ಸ್ಯಾಂಪಲ್ ವುಡ್ ನಲ್ಲಿ ಬಹಳಷ್ಟು ಪ್ರತಿಭೆಗಳು ವಿಭಿನ್ನ ಕಥೆಯ ಮೂಲಕ ಪ್ರೇಕ್ಷಕರ ಮುಂದೆ ಬರಲು ಸಜ್ಜಾಗಿದ್ದಾರೆ. ಆ ಸಾಲಿನಲ್ಲಿ ಒಂದು ಯುತ್ ಕಂಟೆಂಟ್ ನೊಂದಿಗೆ ತಂದೆ, ಮಗ, ತಾಯಿ ಹಾಗೂ ಮಗಳ ನಡುವಿನ ಕಥೆಯನ್ನು ಆಧರಿಸಿದ ಸಿನಿಮಾ ʻಕ್ರಷ್ʼ ಸಿನಿಮಾ. ಮಾಸ್ತಿ ಗುಡಿ ಚಿತ್ರದ ನಿರ್ಮಾಪಕ ಸುಂದರ್‌ ರಾಜ್‌ ಮುಖ್ಯ ಅತಿಥಿಯಾಗಿ ಆಗಮಿಸಿ ಈ “ಕ್ರಷ್” ಚಿತ್ರದ ಟ್ರೈಲರ್ ಹಾಗೂ ಒಂದು ಹಾಡನ್ನು, ಬಿಡುಗಡೆ ಮಾಡಿದರು.
ಪಾತ್ರದಲ್ಲಿʻಕ್ರಷ್ʼ ಚಿತ್ರದ ಕುರಿತು ನಿರ್ದೇಶಕ ಅಭಿ. ಎನ್‌ ಮಾತನಾಡಿ ʻʻನಾನು ನಿರ್ಮಾಪಕರು ಆರು ವರ್ಷದ ಸ್ನೇಹಿತರು. ಒಂದಷ್ಟು ಸಿನಿಮಾಗಳಿಗೆ ಸಹಾಯಕ ನಿರ್ದೇಶಕರಾಗಿ ಕೆಲಸ ಮಾಡಿದ್ದೇನೆ. ಇನ್ನು ಚಿತ್ರದ ಬಗ್ಗೆ ಹೇಳಬೇಕಾದರೆ ಸಾಮಾನ್ಯವಾಗಿ ಪ್ರತಿಯೊಬ್ಬ ಮನುಷ್ಯನರ ಜೀವನದಲ್ಲಿ ಕ್ರಷ್ ಇದ್ದೇ ಇರುತ್ತಾರೆ. ಈ ಸಿನಿಮಾ ಮಾಡುವುದಕ್ಕೆ ಜಗ್ಗೇಶ್‌ ಅವರು ನಮಗೆ ಆದರ್ಶವಾಗಿದ್ದಾರೆʼʼಎಂದರು.
ಪಂಚಾಕ್ಷರಿ ಈ ಸಿನಿಮಾ ನಾಯಕ ‘ಕರ್ಣ’ ಎನ್ನುವ ಪಾತ್ರದಲ್ಲಿ ನಾಯಕ ಮಿಂಚಲಿದ್ದಾರೆ. ಪ್ರತಿಭಾ ಅವರು ನಾಯಕಿಯಾಗಿ ನಟಿಸಿದ್ದಾರೆ. ಈ ಚಿತ್ರದಲ್ಲಿ ಒಟ್ಟು ಐದು ಹಾಡುಗಳಿವೆ. ಈ ಚಿತ್ರದ ನಿರ್ಮಾಪಕರಾದ ಎಸ್‌ .ಚಂದ್ರ ಮೋಹನ್ ಮಾತನಾಡಿ ʻʻತುಂಬಾ ಫ್ಯಾಷನ್‌ ಆಗಿ ಈ ಸಿನಿಮಾ ಮಾಡಬೇಕು ಎಂದು ಬಂದೆ. ಅದರಂತೆ ಸಿನಿಮಾ ಮೂಡಿ ಬಂದಿದೆ. ಕಷ್ಟಪಟ್ಟು ಸಿನಿಮಾ ಮಾಡಿದ್ದೇವೆ. ಈ ಚಿತ್ರ 2020ರಲ್ಲಿ ಆರಂಭ ಗೊಂಡಿದ್ದು, ಯು/ಎ ಸಿಕ್ಕಿದೆ. ತಂದೆ. ಮಗ, ತಾಯಿ ಮಗಳ ನಡುವಿನ ಕಥೆಯನ್ನು ಆದರಿಸಿ ಚಿತ್ರ ಮಾಡಲಾಗಿದೆ. ಈ ಚಿತ್ರದಲ್ಲಿ ನಾನು ಒಂದು ಪಾತ್ರವನ್ನು ಮಾಡಿದ್ದೇನೆ. ನಿಮ್ಮೆಲ್ಲರ ಪ್ರೋತ್ಸಾಹ ಸಹಕಾರ ಇರಲಿʼʼಎಂದರು.
ಈ ಚಿತ್ರಕ್ಕೆ ವಿನೀತ್‌ ರಾಜ್‌ ಮೆನನ್‌ ಸಂಗೀತ ನೀಡಿದ್ದು ಸಿ.ಎಸ್‌. ಸತೀಶ್‌ ಛಾಯಾಗ್ರಹಣ , ಸಂಭಾಷಣೆ ವಸಂತ್‌ ಮಾಡಿದ್ದಾರೆ. ಎಲ್ಲಾ ಅಂದುಕೊಂಡಂತೆ ನಡೆಯುತ್ತಿದ್ದು, ಮುಂದಿನ ಫೆಬ್ರವರಿಯಲ್ಲಿ ಚಿತ್ರವನ್ನು ರಾಜ್ಯಾದ್ಯಂತ ಬಿಡುಗಡೆ ಮಾಡಲಿದ್ದಾರೆ
Be the first to comment