ಗಿರಿಧರ್_ದಿವಾನ್ ಅವರ ಕ್ಯಾಮೆರಾದಲ್ಲಿ ರಾಧಿಕಾ_ಕುಮಾರಸ್ವಾಮಿ!

ಸುಮಾರು ಮೂವತ್ತಕ್ಕೂ ಹೆಚ್ಚು ಚಿತ್ರಗಳಲ್ಲಿ ಅಭಿನಯಿಸಿದ ಈ ಬೆಡಗಿ ಪರಭಾಷೆಗಳಲ್ಲಿ ಕೂಡ ಸೈ ಎನಿಸಿಕೊಂಡವರು. ಮತ್ತೆ ಚಿತ್ರರಂಗಕ್ಕೆ ಕಮ್ ಬ್ಯಾಕ್ ಆಗಲು ಎಲ್ಲಾ ರೀತಿಯ ತಯಾರಿಗಳನ್ನು ಮಾಡಿಕೊಳ್ಳುತ್ತಿದ್ದು , ಚಿತ್ರದಲ್ಲಿ ನಟಿಸುವ ಜೊತೆಗೆ ನಿರ್ಮಾಣವನ್ನು ಕೊಡ ಮಾಡಲು ಸಿದ್ಧತೆಗಳನ್ನು ಮಾಡಿಕೊಂಡಿದ್ದಾರಂತೆ. ಇವರ ಅಭಿನಯದ ಕಾಂಟ್ರ್ಯಾಕ್ಟ್ ಚಿತ್ರ ಬಿಡುಗಡೆಗೆ ಸಿದ್ದವಿದೆ. ಇತ್ತೀಚೆಗಷ್ಟೇ ವಿಶೇಷವಾಗಿ ಸಾಂಪ್ರದಾಯಿಕ ವಸ್ತ್ರವನ್ನು ತೊಟ್ಟು ಮಹಾಲಕ್ಷ್ಮಿಯಂತೆ ಕಾಣುವ ಸುಂದರ ಫೋಟೋ ಗಳನ್ನ ತೆಗೆಸಿದ್ದಾರೆ.

ಈ ಫೋಟೋಗಳು ವರಮಹಾಲಕ್ಷ್ಮಿ ಹಬ್ಬಕ್ಕೆ ಒಪ್ಪುವಂತೆ ಅಚ್ಚುಕಟ್ಟಾಗಿ ಕಾಣುತ್ತದೆ. ಈ ಒಂದು ವೈಯಕ್ತಿಕ ಫೋಟೋಗಳನ್ನು ಹೆಸರಾಂತ ಜಾಹೀರಾತು ಫೋಟೋಗ್ರಾಫರ್ ದ ಗಿರಿಧರ್ ದಿವಾನ್ ರವರಿಂದ ತೆಗೆಸಿದ್ದಾರೆ. ಇವರು ಸರಿ ಸುಮಾರು 22 ವರ್ಷಗಳಿಂದ ಈ ವೃತ್ತಿಯಲ್ಲಿ ತೊಡಗಿಕೊಂಡಿದ್ದು , ಚಿತ್ರರಂಗದ ಹಲವಾರು ತಾರೆಯರ ಫೋರ್ಟ್ ಫೂಲಿಯೋ ತೆಗೆದಿದ್ದಾರೆ. ಚಿತ್ರರಂಗದಲ್ಲಿ ಉತ್ತಮ ಬಾಂಧವ್ಯ ಹೊಂದಿರುವ ಗಿರಿಧರ್ ದಿವಾನ್ ಛಾಯಾಗ್ರಹಕರಾಗಿ , ಸಂಗೀತ ನಿರ್ದೇಶಕರಾಗಿ ಕೂಡ ಗಮನ ಸೆಳೆದಿದ್ದಾರೆ. ಈಗ ತೆಗೆದಿರುವ ರಾಧಿಕಾ ಕುಮಾರಸ್ವಾಮಿ ರವರ ಫೋಟೋಗಳು ನೋಡುಗರಿಗೆ ಹಬ್ಬದ ಸಂಭ್ರಮವನ್ನು ನೆನಪಿಸುವುದು ಗ್ಯಾರೆಂಟಿ.