‘ಸಂಕಷ್ಟಕರ ಗಣಪತಿ’ ತೆಲುಗಿಗೆ ರಿಮೇಕ್ ಆಗಲಿದೆ.

ಈಗಾಗಲೇ ಚಿತ್ರದ ರಿಮೇಕ್ ರೈಟ್ಸ್ ಮಾರಾಟವಾಗಿದ್ದು, ಶೀಘ್ರವೇ ತೆಲುಗಿನಲ್ಲೂ ಸಿನಿಮಾ ರಿಮೇಕ್ ಆಗಲಿದೆ. ಚಿತ್ರಕ್ಕೆ ಸ್ಕ್ರಿಪ್ಟಿಂಗ್ ಕೆಲಸ ನಡೆಯುವಾಗಲೇ ತೆಲುಗು ಚಿತ್ರತಂಡ ರೀಮೇಕ್ ರೈಟ್ಸ್ ಕೇಳಿದೆ. ಆದರೆ ಸಿನಿಮಾ ಬಿಡುಗಡೆಯಾದಾಗ ರೈಟ್ಸ್ ನೀಡುವುದಾಗಿ ‘ಸಂಕಷ್ಟಕರ ಗಣಪತಿ’ ಚಿತ್ರತಂಡ ಹೇಳಿತ್ತಂತೆ. ಚಿತ್ರ ಬಿಡುಗಡೆಯಾದಾಗ ಮೊದಲ ದಿನದ ಪ್ರತಿಕ್ರಿಯೆ ಹೇಗಿದೆ ಎಂಬುದನ್ನು ತಿಳಿದು ವಿಜಯ್ ಎಂಬುವವರು ರಿಮೇಕ್, ಡಬ್ಬಿಂಗ್ ರೈಟ್ಸ್ ಎರಡನ್ನೂ ಖರೀದಿಸಿದ್ದಾರೆ.

ತೆಲುಗಿನ ಸ್ಟಾರ್ ನಟರೊಬ್ಬರು ಸಿನಿಮಾದಲ್ಲಿ ನಟಿಸುವ ಸಾಧ್ಯತೆ ಇದೆ ಎನ್ನಲಾಗಿದೆ. ‘ಸಂಕಷ್ಟಕರ ಗಣಪತಿ’ ಚಿತ್ರವನ್ನು ಅರ್ಜುನ್ ಕುಮಾರ್ ಕಥೆ ಬರೆದು ನಿರ್ದೇಶಿಸಿದ್ದಾರೆ. ರಾಜೇಶ್ ಬಾಬು, ಫೈಜಾನ್ ಖಾನ್ ಚಿತ್ರವನ್ನು ನಿರ್ಮಿಸಿದ್ದು, ಲಿಖಿತ್ ಶೆಟ್ಟಿ, ಶೃತಿ ಗೊರಾಡಿಯಾ, ಅಚ್ಯುತ್ ಕುಮಾರ್ ಮುಂತಾದವರು ಚಿತ್ರದಲ್ಲಿ ನಟಿಸಿದ್ದಾರೆ. ಸದ್ಯಕ್ಕೆ ಸಿನಿಮಾ ಯಶಸ್ವಿಯಾಗಿ ಪ್ರದರ್ಶನವಾಗುತ್ತಿದ್ದು, ಮುಂದಿನ ವಾರ ಅಮೆರಿಕ ಮತ್ತು ಆಸ್ಟ್ರೇಲಿಯಾದಲ್ಲೂ ಬಿಡುಗಡೆಯಾಗಲಿದೆ ಎಂದು ಚಿತ್ರತಂಡ ಹೇಳಿದೆ.