ಶುಭ್ ಮನ್ ಗಿಲ್ ಜೊತೆ ರಿಧಿಮಾ ಮದುವೆ ಇಲ್ಲ!

ಕ್ರಿಕೆಟರ್ ಶುಭ್ ಮನ್ ಗಿಲ್ ಜೊತೆ ಮದುವೆ ಇಲ್ಲ ಎಂದು ನಟಿ  ರಿಧಿಮಾ ಪಂಡಿತ್ ಸ್ಪಷ್ಟನೆ ನೀಡಿದ್ದಾರೆ.

2024ರ ಡಿಸೆಂಬರ್​ನಲ್ಲಿ ಶುಭ್ ಮನ್ ಗಿಲ್, ರಿಧಿಮಾ ಪಂಡಿತ್ ಮದುವೆ ನಡೆಯಲಿದೆ ಎಂದು ಹೇಳಲಾಗಿತ್ತು. ಆದರೆ  ಇದನ್ನು ರಿಧಿಮಾ ಸುಳ್ಳು ಎಂದಿದ್ದಾರೆ.

”ಮುಂಜಾನೆ  ನನಗೆ ಪತ್ರಕರ್ತರಿಂದ ಹಲವು ಫೋನ್​ಕಾಲ್​ಗಳು ಬಂದವು. ನನ್ನ ಮದುವೆ ಬಗ್ಗೆ ಪ್ರಶ್ನೆ ಕೇಳಲಾಯಿತು. ಒಂದೊಮ್ಮೆ ನನ್ನ ಜೀವನದಲ್ಲಿ ಏನಾದರೂ ಮುಖ್ಯವಾದುದ್ದು ಘಟಿಸುತ್ತಿದೆ ಎಂದಾದರೆ ನಾನೇ ಬಂದು ಘೋಷಣೆ ಮಾಡುತ್ತೇನೆ. ಈಗ ಹರಿದಾಡುತ್ತಿರುವ ಸುದ್ದಿಯಲ್ಲಿ ಯಾವುದೇ ನಿಜವಿಲ್ಲ’ ಎಂದಿದ್ದಾರೆ ರಿಧಿಮಾ.

ರಿಧಿಮಾ ಪಂಡಿತ್ ಅವರ  ಸ್ಪಷ್ಟನೆಯಿಂದ ಶುಭ್​ಮನ್ ಗಿಲ್ ಫ್ಯಾನ್ಸ್ ನಿಟ್ಟುಸಿರು ಬಿಟ್ಟಿದ್ದಾರೆ.  ಮಾಜಿ ಕ್ರಿಕೆಟಿಗ ಸಚಿನ್ ತೆಂಡೂಲ್ಕರ್ ಅವರ ಮಗಳು ಸಾರಾ ತೆಂಡಲ್ಕೂರ್ ಜೊತೆ ಶುಭ್​ಮನ್ ಡೇಟಿಂಗ್ ಮಾಡುತ್ತಿದ್ದಾರೆ ಎನ್ನಲಾಗಿದೆ. ಒಂದೇ ಹೋಟೆಲ್​ನಲ್ಲಿ ಇವರು ಕೆಲವು ಬಾರಿ ಕಾಣಿಸಿಕೊಂಡಿದ್ದು ಅವರು ಸಾಕಷ್ಟು ಚರ್ಚೆ ಆಗಿದ್ದರು. ರಿಧಿಮಾ ಜೊತೆಗಿನ ಮದುವೆ ವಿಚಾರದ ಬಳಿಕ ಶುಭ್​ಮನ್ ಹಾಗೂ ಸಾರಾ ಅವರದ್ದು ಬ್ರೇಕಪ್ ಆಯಿತೇ ಎನ್ನುವ ಪ್ರಶ್ನೆ ಮೂಡಿತ್ತು.

2016ರಲ್ಲಿ ಪ್ರಸಾರ ಕಂಡ ಬಹು ಹಮಾರಿ ರಜ್ನಿ ಕಾಂತ್ ಧಾರವಾಹಿ ಮೂಲಕ  ರಿಧಿಮಾ ಬಣ್ಣದ ಲೋಕಕ್ಕೆ ಎಂಟ್ರಿಕೊಟ್ಟಿದ್ದರು. ಆ ಬಳಿಕ ಅವರು ಹಲವು ಹಿಂದಿ ಧಾರಾವಾಹಿಯಲ್ಲಿ ನಟಿಸಿದ್ದಾರೆ.

—–