‘ಭರಾಟೆ’ ಟೀಸರ್…
ನಿನ್ನಯಷ್ಟೇ ರೋರಿಂಗ್ ಸ್ಟಾರ್ ಶ್ರೀಮುರಳಿ 37ನೇ ವಸಂತಕ್ಕೆ ಕಾಲಿಟ್ಟಿದ್ದಾರೆ. ಈ ಸಂದರ್ಭದಲ್ಲಿ ‘ಭರಾಟೆ’ ಟೀಸರ್ ಅನ್ನು ನಟ ದರ್ಶನ್ ಬಿಡುಗಡೆ ಮಾಡಿ, ಚಿತ್ರತಂಡಕ್ಕೆ ಶುಭ ಹಾರೈಸಿದ್ದಾರೆ. ಇನ್ನು ಇದೇ ಕಾರ್ಯಕ್ರಮದಲ್ಲಿ ‘ಮದಗಜ’ ಚಿತ್ರತಂಡದವರು ತಮ್ಮ ಚಿತ್ರದ ಫಸ್ಟ್ ಲುಕ್ ಪೋಸ್ಟರ್ ಕೂಡಾ ಬಿಡುಗಡೆ ಮಾಡಿದ್ದಾರೆ.
ಇನ್ನು ಟೀಸರ್ ನಲ್ಲಿ ನಾಯಕ ಶ್ರೀಮುರುಳಿ ಅಬ್ಬರಿಸಿದ್ದಾರೆ. ಖಡಕ್ ಡೈಲಾಗ್ ಹೊಡೆದಿದ್ದಾರೆ. ರಾಜಸ್ಥಾನದ ದೃಶ್ಯಗಳು ಮತ್ತು ಫೈಟ್ ಸನ್ನಿವೇಶಗಳು ಚಿತ್ರವನ್ನು ನೋಡಲು ಪ್ರೇರೆಪಿಸುತ್ತವೆ. ಈ ಚಿತ್ರದಲ್ಲಿ ‘ಕಿಸ್’ ಶ್ರೀ ಲೀಲಾ ನಾಯಕಿಯಾಗಿದ್ದಾರೆ.
ಬಹದ್ದೂರ್ ಹಾಗೂ ‘ಭರ್ಜರಿ’ ಚಿತ್ರಗಳ ನಂತರ ನಿರ್ದೇಶಕ ಚೇತನ್ ಕುಮಾರ್ ‘ಭರಾಟೆ’ ಚಿತ್ರವನ್ನು ಕೈಗೆತ್ತಿಕೊಂಡಿದ್ದು, ಈಗಾಗಲೇ ಚಿತ್ರದ ಚಿತ್ರೀಕರಣ ಮುಗಿಯುತ್ತಾ ಬಂದಿದೆ. ಚಿತ್ರದಲ್ಲಿ ಸುಮನ್, ತಾರಾ ಸೇರಿದಂತೆ ಅನೇಕ ತಾರಾಬಳಗವಿದ್ದು, ಅರ್ಜುನ್ ಜನ್ಯ ಸಂಗೀತ ಸಂಯೋಜನೆಯಿದೆ.
Pingback: wrap your boards