BERA Movie : ಜೂ.16ಕ್ಕೆ “ಬೇರ” ಸಿನಿಮಾ ಬಿಡುಗಡೆ.

ಸ್ಯಾಂಡಲ್ ವುಡ್ ನಲ್ಲಿ ಬಹಳಷ್ಟು ವಿಭಿನ್ನ ಬಗೆಯ ಚಿತ್ರಗಳು ಪ್ರೇಕ್ಷಕರ ಗಮನವನ್ನು ಸೆಳೆಯುತ್ತಿದೆ. ಅದರಲ್ಲಿ ಕೆಲವು ಸೂಕ್ಷ್ಮ ವಿಚಾರವನ್ನು ಒಳಗೊಂಡಂತ ಜಾತಿ – ಭೇದ , ಕೋಮು ಸಂಘರ್ಷ, ಭಯೋತ್ಪಾದನೆ ಅಂತಹ ಚಿತ್ರಗಳು ಬೇರೆಯದೆ ರೂಪವನ್ನು ಪಡೆದುಕೊಂಡಿರುವ ವಿಚಾರ ಸದ್ಯ ಗಮನ ಸೆಳೆದಿದೆ. ಉದಾಹರಣೆಗೆ ಕಾಶ್ಮೀರಿ ಫೈಲ್ಸ್ , ಕೇರಳ ಸ್ಟೋರಿ ರೀತಿಯ ಚಿತ್ರಗಳು ಸಾಕ್ಷಿ ಎನ್ನುವಂತಿದೆ. ಈಗ ಅಂತಹದೇ ಒಂದು ಕೋಮು ಸಂಘರ್ಷದ ಕರಾವಳಿ ಭಾಗದಲ್ಲಿ ನಡೆದಂತಹ ನೈಜ್ಯ ಘಟನೆಯ ಆದರಿಸಿ ಸಿದ್ಧವಾಗಿರುವಂತಹ ಚಿತ್ರ “ಬೇರ”. ಈ ಬೇರ ಎಂದರೆ ತುಳುವಿನಲ್ಲಿ ವ್ಯಾಪಾರ ಎಂದರ್ಥ, ಮರ್ಚೆಂಟ್ ಆಫ್ ಡೆತ್… ಎಂಬ ಅಡಿಬರಹವನ್ನು ಒಳಗೊಂಡಿದೆ. ಈ ಚಿತ್ರವನ್ನು ವಿನು ಬಳಂಜ ಬೆಳ್ಳಿ ಪರದೆ ಮೇಲೆ ಪ್ರಥಮ ಪ್ರಯತ್ನವಾಗಿ ಈ ಚಿತ್ರವನ್ನು ನಿರ್ದೇಶಿಸಿದ್ದಾರೆ.

ಈಗಾಗಲೇ ಕಿರುತೆರೆಯಲ್ಲಿ ತಮ್ಮದೇ ವಿಶಿಷ್ಟ ಛಾಪನ್ನು ಮೂಡಿಸಿ ಯಶಸ್ವಿ ಆಗಿರುವ ವಿನು ಬಳಂಜ ಪ್ರಥಮ ನಿರ್ದೇಶನದ ಚಿತ್ರದ ಬಗ್ಗೆ ಬಹಳಷ್ಟು ನಿರೀಕ್ಷೆಯನ್ನು ಹೊಂದಿದ್ದಾರೆ. ಜನರಲ್ಲಿ ಜಾಗೃತಿ ಮೂಡಿಸುವ ಉದ್ದೇಶದಿಂದ ಒಂದು ಸೂಕ್ಷ್ಮ ಚಿತ್ರವನ್ನು ನಿರ್ಮಾಣ ಮಾಡಿದ್ದಾರೆ ನಿರ್ಮಾಪಕ ಹಾಗೂ ಉದ್ಯಮಿ ದಿವಾಕರ್ ದಾಸ್ ನೇರ್ಲಾಜೆ. ನಿರ್ಮಾಣ ಮಾಡಿದ್ದಾರೆ. ಈ “ಬೇರ” ಚಿತ್ರ ಒಂದು ಸೂಕ್ಷ್ಮ ವಿಚಾರವನ್ನು ಹೊಂದಿದ್ದು , ಬಡ ಅಮಾಯಕ ಹಿಂದೂ ಹಾಗೂ ಮುಸ್ಲಿಂ ಯುವಕರನ್ನ ಮೆಟ್ಟಿಲಾಗಿ ತಮ್ಮ ಲಾಭಕ್ಕಾಗಿ ಬಳಸಿಕೊಳ್ಳುವ ನಾಯಕತ್ವದ ವ್ಯಕ್ತಿಗಳ ಕುರಿತಾದ ಚಿತ್ರ ಇದಾಗಿದ್ದು, ಉಗ್ರವಾದದ ಎಳೆಯು ಇರಲಿದ್ದು, ಯಾರ ಮನೆಯ ಮಕ್ಕಳು ಸಾಯಬಾರದು ಎಂಬ ಉದ್ದೇಶ ಚಿತ್ರದಲ್ಲಿ ಹೇಳಲಾಗಿದೆಯಂತೆ.

ದಕ್ಷಿಣ ಕನ್ನಡ ಜಿಲ್ಲೆಯ ಕಲಡ್ಕದಲ್ಲಿ ಚಿತ್ರೀಕರಣ ಮಾಡಿದ್ದು , ಚಿತ್ರದಲ್ಲಿ ದತ್ತಣ್ಣ , ಯಶ್ ಶೆಟ್ಟಿ , ಹರ್ಷಿಕಾ ಪೊನ್ನಚ್ಚ , ಸುಮನ್ ತಲ್ವಾರ್ , ಶೈನ್ ಶೆಟ್ಟಿ, ಮಂಜುನಾಥ್ ಹೆಗಡೆ, ಚಿತ್ಕಲ ಬಿರಾದಾರ್ , ಅಶ್ವಿನ್ ಹಾಸನ್ ರಾಜಶೇಖರ್ ಸೇರಿದಂತೆ ಹಲವಾರು ಕಲಾವಿದರು ಅಭಿನಯಿಸಿದ್ದಾರೆ. ಈ ಚಿತ್ರಕ್ಕೆ ಮಣಿಕಾಂತ್ ಕದ್ರಿ ಸಂಗೀತ , ಛಾಯಾಗ್ರಹಣ ರಾಜಶೇಖರ್ ರಮತ್ನಲ್ ಮಾಡಿದ್ದಾರೆ. ಸದ್ಯ ಟ್ರೈಲರ್ ಎಲ್ಲೆಡೆ ವೈರಲ್ ಆಗಿದ್ದು , ಈ ಚಿತ್ರವು ಇದೇ ತಿಂಗಳು 16 ರಂದು ರಾಜ್ಯದ್ಯಂತ ಬಿಡುಗಡೆಯಾಗಲಿದೆ.