ಗ್ರೀನ್ ಚಿಲ್ಲಿ ಎಂಟರ್‍ಟೈನ್‍ಮೆಂಟ್ಸ್ ಲಾಂಛನದಲ್ಲಿ ಪವನ್ ಕುಮಾರ್ ನಿರ್ಮಾಣದ ‘ಬಡ್ಡಿಮಗನ್ ಲೈಫು’ ಚಿತ್ರಕ್ಕೆ ಮೈಸೂರಿನ ಸುತ್ತಮುತ್ತ ರಾತ್ರಿ ಹಗಲು ಪ್ರಮುಖ ಪಾತ್ರಧಾರಿಗಳೆಲ್ಲರೂ ಕೂಡಿ ಅಭಿನಯಿಸಿದ ಟೈಟಲ್ ಸಾಂಗ್ “ಬಡ್ಡಿ…ಬಡ್ಡಿ… ಬಡ್ಡಿ… ಮಗನ್ ಲೈಫು ಬಡ್ಡಿ ಕಟ್ಟಿ ಸಾಯೋದ್ಯಾಕೆ ಇರೋದ್ ಒಂದೇ ಲೈಫು, ಬಡ್ಡಿ…ಬಡ್ಡಿ… ಬಡ್ಡಿ… ಮಗನ್ ಲೈಫು ಕದ್ದುಮುಚ್ಚಿ ಓಡಾಡ್ಕೊಂಡು ಆಗ್ಬೇಕು ಸೇಫು..” ಈ ಹಾಡಿನ ಚಿತ್ರೀಕರಣ ನಡೆಯಿತು. ಪವನ್ -ಪ್ರಸಾದ್ ನಿರ್ದೇಶನದ ಈ ಚಿತ್ರಕ್ಕೆ ಲವಿತ್–ಛಾಯಾಗ್ರಹಣ, ಆಶಿಕ್ ಅರುಣ್ -ಸಂಗೀತ, ಸಂಕಲನ-ಪವನ್‍ಕುಮಾರ್, ನಿರ್ವಹಣೆ – ಗಂಡಸಿ ನಾಗರಾನ್, ತಾರಾಗಣದಲ್ಲಿ – ಬಲರಾಜ್ವಾಡಿ, ಸಚಿನ್ ಶ್ರೀದರ್, ಐಶ್ವರ್ಯ ರಾವ್, ಪೂರ್ಣಚಂದ್ರ ತೇಜಸ್ವಿ, ಮಂಡ್ಯ ವನಿತಾ, ಪದ್ಮನಾಭ, ರಜನಿಕಾಂತ್, ಮೈಮ್ ರಮೇಶ್, ಮುಂತಾದವರು ಅಭಿನಯಿಸಿದ್ದಾರೆ. ಈ ಚಿತ್ರಕ್ಕೆ ಮೈಸೂರು ಸುತ್ತಮುತ್ತ, ಚಾಮುಂಡಿ ಬೆಟ್ಟ ಮುಂತಾದೆಡೆಗಳಲ್ಲಿ ಚಿತ್ರೀಕರಣ ಸಾಗಿದೆ. ಐಪಿಲ್ ಬೆಟ್ಟಿಂಗ್ ಬಡ್ಡಿ ಸೀನಪ್ಪನ ಬಳಿ ಸಾಲ ಮಾಡಿಕೊಂಡ ಭಾವಮೈದನನ್ನು ಉಳಿಸಲು ಜಾಮೀನುಕೊಟ್ಟು ಸಂಕಟಕ್ಕೆ ಸಿಲುಕುವ ಭಾವನ ಪಾಡು ಮೂಲ ಕಥಾವಸ್ತುವಾಗರುತ್ತದೆ. ಜನರು ಸಾಮಾನ್ಯವಾಗಿ ಒಬ್ಬರು ಕಷ್ಟದಲ್ಲಿರುವಾಗ ಸಹಾಯ ಮಾಡುವ ನೆಪದಲ್ಲಿ ಲಾಭ ಮಾಡಿಕೊಳ್ಳುವ ಉದ್ದೇಶ ಹಾಗೂ ಇಬ್ಬರ ಜಗಳದಲ್ಲಿ ಮನರಂಜನೆ ಪಡೆದುಕೊಳ್ಳುವ ಮೂರನೆಯ ವ್ಯಕ್ತಿ – ಹೀಗೆ ಸಾಗುತ್ತದೆ.
Pingback: CI/CD