ಸ್ಯಾಂಡಲ್‍ವುಡ್‍ನ ಹಿರಿಯ ನಟಿ ರೂಪಾದೇವಿ ಅವರು ಮತ್ತೆ ಬಣ್ಣದ ಲೋಕಕ್ಕೆ ಮರಳಿರುವ ಎ2ಎ2ಎ ಚಿತ್ರದ ಆಡಿಯೋ ಬಿಡುಗಡೆ ಸಮಾರಂಭವು ಮೊನ್ನೆ ನಡೆಯಿತು. ಜಯದೇವ ಆಸ್ಪತ್ರೆಯ ನಿರ್ದೇಶಕ ಡಾ.ಸಿ.ಎನ್.ಮಂಜುನಾಥ್ ಅವರು ಸಮಾರಂಭಕ್ಕೆ ಮುಖ್ಯ ಅತಿಥಿಗಳಾಗಿ ಬಂದು ಧ್ವನಿಸುರುಳಿಯನ್ನು ಬಿಡುಗಡೆ ಮಾಡಿ ಚಿತ್ರತಂಡಕ್ಕೆ ಶುಭ ಕೋರಿದರು.
ಈ ವೇಳೆ ಮಾತನಾಡಿದ ಅವರು ಈ ಚಿತ್ರದ ನಿರ್ಮಾಪಕ ಡಿ.ಜೆ.ಗೌಡಗೆ ಗಟ್ಟಿ ಹೃದಯ, ಈ ದುಬಾರಿ ಸಮಯದಲ್ಲೂ ಅವರು ಒಂದು ಸುಂದರವಾದ ಚಿತ್ರವನ್ನು ನಿರ್ಮಿಸಿದ್ದಾರೆ. ಲೀವ್ ಲೆಟರ್ ಮತ್ತು ಲವ್ ಲೆಟರ್ ಎರಡನ್ನೂ ನಂಬಬಾರದು ಎಂದು ಹೇಳುವ ಮೂಲಕ ಎಲ್ಲನ್ನೂ ನಗೆಗಡಲಿನಲ್ಲಿ ತೇಲಿಸಿದರು. ನಿಮಾಗಳಿಂದಾಗಿ ರಾಮಾಯಣ, ಮಹಾಭಾರತ ಅತಿ ಹೆಚ್ಚು ಜನರನ್ನು ತಲುಪಿದೆ, ಸಿನಿಮಾಗಳು ಉತ್ತಮ ಸಂಸ್ಕøತಿ ಹಾಗೂ ಅಭಿರುಚಿಯಿಂದ ಕೂಡಿರಬೇಕು. ನಮ್ಮ ಆಸ್ಪತ್ರೆಯ ಉದ್ಯೋಗಿ ಪ್ರತಾಪ್ ಅಲಿಯಾಸ್ ವಿಷ್ಣುವರ್ಧನ್ ಅವರು ಈ ಚಿತ್ರದ ನಾಯಕನಾಗಿದ್ದು ಅವರಿಗೆ ಈ ಚಿತ್ರವು ಚಿತ್ರರಂಗದಲ್ಲಿ ಬೆಳೆಯಲು ಉತ್ತಮ ವೇದಿಕೆ ಕಲ್ಪಿಸಿಕೊಡಲಿ ಎಂದರು.
ನಿರ್ದೇಶಕ ಆರ್.ಕೆ.ನಾಯಕ್ ಮಾತನಾಡಿ, ಕಸ್ತೂರಿ ನಿವಾಸ, ಜೋಗಿ, ಉಪೇಂದ್ರಘಿ, ಬಂಧನ, ಹುಚ್ಚ, ಉಪೇಂದ್ರ ಚಿತ್ರಗಳ ಒಂದೊಂದು ಎಳೆಯನ್ನು ತೆಗೆದುಕೊಂಡು ಎ2ಎ2ಎ ಚಿತ್ರವನ್ನು ಸಿದ್ಧಪಡಿಸಿದ್ದೇವೆ, ನಮ್ಮ ಚಿತ್ರದ ಟೈಟಲ್ ಮೊದಲ ಎ ಅಕ್ಷರ ಹಾದಿ ಆದರೆ ಕೊನೆಯ ಎ ಅಂತ್ಯವೆಂಬ ಅರ್ಥ ಕೊಡುತ್ತದೆ, ಬೆಂಗಳೂರು, ಪಿರಿಯಾಪಟ್ಟಣ, ಕೋಲಾರ, ಮಡಕೇರಿ ಮುಂತಾದ ಸ್ಥಳಗಳಲ್ಲಿ ಚಿತ್ರದ ಚಿತ್ರೀಕರಣ ನಡೆಸಲಾಗಿದೆ ಎಂದರು.ಹಿರಿಯ ನಟಿ ರೂಪಾದೇವಿ ಮಾತನಾಡಿ, ಈ ಚಿತ್ರದಲ್ಲಿ ನನಗೆ ಉತ್ತಮ ಪಾತ್ರ ಸಿಕ್ಕಿದೆ, ಬಹಳ ದಿನಗಳ ನಂತರ ನಟಿಸುತ್ತಿರುವುದು ಕುತೂಹಲ ಮೂಡಿಸಿದೆ ಎಂದರು. ನಿರ್ದೇಶಕರ ಕಾರ್ಯವೈಖರಿ ತುಂಬಾ ಹಿಡಿಸಿತು ಎಂದವರು ಚಿತ್ರದ ನಾಯಕ ಪ್ರತಾಪ್, ನಾಯಕಿ ಮೃತಾಗೆ ಇಲ್ಲಿ ಎರಡು ಶೇಡ್‍ಗಳಿಂದ ಕೂಡಿದ ಪಾತ್ರ, ನಂದಿನಿ ದ್ವಿತೀಯ ನಾಯಕಿಯಾಗಿ ಕಾಣಿಸಿಕೊಂಡಿದ್ದಾರೆ.
ಹಿತಾಹಾಸನ್ ಸಂಗೀತವಿರುವ ಹಾಡುಗಳು ಕೂಡ ತುಂಬಾ ಸೊಗಸಾಗಿ ಮೂಡಿಬಂದಿದೆ ಅಂತೆ. ಎನ್.ಆರ್.ನಂಜುಂಡೇಗೌಡ, ಲಿಂಗೇಗೌಡ, ಪುಷ್ಪಘಿ, ಮಲ್ಲಿಕಾರ್ಜುನ್, ಶಿಪಪ್ರಸಾದ್, ವೆಂಕಟ್, ರವಿ, ಕುಮಾರ್ ಮುಂತಾದವರು ಸಮಾರಂಭಕ್ಕೆ ಆಗಮಿಸಿ ಚಿತ್ರತಂಡಕ್ಕೆ ಶುಭ ಕೋರಿದರು. ಹೊಸ ನಿರ್ಮಾಪಕ, ಹೊಸ ನಿರ್ದೇಶಕ, ಹೊಸ ನಾಯಕ ಹೀಗೆ ಹೊಸಬರೇ ಕೂಡಿಕೊಂಡು ಮಾಡಿರುವ ಎ2ಎ2ಎ ಚಿತ್ರದ ಸ್ಪೆಷಲ್ ಏನು ಎಂದು ತಿಳಿಯಬೇಕಾದರೆ ಒಂದಷ್ಟು ದಿನ ಕಾಯಲೇಬೇಕು
Be the first to comment