ವೇಣು ಭಾರದ್ವಾಜ್ ನಾಯಕನಾಗಿ ನಟಿಸುತ್ತಿರುವ ‘ಹಗ್ಗ’ 2020ರ ಮೊದಲ ಚಿತ್ರವಾಗಿ ಸೆಟ್ಟೇರಿದೆ. ಜಯನಗರದ ನಿಮಿಶಾಂಬ ದೇವಾಲಯದಲ್ಲಿ ಸರಳವಾಗಿ ಪೂಜೆ ಸಲ್ಲಿಸುವ ಮೂಲಕ ಸಿನಿಮಾ ಪ್ರಾರಂಭಿಸಲಾಗಿದೆ ಶಾರ್ಟ್ ಮೂವಿಗಳಿಗೆ ಆ್ಯಕ್ಷನ್ ಕಟ್ ಹೇಳಿರುವ ಅವಿನಾಶ್.ಎನ್ ಅವರು ‘ಹಗ್ಗ’ ಚಿತ್ರಕ್ಕೂ ನಿರ್ದೇಶನ ಮಾಡ್ತಿದ್ದಾರೆ. ವೇಣು ಅವರೊಂದಿಗೆ ಸಹೋದರ ರಾಜ್ ಭಾರದ್ವಾಜ್ ವಸಂತ ಸಿನಿ ಕ್ರಿಯೇಷನ್ ಬ್ಯಾನರ್‌ನಡಿ ಚಿತ್ರಕ್ಕೆ ಬಂಡವಾಳ ಹೂಡುತ್ತಿದ್ದಾರೆ. ಹಗ್ಗ’ ಸಸ್ಪೆನ್ಸ್,ಥ್ರಿಲ್ಲರ್ನಿಂದ ಕೂಡಿದ ಕಂಪ್ಲೀಟ್ ಎಂಟರ್ಟೈನ್ಮೆಂಟ್ ಸಿನಿಮಾ.ಈ ಚಿತ್ರದಲ್ಲಿ ನಾಯಕ ವೇಣು ಭಾರದ್ವಾಜ್ ಹಳ್ಳಿಯಲ್ಲಿ ಗೌಡನ ಮಗನ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ನಾಯಕಿಯಾಗಿ ಮಾಡೆಲ್ ಪ್ರಿಯಾಂಕ ಅರೋರ ಜೊತೆಯಾಗಿದ್ದಾರೆ.
ಫ್ಯಾಷನ್ ಲೋಕದಿಂದ ಗಾಂಧಿನಗರದ ಕಡೆ ಮುಖ ಮಾಡಿರುವ ಪ್ರಿಯಾಂಕ, ಹಳ್ಳಿ ಹುಡುಗಿಯಾಗಿ ಬಣ್ಣ ಹಚ್ಚಲು ರೆಡಿಯಾಗಿದ್ದಾರೆ. ಹಾಸ್ಯ ನಟ ತಬಲಾ ನಾಣಿ ಮತ್ತೊಮ್ಮೆ ಸೋದರ ಮಾವನ ಪಾತ್ರದಲ್ಲಿ ನಟಿಸುತ್ತಿದ್ದಾರೆ.
ಚಿತ್ರದಲ್ಲಿ ತಬಲಾನಾಣಿ, ವಂದನಾ ,ವೇಣು ಭಾರದ್ವಾಜ್ ,ಮಾಡೆಲ್ ಪ್ರಿಯಾಂಕ ,ಸೇರಿದಂತೆ ಹಲವು ತಾರೆಯರು ನಟಿಸಿದ್ದಾರೆ. ಅವಿನಾಶ್ ಜಿ ಚಿತ್ರಕ್ಕೆ ಕ್ಯಾಮರಾ ವರ್ಕ್ ಮಾಡಿದ್ದಾರೆ ಪ್ರಸನ್ನ ಭೋಜಶೆಟ್ಟರ್ ಎಂಬುವರು ಸಂಗೀತ ಸಂಯೋಜಿಸಿದ್ದಾರೆ.
Pingback: 홀덤사이트