ನಟಿಯೊಬ್ಬರು ಸಿನಿಮಾದಿಂದ ಪ್ರೇರಣೆ ಪಡೆದು ಕಾಂತಾರ ಹೆಸರಿನ ಮನೆ ನಿರ್ಮಿಸಲು ಮುಂದಾಗಿದ್ದಾರೆ.
ಫೋರ್ ಮೋರ್ ಶಾಟ್ಸ್ ಪ್ಲೀಸ್ ಖ್ಯಾತಿಯ ನಟಿ ಕೃತಿ ಕುಲ್ಹಾರಿ ಅವರು ಭೂಮಿ ಪೂಜೆಯ ವಿಡಿಯೋ ಶೇರ್ ಮಾಡಿದ್ದಾರೆ. ಇನ್ಸ್ಟಾಗ್ರಾಮ್ ವಿಡಿಯೋದಲ್ಲಿ ತಮ್ಮ ಮನೆಯ ನೋಟವನ್ನು ತೋರಿಸಿದ್ದಾರೆ.ಹೊಸದಾಗಿ ಕಟ್ಟುತ್ತಿರುವ ತಮ್ಮ ಮನೆಗೆ ಕಾಂತಾರ ಎಂದು ಹೆಸರಿಟ್ಟಿದ್ದು, ಇದು ಸ್ಯಾಂಡಲ್ವುಡ್ನ ಹಿಟ್ ಸಿನಿಮಾ ಕಾಂತಾರದಿಂದ ಪ್ರೇರಣೆ ಪಡೆದಿದೆ.
ಇದು ನನ್ನ ಹೊಸ ಮನೆಯ ಹೆಸರು. ನಾನು ಮುಂದಿನ ಎರಡು ವರ್ಷದಲ್ಲಿ ಈ ಮನೆಯನ್ನು ಕಟ್ಟಿ ಮುಗಿಸಬೇಕೆಂದು ಬಯಸಿದ್ದೇನೆ. ನಾನು ಈ ಹೆಸರು ಕೇಳಿದ್ದು ಕಾಂತಾರ ಸಿನಿಮಾದಿಂದಲೇ. ಹೆಸರು ನನಗೆ ಇಷ್ಟವಾಯಿತು. ಸಹಬಾಳ್ವೆ ಹಾಗೂ ಪ್ರಕೃತಿ ಮಾತೆಯನ್ನು ಗೌರವಿಸುವ ಕಾನ್ಸೆಪ್ಟ್, ಅದರೊಂದಿಗೆ ಹೊಂದಿಕೊಂಡು ಬಾಳುವ ವಿಚಾರ ಇಷ್ಟವಾಯಿತು. ಕಾಂತಾರ ಎಂದರೆ ಕಾಡು ಎಂದು ಅರ್ಥವಿದೆ ಎಂದು ಕನ್ನಡದ ನನ್ನ ಸ್ನೇಹಿತರೊಬ್ಬರು ಹೇಳಿದರು.
ನಾನು ಎಲ್ಲಾ ವಿಷಯಗಳಲ್ಲಿ ಅತೀಂದ್ರಿಯದ ಇರುವಿಕೆಯನ್ನು ನಂಬುತ್ತೇನೆ. ಪ್ರಕೃತಿಯಿಂದ ಸುತ್ತುವರಿದ ನನ್ನ ಮನೆಯು ಅದೇ ಶಕ್ತಿಯನ್ನು ಹೊರಹಾಕುತ್ತದೆ ಎಂದಿದ್ದಾರೆ.ನನಗೆ ಮುಂಬೈ ಅಥವಾ ಇನ್ನೊಂದು ನಗರದಲ್ಲಿ ಬದುಕಲು ಇಷ್ಟವಿಲ್ಲ. ಸಿಟಿ ಲೈಫ್ ನನಗೆ ಹೊಂದುವುದಿಲ್ಲ. ನನಗೆ ಪ್ರಕೃತಿ ಮಡಿಲಿನಲ್ಲಿರುವುದು ಇಷ್ಟ ಎಂದಿದ್ದಾರೆ ಕೃತಿ.
Be the first to comment