ಕಡಿಮೆ ದರದಲ್ಲಿ’ಆರಾಮ್ ಅರವಿಂದ್ ಸ್ವಾಮಿ’ ಟಿಕೆಟ್!

‘ಆರಾಮ್ ಅರವಿಂದ್ ಸ್ವಾಮಿ’ ಸಿನಿಮಾ ಕೇವಲ 99 ರೂಪಾಯಿಯಲ್ಲಿ ತೋರಿಸೋಕೆ ಸಿನಿಮಾ ತಂಡ ಪ್ಲಾನ್ ಮಾಡಿದೆ.

‘ಆರಾಮ್ ಅರವಿಂದ್ ಸ್ವಾಮಿ’ ಚಿತ್ರ  ನವೆಂಬರ್ 22 ರಂದು ರಿಲೀಸ್ ಆಗುತ್ತಿದೆ. ಸಿನಿಮಾ ರಿಲೀಸ್ ಆದ ಮೂರು ದಿನ ಮಾತ್ರ  ಈ ಚಿತ್ರದ ಟಿಕೆಟ್ 99 ರೂಪಾಯಿ ಇರುತ್ತದೆ. ಕಡಿಮೆ ದರದಲ್ಲಿ ಚಿತ್ರ ತೋರಿಸೋಕೆ ಸಿನಿಮಾ ತಂಡ  ನಿರ್ಧಾರ ಮಾಡಿದೆ.

ಈ ಚಿತ್ರದಲ್ಲಿ ನಾಯಕ ನಟ ಅನೀಶ್ ತೇಜೇಶ್ವರ್‌ಗೆ ಮಿಲನ ನಾಗರಾಜ್ ಜೋಡಿ ಆಗಿದ್ದಾರೆ. ಹೃತಿಕಾ ಶ್ರೀನಿವಾಸ್ ಕೂಡ ಈ ಚಿತ್ರದ ಮತ್ತೊಬ್ಬ ನಾಯಕಿ.

ಈ ಚಿತ್ರದಲ್ಲಿ ರೋಮ್ಯಾನ್ಸ್ ಇದೆ. ಕಾಮಿಡಿ ಕಂಟೆಂಟ್ ಕೂಡ ಇದೆ. ಹೀಗೆ ಎರಡೂ ಇರೋ ಚಿತ್ರದ ಒಂದು ನಿರೀಕ್ಷೆ ಕೂಡ ಇದೆ.ಈಗಾಗಲೇ ಸಿನಿಮಾದ ಹಾಡುಗಳು ಹೆಚ್ಚು ಗಮನ ಸೆಳೆದಿವೆ.

ಅರ್ಜುನ್ ಜನ್ಯ  ‘ಆರಾಮ್ ಅರವಿಂದ್ ಸ್ವಾಮಿ’ ಚಿತ್ರಕ್ಕೆ ಸಂಗೀತ ಕೊಟ್ಟಿದ್ದಾರೆ. ವೈವಿಬಿ ಶಿವಸಾಗರ್ ಕ್ಯಾಮರಾವರ್ಕ್,  ಶ್ರೀಕಾಂತ್ ಪ್ರಸನ್ನ ಹಾಗೂ ಪ್ರಶಾಂತ್ ರೆಡ್ಡಿ ಚಿತ್ರಕ್ಕೆ ದುಡ್ಡು ಹಾಕಿದ್ದಾರೆ.

ಆರಾಮ್ ಅರವಿಂದ್ ಸ್ವಾಮಿ ಚಿತ್ರದ ಟಿಕೆಟ್‌  ಕೆಲವು ನಿರ್ಮಾಪಕರು ಖರೀದಿಸಿದ್ದಾರೆ. ಜಯಣ್ಣ, ಅಶ್ವಿನಿ ಪುನೀತ್ ರಾಜ್‌ಕುಮಾರ್, ಕಾರ್ತಿಕ್ ಗೌಡ, ಯೋಗಿ ಜಿ, ತರುಣ್ ಸುಧೀರ್, ಯುವ ರಾಜ್‌ಕುಮಾರ್ ಈ ಚಿತ್ರದ ಟಿಕೆಟ್ ಖರೀದಿಸಿ  ಸಿನಿಮಾ  ಸಪೋರ್ಟ್ ಮಾಡಿದ್ದಾರೆ.