Bheema: ಯೂಟ್ಯೂಬ್​ನಲ್ಲಿ ಹವಾ ಸೃಷ್ಟಿಸಿದ ‘ಬ್ಯಾಡ್ ಬಾಯ್ಸ್’ ಹಾಡು

ದುನಿಯಾ ವಿಜಯ್ ನಿರ್ದೇಶನದಲ್ಲಿ ಮೂಡಿಬರುತ್ತಿರುವ ‘ಭೀಮ’ ಸಿನಿಮಾದ ‘ಬ್ಯಾಡ್ ಬಾಯ್ಸ್’ ಹಾಡು ಯೂಟ್ಯೂಬ್​ನಲ್ಲಿ ಬಿಡುಗಡೆಯಾಗಿದ್ದು, 4 ಮಿಲಿಯನ್​ಗೂ ಹೆಚ್ಚು ಜನರು ಹಾಡು ನೋಡಿ ಮೆಚ್ಚಿಕೊಂಡಿದ್ದಾರೆ.

 ‘ಸಲಗ’ ಚಿತ್ರದ ಬಳಿಕ ದುನಿಯಾ ವಿಜಯ್ ನಿರ್ದೇಶನದಲ್ಲಿ ಮೂಡಿಬರುತ್ತಿರುವ ಮತ್ತೊಂದು ಮಾಸ್ ಕಮರ್ಷಿಯಲ್ ಎಂಟರ್​ಟೈನರ್​ ಸಿನಿಮಾ ‘ಭೀಮ’. ಗಣೇಶ ಹಬ್ಬಕ್ಕೆ ಬಿಡುಗಡೆ ಆದ ‘ಭೀಮ’ ಸಿನಿಮಾದ ‘ಬ್ಯಾಡ್ ಬಾಯ್ಸ್’ ಹಾಡು ಯೂಟ್ಯೂಬ್​ನಲ್ಲಿ ಹವಾ ಸೃಷ್ಟಿಸಿದ್ದು, 4 ಮಿಲಿಯನ್ ಜನ ಮೆಚ್ಚಿಕೊಂಡಿದ್ದಾರೆ‌.

ಬ್ಯಾಡ್ ಬಾಯ್ಸ್ ಹಾಡಿನ ಆರಂಭದಲ್ಲಿ ದುನಿಯಾ ವಿಜಯ್ ಮಾತುಗಳು ಬರುತ್ತವೆ. ದುನಿಯಾ ವಿಜಯ್ ಈ ಹಾಡಿನ ಮೂಲಕ ತಮ್ಮ ಪಾತ್ರದ ಖದರ್ ತೋರಿಸಿದ್ದಾರೆ. ‘ಭೀಮ’ನ ಪರಿಚಯಿಸುವ ರೀತಿಯಲ್ಲಿ ಈ ಹಾಡು ಮೂಡಿಬಂದಿದೆ. ದುನಿಯಾ ವಿಜಯ್ ಇಲ್ಲೂ  ಭೂಗತ ಜಗತ್ತಿನ ಕಥೆ ಹೇಳುತ್ತಿದ್ದಾರೆ ಅನಿಸುತ್ತಿದೆ.

ರ್ಯಾಪ್​ ಶೈಲಿಯಲ್ಲಿ ಮೂಡಿಬಂದಿರುವ ಈ ಬ್ಯಾಡ್​ ಬಾಯ್ಸ್​ ಹಾಡಿಗೆ ರ್ಯಾಪರ್​ಗಳಾದ ನಾಗಾರ್ಜುನ್ ಶರ್ಮಾ, ರಾಹುಲ್ ಡಿಟ್ಟೋ, ಎಂ.ಸಿ.ಬಿಜ್ಜು ಗೀತೆ ರಚನೆ ಮಾಡಿದ್ದಾರೆ. ರಾಹುಲ್ ಮತ್ತು ಎಂ.ಸಿ.ಬಿಜ್ಜು ಹಾಡಿಗೆ ಧ್ವನಿಯಾಗಿದ್ದಾರೆ. ಸದ್ಯ ಈ ಹಾಡು ಟ್ರೆಂಡ್​ನಲ್ಲಿದೆ.

ಚಿತ್ರಕ್ಕೆ ಡೈಲಾಗ್ ರೈಟರ್ ಮಾಸ್ತಿ ಸಂಭಾಷಣೆ ಬರೆದಿದ್ದಾರೆ. ಶಿವ ಸೇನಾ ಕ್ಯಾಮರಾ ವರ್ಕ್ ಮಾಡಿದ್ದಾರೆ. ಕೃಷ್ಣ ಸಾರ್ಥಕ್, ಜಗದೀಶ್ ಗೌಡ ಜಂಟಿಯಾಗಿ ನಿರ್ಮಿಸಿದ್ದಾರೆ. ಸದ್ಯದಲ್ಲೇ ಭೀಮ ಚಿತ್ರದ ಎರಡನೇ ಹಾಡು ಬಿಡುಗಡೆಯಾಗಲಿದೆ.

ಭೀಮ ನೈಜ ಘಟನೆ ಆಧಾರಿತ ಕಥೆಯಾಗಿದ್ದು, ಮಾಸ್ ಎಂಟರ್​ಟೈನ್ಮೆಂಟ್​ ಸಿನಿಮಾ. ಆಲ್ ಮೋಸ್ಟ್ ಚಿತ್ರೀಕರಣ ಮುಗಿಸಿ, ಎಡಿಟಿಂಗ್ ರೂಮ್​ನಲ್ಲಿ ನಟ ಹಾಗೂ ನಿರ್ದೇಶಕ ವಿಜಯ್ ಬ್ಯುಸಿಯಾಗಿದ್ದಾರೆ‌. ಚಿತ್ರವನ್ನು ನವೆಂಬರ್‌ನಲ್ಲಿ ತೆರೆಗೆ ತರಲು ಚಿತ್ರ ತಂಡದವರು ಸಜ್ಜಾಗಿದ್ದಾರೆ.

——-