‘ರುಧಿರ’ ಚಿತ್ರಕ್ಕೆ ಮುಹೂರ್ತ

ನಿರ್ದೇಶಕ ಫಣೀಶ್ ರುಧಿರ ಎಂಬ ಚಿತ್ರ ನಿರ್ದೇಶಿಸಲು ಮುಂದಾಗಿದ್ದಾರೆ. ಈ ಚಿತ್ರದ ನಾಯಕ ಪ್ರಜ್ವಲ್ ದೇವರಾಜ್.  ಚಿತ್ರದ ಮುಹೂರ್ತ ದೊಡ್ಡಗಣಪತಿ ದೇವಾಲಯದಲ್ಲಿ ನೆರವೇರಿತು.

ಇದು ವಸಿಷ್ಠ ಸಿಂಹರನ್ನು ನಾಯಕರನ್ನಾಗಿ ಮಾಡಲು ಸಿದ್ಧವಾದ ಚಿತ್ರವಾಗಿತ್ತು. ಆದರೆ ಶೆಡ್ಯೂಲ್ ಮುಂದೆ ಹೋದ ಕಾರಣ ಕಾಲ್ ಶೀಟ್ ಸಿಗದೆ ಅವರ ಬದಲು ಪ್ರಜ್ವಲ್ ದೇವರಾಜ್ ರನ್ನು ಆಯ್ಕೆ ಮಾಡಲಾಯಿತು ಎಂದು ಫಣೀಶ್ ತಿಳಿಸಿದರು. ದೇವರಾಜ್ ಕೂಡ ಈ ಚಿತ್ರದಲ್ಲಿ ನಟಿಸುತ್ತಿದ್ದಾರೆ ಹಾಗೂ ಸಿ.ಆರ್.ಪಿ.ಎಫ್ ಅಧಿಕಾರಿಯಾಗಿ ಕಾಣಿಸುತ್ತಾರೆ. ಆ್ಯಕ್ಷನ್ ,ರೊಮ್ಯಾಂಟಿಕ್ ಥ್ರಿಲ್ಲರ್ ಹಾಗೂ ಸಾಮಾಜಿಕ ಕಳಕಳಿಯ ಚಿತ್ರ ಇದಾಗಿದೆ. ಚಿತ್ರದಲ್ಲಿ ನಾಯಕಿಯದು ವೈದ್ಯೆಯ ಪಾತ್ರ. ಕಂಪೌಂಡರ್ ಆಗಿ ತಬಲಾ ನಾಣಿ ನಿರ್ವಹಿಸುತ್ತಿದ್ದಾರೆ.

ಭಾಗ್ಯತನಯ ಸ್ಟುಡಿಯೋಸ್ ಮೂಲಕ ಈ ಚಿತ್ರ ಮೂಡಿ ಬರುತ್ತಿದೆ. ಮೈಸೂರು, ದಾಂಡೇಲಿ ಮತ್ತು ಕೇರಳದ ಆದಿರಪಳ್ಳಿಯಲ್ಲಿ ಚಿತ್ರದ ಚಿತ್ರೀಕರಣ ನಡೆಯಲಿದೆ.ನಕ್ಸಲ್ ಎಲಿಮೆಂಟ್ ಇರುವ ಚಿತ್ರ ಇದಾಗಿದ್ದು ಛತ್ತೀಸ್ ಘಡ ದಂಡಕಾರಣ್ಯದ ನಕ್ಸಲ್ ಸಂಬಂಧಿಸಿದ ಚಿತ್ರ ಇದಾಗಿದೆ.  ಅಭಿಷೇಕ್ ಅಯ್ಯಂಗಾರ್ ಅವರು ಚಿತ್ರಕತೆ ಮತ್ತು ಸಂಭಾಷಣೆಯಲ್ಲಿ ಫಣೀಶ್ ಗೆ ಸಹಕಾರ ನೀಡಿದ್ದಾರೆ.ಸಂಕಲನಕಾರರಾಗಿ ಹರೀಶ್, ಮಫ್ತಿ ಛಾಯಾಗ್ರಾಹಕ ನವೀನ್ ಉಪಸ್ಥಿತರಿದ್ದರು.