ಸ್ಯಾಂಡಲ್‍ವುಡ್‍ನ ಸೂಪರ್‍ಹಿಟ್ ಕಿರಿಕ್ ಪಾರ್ಟಿ ಸಿನಿಮಾ ಬಾಲಿವುಡ್‍ನಲ್ಲಿ ರೀಮೇಕ್ ಆಗಲಿದೆ. ಈ ಪ್ರಾಜೆಕ್ಟ್‍ಗಾಗಿ ನಟ ಕಾರ್ತಿಕ್ ಆರ್ಯನ್ ನಿರ್ಮಾಪಕ ಅಜಯ್ ಕಪೂರ್ ಜೊತೆ ಕೈಜೋಡಿಸಿದ್ದಾರೆ. ರಾಷ್ಟ್ರೀಯ ಪ್ರಶಸ್ತಿ ಪುರಸ್ಕøತ ನಿರ್ದೇಶಕ ಅಭಿಷೇಕ್ ಜೈನ್ ಆ್ಯಕ್ಷನ್-ಕಟ್ ಹೇಳಲಿದ್ದಾರೆ. ಈ ರೊಮ್ಯಾಂಟಿಕ್ ಕಾಮಿಡಿ ಸಿನಿಮಾದಲ್ಲಿ ಬಿ-ಟೌನ್ ಮಾದಕ ಬೆಡಗಿ ಜಾಕ್ವೆಲಿನ್ ಫರ್ನಾಂಡಿಸ್ ನಾಯಕಿಯಾಗಿ ಆಯ್ಕೆಯಾಗಿದ್ದಾಳೆ. ನಿರ್ಮಾಪಕ ಅಜಯ್ ಕಪೂರ್ ಸಿನಿಮಾದಲ್ಲಿ ಕೆಲಸ ಮಾಡಲು ನನಗೆ ಸಂತೋಷವಾಗುತ್ತದೆ. ಈ ಪ್ರಾಜೆಕ್ಟ್ ನೀರೀಕ್ಷೆಯಲ್ಲಿದ್ದೇನೆ. ಇದೊಂದು ಒಳ್ಳೆಯ ಸ್ಕ್ರಿಪ್ ಇರುವ ಸಿನಿಮಾ. ಇದೇ ಮೊದಲ ಬಾರಿಗೆ ಕಾರ್ತಿಕ್ ಮತ್ತು ಜೈನ್ ಅವರೊಂದಿಗೆ ನಾನು ಕೆಲಸ ಮಾಡಲು ಎದುರು ನೋಡುತ್ತಿದ್ದೇನೆ ಎಂದು ಜಾಕೀ ಹೇಳಿದ್ದಾಳೆ.
ಈ ಚಿತ್ರದಲ್ಲಿಜಾಕ್ವೆಲಿನ್ ನಟಿಸುತ್ತಿರುವುದು ಸಂತಸ. ಜಾಕೀ ಈಗಾಗಲೇ ಯುವ ಜನಾಂಗದ ಮನಸೂರೆಗೊಂಡಿದ್ದಾಳೆ. ಈ ಚಿತ್ರದಲ್ಲಿ ಮತ್ತೆ ಸ್ಟಾರ್ ಅಟ್ರಾಕ್ಷನ್ ಆಗಲಿದ್ದಾಳೆ ಎನ್ನುತ್ತಾರೆ ನಿರ್ಮಾಪಕ ಅಜಯ್ ಕಪೂರ್. ಈ ಚಿತ್ರಕ್ಕೆ ಇನ್ನೂ ಹೆಸರಿಟ್ಟಿಲ್ಲ. ಕಿರಿಕ್ ಪಾರ್ಟಿ ರೀತಿ ಕ್ಯಾಚಿ ಟೈಟಲ್ ನೀಡಲು ಚಿತ್ರತಂಡ ತಲೆಕೆಡಿಸಿಕೊಂಡಿದೆ. ಈ ವರ್ಷ ಅಕ್ಟೋಬರ್‍ನಲ್ಲಿ ಶೂಟಿಂಗ್ ಆರಂಭವಾಗಲಿದೆ. ಕಿರಿಕ್‍ಪಾರ್ಟಿ ಸ್ಯಾಂಡಲ್‍ವುಡ್‍ನಲ್ಲಿ ದೊಡ್ಡ ಮಟ್ಟದಲ್ಲಿ ಸುದ್ದಿ ಮಾಡಿತ್ತು. 150 ದಿನಗಳ ಯಶಸ್ವಿ ಪ್ರದರ್ಶನದೊಂದಿಗೆ ಗಲ್ಲಾಪೆಟ್ಟಿಯಲ್ಲೂ ಸಕ್ಸಸ್ ಆಗಿತ್ತು.
Be the first to comment