೂವರೆ ವರ್ಷದಿಂದ ಅವರಿಬ್ಬರು ಒಟ್ಟಿಗೆ ವಾಸಮಾಡಲು ಆರಂಭಿಸಿದ್ದಾರೆ.

ಗೌರಿ ಅವರು ಬೆಂಗಳೂರಿನವರು. ಅವರ ತಾಯಿ ರಿಟಾ ಬೆಂಗಳೂರಿನಲ್ಲಿ ಸಲೂನ್ ಹೊಂದಿದ್ದಾರೆ.  ಗೌರಿ   ಬ್ಲೂ ಮೌಂಟೇನ್ ಶಾಲೆಯಲ್ಲಿ  ವಿದ್ಯಾಭ್ಯಾಸ ಮಾಡಿದ್ದಾರೆ. ಲಂಡನ್​ನ ಯೂನಿವರ್ಸಿಟಿ ಆಫ್​ ಆರ್ಟ್ಸ್​ನಲ್ಲಿ  ಫ್ಯಾಷನ್ ಹಾಗೂ ಫೋಟೋಗ್ರಫಿ ಕುರಿತು ಉನ್ನತ ಶಿಕ್ಷಣ ಪಡೆದಿದ್ದಾರೆ. ಸದ್ಯಕ್ಕೆ ಅವರು ಮುಂಬೈನಲ್ಲಿ ತಮ್ಮದೇ ಸಲೂನ್ ನಡೆಸುತ್ತಿದ್ದಾರೆ.  ಗೌರಿ ಅವರಿಗೆ 6 ವರ್ಷದ ಮಗ ಇದ್ದಾನೆ.

ಗೌರಿ ಈಗ ಆಮಿರ್ ಖಾನ್ ಅವರ ಪ್ರೊಡಕ್ಷನ್​ನಲ್ಲಿ ಕೆಲಸ ಮಾಡುತ್ತಿದ್ದಾರೆ. ಈ ಬಗ್ಗೆ ಸ್ವತಃ ಆಮಿರ್ ಖಾನ್ ಮಾಹಿತಿ ನೀಡಿದ್ದಾರೆ.  ಕಳೆದ 18 ತಿಂಗಳಿನಿಂದ ಆಮಿರ್ ಖಾನ್ ಮತ್ತು ಗೌರಿ ಅವರು ಡೇಟಿಂಗ್ ಮಾಡುತ್ತಿದ್ದರು. ಆದರೂ  ಮಾಹಿತಿ ಲೀಕ್ ಆಗಿರಲಿಲ್ಲ. ಈಗ ಒಮ್ಮೆಲೇ ಆಮಿರ್ ಖಾನ್ ಎಲ್ಲ ವಿಷಯವನ್ನು ಹೇಳಿದ್ದಾರೆ.