ಹೆಚ್ಚುತಿದೆ ‘ಹೆಚ್.ಎಸ್.ಆರ್’ ಸಂಭ್ರಮ!

ಕಳೆದ ಬಾರಿ ಸದ್ದು ಮಾಡಿದ HSR ಹಬ್ಬ ಈ ಬಾರಿ ಇನ್ನಷ್ಟು ಸದ್ದು ಮಾಡುವ ನಿರೀಕ್ಷೆಯಲ್ಲಿ ಡೊಳ್ಳು ಕುಣಿತದ ಮೂಲಕವೇ ಹಬ್ಬ ಆರಂಬಿಸಲಿದ್ದೇವೆ ಎಂದರು ಸವಿತಾ ಮತ್ತು ಕಿಶೋರ್ ರೆಡ್ಡಿ ದಂಪತಿ. ಈ ಬಾರಿ ಡಿಸೆಂಬರ್ 7,8 ಮತ್ತು 9 ಮೂರು ದಿನಗಳ ಕಾಲ ನಡೆಯುವ ಈ ಹಬ್ಬದಲ್ಲಿ ಒಂದು ಪೆಟ್ ಶೋ, ಕಿರುಚಿತ್ರ ಫೆಸ್ಡಿವಲ್, ಡ್ರೈವ್ ಇನ್ ಥಿಯೇಡರ್ ಮೊದಲಾದ ಕಾರ್ಯಕ್ರಮವಿದೆ. ಹಸಿರು ಸಂತೆ ಈ ಬಾರಿಯ ವಿಶೇಷತೆಯಾಗಿದ್ದು, ಇದರ ಮೂಲಕ ಒಂದು ರುಪಾಯಿಗೆ ಒಂದು ಕೆ.ಜಿ.ತರಕಾರಿ ನೀಡುವುದು, ಐದು ಮಂದಿ ಮಕ್ಕಳಿಗೆ ಉಚಿತ ವಿದ್ಯಾಭ್ಯಾಸ ನೀಡುವುದು. ಜೊತೆಗೆ ಸ್ಟಾರ್ ಈವೆಂಡ್, ಓಪನ್ ಸ್ಟ್ರೀಡ್ ಫೆಸ್ಡಿವಲ್ ಗಳನ್ನು ನಡೆಸಲಾಗುತ್ತದೆ. ನಿರಂಜನ್ ದೇಶಪಾಂಡೆ ಕಾರ್ಯಕ್ರಮದ ನಿರೂಪಕರಾಗಿದ್ದಾರೆ ಎಂದು ತಿಳಿಸಿದರು.

ಹೆಚ್.ಎಸ್.ಆರ್  ಲೇಔಟ್ ನಲ್ಲಿ ವಾಸವಾಗಿರುವ ಖ್ಯಾತ ನಟ ದ್ವಾರಕೀಶ್, ನಟಿ ನೀತು ಶೆಟ್ಟಿ, ಮಾನ್ವಿತಾ ಮೊದಲಾದವರು ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳಲ್ಲಿದ್ದಾರೆ. ಕಾರುಣ್ಯರಾಮ್ ಅವರು ಟಗರು ,ವಜ್ರಕಾಯ ಹಾಡುಗಳ ಫ್ಯೂಷನ್ ಗೆ ಡ್ಯಾನ್ಸ್ ಮಾಡುತ್ತಾರೆ. ನಟಿ ಕಾವ್ಯ ಶಾ, ನಟ ಮಯೂರ್ ಪಟೇಲ್ ಮೊದಲಾದವರು ಉಪಸ್ಥಿತರಿದ್ದರು.