ಓಟಿಟಿ ವೇದಿಕೆಗಳಲ್ಲಿ ‘ಬಘೀರ’ ರಿಲೀಸ್

 ಶ್ರೀಮುರುಳಿ, ರುಕ್ಮಿಣಿ ವಸಂತ್ ನಟನೆಯ ಕನ್ನಡ ಸಿನಿಮಾ ಬಘೀರ ಚಿತ್ರ  ನವೆಂಬರ್ 21ರಂದು ಚಿತ್ರ ಓಟಿಟಿ ವೇದಿಕೆಗಳಲ್ಲಿ ರಿಲೀಸ್ ಆಗಿದೆ.

ಬಘೀರ ಸಿನಿಮಾ ನೆಟ್ ಫ್ಲಿಕ್ಸ್ ಜಾಗತಿಕ ಡಿಜಿಟಲ್ ವೇದಿಕೆಗಳಲ್ಲಿ ಸ್ಟ್ರೀಮಿಂಗ್ ಹಕ್ಕುಗಳನ್ನು ಪಡೆದ ಮೊದಲ ಕನ್ನಡ ಸಿನಿಮಾ ಆಗಿದೆ. ಕನ್ನಡದ ಡಿಜಿಟಲ್ ಸ್ಪೇಸ್ ನ್ನು ಉನ್ನತ ಮಟ್ಟಕ್ಕೆ ಕೊಂಡೊಯ್ದಿರುವ ಸಿನಿಮಾ ಬಘೀರ ಆಗಿದೆ.

ಒಟಿಟಿ ವೇದಿಕೆಗಳಲ್ಲಿ ಬಘೀರ ಕನ್ನಡ, ತಮಿಳು, ತೆಲುಗು, ಮಲಯಾಳಂ, ತುಳು ಭಾಷೆಯಗಳಲ್ಲಿ ಲಭ್ಯವಿರಲಿದ್ದು, ಇಂಗ್ಲೀಷ್ ಸಬ್ ಟೈಟಲ್ ಗಳಿರಲಿದೆ.

ಬಘೀರ ಸಿನಿಮಾಗೆ ಪ್ರಶಾಂತ್ ನೀಲ್  ಕಥೆ ಬರೆದಿದ್ದಾರೆ.  ಡಾ. ಸೂರಿ ನಿರ್ದೇಶನ ಮಾಡಿದ್ದಾರೆ. ಹೊಂಬಾಳೆ ಫಿಲ್ಮ್ಸ್ ಬಘೀರ ಸಿನಿಮಾವನ್ನು ನಿರ್ಮಾಣ ಮಾಡಿದೆ. ಎಜೆ ಶೆಟ್ಟಿ ಸಿನಿಮೆಟಾಗ್ರಫಿ, ಅಂಜನೀಶ್ ಬಿ ಲೋಕನಾಥ್ ಸಂಗೀತ ನೀಡಿದ್ದಾರೆ.

ಸಿಬಿಐ ಅಧಿಕಾರಿಯಾಗಿ ಪ್ರಕಾಶ್ ರಾಜ್ ಕಾಣಿಸಿಕೊಂಡಿದ್ದಾರೆ. ರಂಗಾಯಣ ರಘು, ಅಚ್ಯುತ್ ಕುಮಾರ್, ಸುಧಾರಾಣಿ, ಶರತ್ ಲೋಹಿತಾಶ್ವ, ‘ಸಿದ್ಲಿಂಗು’ ಶ್ರೀಧರ್, ಅಶ್ವಿನ್ ಹಾಸನ್, ರಘು ರಾಮನಕೊಪ್ಪ, ಪ್ರಕಾಶ ತುಮ್ಮಿನಾಡು ಈ ಸಿನಿಮಾದಲ್ಲಿದ್ದಾರೆ.  ಇದೊಂದು ಭಾರಿ ಆ್ಯಕ್ಷನ್‌ ಇರುವ ಸಿನಿಮಾವಾಗಿದೆ.