‘ರಿಯಲ್ ಸ್ಟಾರ್’ ಉಪೇಂದ್ರ ನಾಯಕರಾಗಿ ನಟಿಸುತ್ತಿರುವ, ಆರ್ ಚಂದ್ರು ನಿರ್ದೇಶನದ, ಪ್ಯಾನ್ ಇಂಡಿಯಾ ಸಿನಿಮಾ ‘ಕಬ್ಜ‘ ಈಗಾಗಲೇ ಹಲವು ಕಾರಣಗಳಿಂದ ಸಾಕಷ್ಟು ನಿರೀಕ್ಷೆಗಳನ್ನು ಹುಟ್ಟು ಹಾಕುತ್ತಿದೆ.ಸೆಪ್ಟೆಂಬರ್ 18ರಂದು ಉಪೇಂದ್ರ ಅವರ ಹುಟ್ಟುಹಬ್ಬ. ಈ ಸಡಗರಕ್ಕೆ ‘ಕಬ್ಜ’ ಚಿತ್ರತಂಡ ಥೀಮ್ ಪೋಸ್ಟರ್ ಬಿಡುಗಡೆ ಮಾಡುವ ಮೂಲಕ ಉಪೇಂದ್ರ ಅವರಿಗೆ ಹುಟ್ಟುಹಬ್ಬದ ಉಡುಗೊರೆ ನೀಡುತ್ತಿದೆ. ಥೀಮ್ ಪೋಸ್ಟರ್‌ನ್ನು ಖ್ಯಾತ ನಿರ್ದೇಶಕ ರಾಮ್ ಗೋಪಾಲ್ ವರ್ಮ ಬಿಡುಗಡೆ ಮಾಡಿದ್ದಾರೆ. ಪೋಸ್ಟರ್ ಸೂಫರ್ ಆಗಿದೆ ಎಂದು ಚಂದ್ರು ಅವರಿಗೆ ಹೇಳಿದ್ದಾರೆ. ಹಾಗೇ ‘ರಿಯಲ್ ಸ್ಟಾರ್ ಉಪೇಂದ್ರ ಅವರಿಗೂ ಕೂಡಾ ವಿಷ ಮಾಡಿದ್ದಾರೆ.
ಅದ್ಧೂರಿತನ ಅಂದ್ರೆ, ಆರ್ ಚಂದ್ರು, ಆರ್. ಚಂದ್ರು ಅಂದ್ರೆ ಅದ್ಧೂರಿತನ. ಉಪ್ಪಿ ಮತ್ತು ಆರ್. ಚಂದ್ರು ಕಾಂಬಿನೇಷನ್ನಲ್ಲಿ ಬರ್ತಿರೋ ಕಬ್ಜ ಸಿನಿಮಾ ಸೆಟ್ಟೇರಿದ ದಿನದಿಂದಲೂ ಬೇಜಾನ್ ಸೌಂಡ್ ಮಾಡುತ್ತಿದೆ. ಕೊರೊನಾ ಅಟ್ಟಹಾಸದ ನಡುವೆಯೂ ಸಿನಿಮಾ ಹವಾ ಕಮ್ಮಿಯಾಗದಂತೆ ಪ್ರಮೋಷನ್ ಮಾಡ್ತಿದ್ದಾರೆ ಆರ್. ಚಂದ್ರು. ಇದೀಗ ಕಬ್ಜ ಚಿತ್ರಕ್ಕೆ ಸ್ಟಾರ್ ಡೈರೆಕ್ಟರ್ ಆರ್ಜಿವಿ ಸಾಥ್ ಸಿಕ್ತಿದೆ.
ಕೆಜಿಎಫ್ ಮಾದರಿಯಲ್ಲಿ ಪ್ಯಾನ್ ಇಂಡಿಯಾ ಲೆವೆಲ್ನಲ್ಲಿ ನಿರ್ಮಾಣವಾಗಿರೋ ಅದ್ಧೂರಿ ಸಿನಿಮಾ ಕಬ್ಜ. ಬರೋಬ್ಬರಿ 7 ಭಾಷೆಗಳಲ್ಲಿ ಸಿನಿಮಾ ರಿಲೀಸ್ಗೆ ಪ್ಲಾನ್ ಮಾಡಲಾಗ್ತಿದೆ. 70- 80ರ ದಶಕದ ರೆಟ್ರೋ ಸ್ಟೈಲ್ ಡಾನ್ ಅವತಾರದಲ್ಲಿ ರಿಯಲ್ ಸ್ಟಾರ್ ಉಪೇಂದ್ರ ದರ್ಶನ ಕೊಟ್ಟಿದ್ದು, ಕೊರೊನಾ ಹಾವಳಿ ಹಿನ್ನಲೆ ಶೂಟಿಂಗ್ಗೆ ಬ್ರೇಕ್ ಬಿದ್ದಿದೆ.. ಆದ್ರೆ ಹಾಲಿವುಡ್ ಸ್ಟೈಲ್ನಲ್ಲಿ ಇಡೀ ಚಿತ್ರವನ್ನ ಸೆರೆ ಹಿಡಿಯಲಾಗ್ತಿದೆ.
ಕಬ್ಜ ಅನ್ನೋ ನೆಕ್ಸ್ಟ್ ಲೆವೆಲ್ ಸಿನಿಮಾ ಸಾರಥ್ಯ ವಹಿಸಿರೋ ಆರ್. ಚಂದ್ರು, ನ್ಯಾಷನಲ್ ಲೆವೆಲ್ನಲ್ಲಿ ಪ್ರಮೋಷನ್ ಮಾಡುತ್ತಿದ್ದಾರೆ. ಪ್ಯಾನ್ ಇಂಡಿಯಾ ಸಿನಿಮಾ ಅಂದ್ಮೇಲೆ ನ್ಯಾಷನಲ್ ಲೆವೆಲ್ನಲ್ಲಿ ಸಿನಿಮಾನ ರೀಚ್ ಮಾಡಿಸಬೇಕು. ಅದಕ್ಕಾಗಿ ಆರ್. ಚಂದ್ರು ಭಿನ್ನ ವಿಭಿನ್ನ ಪ್ಲಾನ್ ಮಾಡುತ್ತಿದ್ದಾರೆ. ಹೊಸ ಹೊಸ ಪ್ರಮೋಷನ್ ಕಾನ್ಸೆಪ್ಟ್ ಟ್ರೈ ಮಾಡುತ್ತಿದ್ದಾರೆ. ಇತ್ತೀಚೆಗೆ ಕಬ್ಜ ಚಿತ್ರದ ಎಕ್ಸ್ಕ್ಲೂಸಿವ್ ವೆಬ್ಸೈಟ್ ಲಾಂಚ್ ಮಾಡಲಾಗಿತ್ತು. ದೊಡ್ಡ ಕಾರ್ಯಕ್ರಮದಲ್ಲಿ ಕಬ್ಜ ತಂಡದ ಪ್ರಯತ್ನಕ್ಕೆ ಸೆಂಚುರಿ ಸ್ಟಾರ್ ಶಿವರಾಜ್ಕುಮಾರ್ ಸಾಥ್ ಕೊಟ್ಟಿದರು.
ಕಬ್ಜ ವೆಬ್ಸೈಟ್ ಲಾಂಚ್ ನಂತರ ಈಗ ಥೀಮ್ ಪೋಸ್ಟರ್ ರಿಲೀಸ್ ಮಾಡೋಕ್ಕೆ ಆರ್. ಚಂದ್ರು ಮುಂದಾಗಿದ್ದಾರೆ. ಸೆಪ್ಟೆಂಬರ್ 18ಕ್ಕೆ ರಿಯಲ್ ಸ್ಟಾರ್ ಬರ್ತ್ಡೇ. ಇದೇ ಸಂಭ್ರಮದಲ್ಲಿ ಕಬ್ಜ ಸಿನಿಮಾ ಥೀಮ್ ಏನು ಅನ್ನೋದನ್ನ ಸಾರಿ ಹೇಳುವ ಪೋಸ್ಟರ್ ಡಿಸೈನ್ ಮಾಡಲಾಗಿದೆ. ಈ ಪೋಸ್ಟರ್ನ ಭಾರತೀಯ ಚಿತ್ರರಂಗದ ಖ್ಯಾತ ನಿರ್ದೇಶಕ ರಾಮ್ಗೋಪಾಲ್ ವರ್ಮಾ ರಿವೀಲ್ ಮಾಡಲಿದ್ದಾರೆ. ಸೆಪ್ಟೆಂಬರ್ 17ರ ಸಂಜೆ 5 ಗಂಟೆಗೆ ಸೋಷಿಯಲ್ ಮೀಡಿಯಾದಲ್ಲಿ ಆರ್ಜಿವಿ ಕಬ್ಜ ಥೀಮ್ ಪೋಸ್ಟರ್ ಶೇರ್ ಮಾಡಲಿದ್ದಾರೆ.
ಕಬ್ಜ ಚಿತ್ರದ ಏಳು ಭಾಷೆಗಳ ಥೀಮ್ ಪೋಸ್ಟರ್ನ ಆರ್ಜಿವಿ ರಿಲೀಸ್ ಮಾಡಲಿದ್ದಾರೆ. ಆ ಮೂಲಕ ದೊಡ್ಡ ಮಟ್ಟದಲ್ಲಿ ಸಿನಿಮಾವನ್ನ ಬೂಸ್ಟ್ ಮಾಡುವ ಕೆಲಸಕ್ಕೆ ಚಿತ್ರತಂಡ ಕೈ ಹಾಕಿದೆ. ಅದ್ಧೂರಿ ಸೆಟ್ಗಳನ್ನ ನಿರ್ಮಿಸಿ, ನೂರಾರು ಸಹಕಲಾವಿದರು ಮತ್ತು ತಂತ್ರಜ್ಞರನ್ನ ಬಳಸಿಕೊಂಡು ಚಿತ್ರೀಕರಣ ನಡೆಸಲಾಗ್ತಿತ್ತು. ಕೊರೊನಾ ಹಾವಳಿಯಿಂದ ನಿಂತಿರುವ ಸಿನಿಮಾ ಚಿತ್ರೀಕರಣವನ್ನ ಮತ್ತೆ ಪುನರಾರಂಭಿಸಲು ಆರ್. ಚಂದ್ರು ಅಂಡ್ ಟೀಮ್ ಪ್ಲಾನ್ ಮಾಡುತ್ತಿದೆ. ರೆಟ್ರೋ ಸ್ಟೈಲ್ನಲ್ಲಿ ಗ್ಯಾಂಗ್ಸ್ಟರ್ ಆಗಿ ಅಬ್ಬರಿಸೋಕ್ಕೆ ಉಪ್ಪಿ ಕೂಡ ಕಾಯ್ತಿದ್ದಾರೆ.
Be the first to comment