ಸ್ಯಾಂಡಲ್‍ವುಡ್ ಅಂಗಳದಲ್ಲಿ ದೊಡ್ಡ ನಿರೀಕ್ಷೆ ಹುಟ್ಟಿಸಿರೋ, ಕುತೂಹಲ ಕೆರಳಿಸಿರೋ ಸಿನಿಮಾ ವಿಕ್ಟರಿ2. ಹರಿ ಸಂತು ನಿರ್ದೇಶನದಲ್ಲಿ,ಮಾನಸ ತರುಣ್ ಮತ್ತು ತರುಣ್ ಶಿವಪ್ಪ ನಿರ್ಮಾಣದಲ್ಲಿ ಮೂಡಿಬರ್ತಿರೋ ಚಿತ್ರ. ಶರಣ್, ಅಪೂರ್ವ, ರವಿಶಂಕರ್, ಅಸ್ಮಿತಾ ಸೂದ್ ಸೇರಿದಂತೆ ಸಿಕ್ಕಾಪಟ್ಟೆ ಪ್ರಚತಿಭಾವಂತ ಕಲಾವಿದ್ರು ಅಭಿನಯಿಸಿರೋ ಸಿನಿಮಾ. ಮೇಕಿಂಗ್ ಹಂತದಲ್ಲಿ ಸಾಕಷ್ಟು ವಿಚಾರಗಳಿಂದ ಸದ್ದು ಸುದ್ದಿ ಮಾಡಿದ್ದ ಈ ಚಿತ್ರದ ಒಂದು ಹಾಡನ್ನ ಇತ್ತೀಚೆಗಷ್ಟೇ ಚಿತ್ರತಂಡ ರಷ್ಯಾಗೆ ಹೋಗಿ ಚಿತ್ರೀಕರಿಸಿಕೊಂಡು ಬಂದಿದೆ. ವಿ.ನಾಗೇಂದ್ರ ಪ್ರಸಾದ್ ಸಾಹಿತ್ಯ, ಅರ್ಜುನ್ ಜನ್ಯ ಸಂಗೀತವಿರೋ ಪ್ಲೀಸ್ ಟ್ರಸ್ಟು… ನಾನು ಚೀಪ್ ಅಂಡ್ ಬೆಸ್ಟು.. ಅನ್ನೋ ಹಾಡಿನ ಚಿತ್ರೀಕರಣವನ್ನ ರಷ್ಯಾದ ಬಾಕು ಅನ್ನೋ ಸಿಟಿಯಲ್ಲಿ ಚಿತ್ರೀಕರಣ ಮಾಡಲಾಗಿದೆ. ಧನು ನೃತ್ಯ ನಿರ್ದೇಶನದಲ್ಲಿ ಚಿತ್ರೀಕರಿಸಿದ ಈ ಹಾಡಲ್ಲಿ ಶರಣ್ ಮತ್ತು ಅಸ್ಮಿತಾ ಸೂದ್ ಡ್ಯಾನ್ಸ್ ಮಾಡಿದ್ದಾರೆ. ವಿಶೇಷ ಅಂದ್ರೆ, ಈ ಹಾಡಿನಲ್ಲಿ ಕರ್ನಾಟಕ ಕಲೆ ಸಂಸ್ಕೃತಿಯನ್ನ ಬಿಂಬಿಸೋ ಪ್ರಯತ್ನ ಮಾಡಲಾಗಿದೆ. ಹುಲಿ ಕುಣಿತ, ಯಕ್ಷಗಾನ, ಹೀಗೆ ಕರುನಾಡಿನ ನಾನಾ ಕಲಾಪ್ರಕಾರಗಳನ್ನ ಬ್ಲೆಂಡ್ ಮಾಡಿಕೊಂಡು, ಸುಮಾರು 10 ದಿನಗಳ ಕಾಲ ಚಿತ್ರೀಕರಣ ಮಾಡಿದ್ದಾರೆ. 
Be the first to comment