‘ಅಮರಾವತಿ ಪೊಲೀಸ್ ಸ್ಟೇಷನ್’ ಬಿಡುಗಡೆಗೆ ಸಿದ್ಧ

ಬಿಗ್ ಬಾಸ್ ಸೀಸನ್  ಸ್ಪರ್ಧಿ ಧರ್ಮ ಕೀರ್ತಿರಾಜ್ ಪೋಲೀಸ್ ಅಧಿಕಾರಿಯಾಗಿ ನಟಿಸಿರುವ ಮುಂಬರುವ ಸಸ್ಪೆನ್ಸ್ ಥ್ರಿಲ್ಲರ್ ‘ಅಮರಾವತಿ ಪೊಲೀಸ್ ಸ್ಟೇಷನ್’ ಬಿಡುಗಡೆಗೆ ಸಿದ್ಧವಾಗಿದೆ.

ಮಾರ್ಚ್ ಅಂತ್ಯದಲ್ಲಿ ಅಥವಾ ಏಪ್ರಿಲ್ ಆರಂಭದಲ್ಲಿ ಚಿತ್ರ ತೆರೆಗೆ ಬರುವ ನಿರೀಕ್ಷೆಯಿದೆ. ಮಾರ್ಚ್ 17 ರಂದು ಪುನೀತ್ ರಾಜ್‌ಕುಮಾರ್ ಅವರ ಜನ್ಮದಿನದಂದು ರೋಮ್ಯಾಂಟಿಕ್ ಟ್ರ್ಯಾಕ್ ಬಿಡುಗಡೆಯಾಗಲಿದೆ.  ಚಿತ್ರದ ಟೀಸರ್  ನ್ನು ಇತ್ತೀಚೆಗಷ್ಟೇ ಬಿಡುಗಡೆ ಮಾಡಿದ್ದು, ನಿಗೂಢ ಕಣ್ಮರೆಗಳು, ಆಘಾತಕಾರಿ ಕೊಲೆಗಳು, ಅನಿರೀಕ್ಷಿತ ತಿರುವುಗಳ   ಝಲಕ್  ನ್ನು ನೀಡುತ್ತದೆ.

ಚಿತ್ರದಲ್ಲಿ ಗುರುರಾಜ್ ಜಗ್ಗೇಶ್ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದು, ವೇದ್ವಿಕಾ ಸೋನಿ ನಾಯಕಿಯಾಗಿ ನಟಿಸಿದ್ದಾರೆ. ಭವ್ಯ, ಸಾಧು ಕೋಕಿಲ, ಜಿರಳೆ ಸುಧಿ ಮತ್ತು ಇತರರು ನಟಿಸಿದ್ದಾರೆ. ಪುನೀತ್ ಅರಸೀಕೆರೆ ಅವರ ಕಥೆ, ಚಿತ್ರಕಥೆ ಮತ್ತು ನಿರ್ದೇಶನ ಚಿತ್ರಕ್ಕಿದೆ.

ಚಿತ್ರವು ಗ್ರಾಮದ ಮುಖ್ಯಸ್ಥನ ನಾಪತ್ತೆಯ ಸುತ್ತ ಸುತ್ತುತ್ತದೆ. ನಂತರ ಪ್ರಕರಣದ ತನಿಖೆ ನಡೆಸುತ್ತಿರುವ ಪೊಲೀಸ್ ಅಧಿಕಾರಿ ಕಣ್ಮರೆಯಾಗುತ್ತಾರೆ. ಈ ರಹಸ್ಯವು ಬಯಲಾಗುತ್ತಿದ್ದಂತೆ, ನಾಗಾ ಸಾಧುಗಳೊಂದಿಗಿನ ಸಂಪರ್ಕವು ಬೆಳಕಿಗೆ ಬರುತ್ತದೆ. ಕಾಲ್ಪನಿಕ ಕರಾವಳಿ ಪಟ್ಟಣವಾದ ಅಮರಾವತಿಯಲ್ಲಿ ಚಿತ್ರ ನಡೆಯಲಿದೆ.

ಚಿತ್ರದ ಶೇ 90 ರಷ್ಟು ಚಿತ್ರೀಕರಣ ಮುಗಿದಿದೆ. ಕ್ಲೈಮ್ಯಾಕ್ಸ್ ಮತ್ತು ಹಾಡಿನ ಸೀಕ್ವೆನ್ಸ್ ಮಾತ್ರ ಗೋವಾ ಮತ್ತು ಹಿಂದೂಪುರದಲ್ಲಿ ಚಿತ್ರೀಕರಣಗೊಳ್ಳಲಿದೆ.  ಪಿಪಿ ಪವರ್ ಪಿಕ್ಚರ್ಸ್ ಬ್ಯಾನರ್ ಅಡಿಯಲ್ಲಿ ಕೆಆರ್ ಪ್ರದೀಪ್ ಕಮಲಾಪುರ ಚಿತ್ರಕ್ಕೆ ಬಂಡವಾಳ ಹೂಡಿದ್ದಾರೆ. ಚಿತ್ರಕ್ಕೆ ರೋಣದ ಬಕ್ಕೇಶ್  ಸಂಗೀತ ಸಂಯೋಜನೆ, ಗೌತಮ್ ಮಟ್ಟಿ   ಛಾಯಾಗ್ರಹಣ, ಡಿಫರೆಂಟ್ ಡ್ಯಾನಿ ಮತ್ತು ಅಲ್ಟಿಮೇಟ್ ಶಿವು ಅವರ ಸಾಹಸ ಮತ್ತು ವೆಂಕಿ ಯುವಿಡಿ ಅವರ ಸಂಕಲನವಿದೆ.