‘ರುಧಿರಂ’ ಫಸ್ಟ್ ಲುಕ್ ಬಿಡುಗಡೆ

ರಾಜ್ ಬಿ ಶೆಟ್ಟಿ ಮತ್ತು ಅಪರ್ಣಾ ಬಾಲಮುರಳಿ ಅಭಿನಯದ ರುಧಿರಂ ಸಿನಿಮಾದ ಫಸ್ಟ್ ಲುಕ್  ಅನಾವರಣಗೊಂಡಿದೆ.

ಎದ್ದುಕಾಣುವ ಕೆಂಪು ಹಿನ್ನೆಲೆಯಲ್ಲಿ ಹೊಂದಿಸಲಾದ ಪೋಸ್ಟರ್, ಬಿಳಿ ಕವರ್‌ನಲ್ಲಿ ಕುಳಿತಿರುವ ರಾಜ್‌ನನ್ನು ಚಿತ್ರಿಸುತ್ತದೆ. ಅಪರ್ಣಾ ಆತನ ಪಕ್ಕದಲ್ಲಿ ಬಂಡೆಯಂತೆ ಒರಟಾದ ಅವತಾರದಲ್ಲಿ ನಿಂತಿದ್ದಾರೆ.

ಜಿಶೋ ಲೋನ್ ಆಂಟೋನಿ ಚೊಚ್ಚಲ ನಿರ್ದೇಶನದ ರುಧಿರಂ ಸಿನಿಮಾಕ್ಕೆ ಜಿಶೋ ಮತ್ತು ಜೋಸೆಫ್ ಕಿರಣ್ ಜಾರ್ಜ್ ಸ್ಕ್ರಿಪ್ಟ್ ಬರೆದಿದ್ದಾರೆ.  ವೈದ್ಯರ ಜೀವನದಲ್ಲಿ ನಡೆಯುವ ನಿಗೂಢ ಘಟನೆಗಳ ಬಗ್ಗೆ ಸಿನಿಮಾ ವಿವರಿಸುತ್ತದೆ. ರುಧಿರಂ ಒಂದು ಸೇಡಿನ ಕಥೆಯಾಗಿದೆ.

2023 ರಲ್ಲಿ ಪ್ರಾರಂಭಿವಾದ ಈ ಚಿತ್ರವು ಆರಂಭದಲ್ಲಿ ಮಲಯಾಳಂ ಚಿತ್ರರಂಗದಲ್ಲಿ ರಾಜ್ ಅವರ ಚೊಚ್ಚಲ ಚಿತ್ರ ಎಂದು ಪ್ಲಾನ್ ಮಾಡಲಾಗಿತ್ತು. ರಾಜ್ ಬಿ ಶೆಟ್ಟಿ ಟರ್ಬೋ ಮತ್ತು ಕೊಂಡಲ್‌  ಮಲಯಾಳಂ ಚಿತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ.

ಚಿತ್ರಕ್ಕೆ ಸಾಜದ್ ಕಾಕ್ಕು ಅವರ ಛಾಯಾಗ್ರಹಣ, ಬವನ್ ಶ್ರೀಕುಮಾರ್ ಅವರ ಸಂಕಲನ,  4 ಮ್ಯೂಸಿಕ್ ಸಂಗೀತ ಸಂಯೋಜನೆಯಿದೆ. ಇದು ಮಲಯಾಳಂ ಜೊತೆಗೆ ಕನ್ನಡ, ತಮಿಳು ಮತ್ತು ತೆಲುಗು ಭಾಷೆಗಳಲ್ಲಿ ಡಬ್ಬಿಂಗ್ ಆಗಿ ಬಿಡುಗಡೆಯಾಗಲಿದೆ.

ರುಧಿರಂನ್ನು ರೈಸಿಂಗ್ ಸನ್ ಸ್ಟುಡಿಯೋ ಬ್ಯಾನರ್ ಅಡಿಯಲ್ಲಿ ವಿಎಸ್ ಲಾಲನ್ ನಿರ್ಮಿಸಿದ್ದಾರೆ. ಗೋಕುಲಂ ಗೋಪಾಲನ್ ಅವರ ಶ್ರೀ ಗೋಕುಲಂ ಮೂವೀಸ್ ಬಿಡುಗಡೆ ಮಾಡುತ್ತಿದೆ.