ಥಾಯ್ಲೆಂಡ್​ನಲ್ಲಿ ‘777 ಚಾರ್ಲಿ’ ರಿಲೀಸ್

‘777 ಚಾರ್ಲಿ’ ಚಿತ್ರವು ಥಾಯ್​ ಭಾಷೆಗೆ ಡಬ್​ ಆಗಿದ್ದು, ಡಿ. 1ಕ್ಕೆ ಥಾಯ್ಲೆಂಡ್​ನಲ್ಲಿ ಬಿಡುಗಡೆ ದೊಡ್ಡ ಮಟ್ಟದಲ್ಲಿ ಬಿಡುಗಡೆಯಾಗುವುದಕ್ಕೆ ಸಜ್ಜಾಗಿದೆ.

ಕನ್ನಡ ಚಿತ್ರವೊಂದು ಥಾಯ್​ ಭಾಷೆಗೆ ಡಬ್​ ಆದ ಹೆಗ್ಗಳಿಕೆ ‘777 ಚಾರ್ಲಿ’ ಚಿತ್ರಕ್ಕೆ ಸಿಕ್ಕಿದೆ. 777 ಚಾರ್ಲಿ’ ಚಿತ್ರವು ಜೂನ್​ 10ರಂದು ಭಾರತದಾದ್ಯಂತ ಐದು ಭಾಷೆಗಳಲ್ಲಿ ಪ್ಯಾನ್ ಇಂಡಿಯಾ ಚಿತ್ರವಾಗಿ ಬಿಡುಗಡೆಯಾಗಿತ್ತು.

ನಿರ್ದೇಶಕ ಕಿರಣ್ ರಾಜ್ , ಥಾಯ್ಲೆಂಡ್ನಲ್ಲಿ ಬಿಡುಗಡೆಯಾದ ಆಯ್ದ ಚಿತ್ರಗಳ ಪಟ್ಟಿಗೆ 777 ಚಾರ್ಲಿ ಸೇರಿದೆ ಎಂದು ತಿಳಿದು ಸಂತೋಷವಾಗಿದೆ “ಥೈಲ್ಯಾಂಡ್ ಜನರು ಭಾವನಾತ್ಮಕ ನಾಟಕಗಳನ್ನು ಇಷ್ಟಪಡುತ್ತಾರೆ, ಸಾಕಷ್ಟು ಪ್ರಾಣಿ ಪ್ರೇಮಿಗಳು ಇರುವುದರಿಂದ, ನನ್ನ ಚಿತ್ರವು ಇದರಲ್ಲಿ ಸೇರಿದೆ ಎಂದು ಹೇಳಿದ್ದಾರೆ.

777 ಚಾರ್ಲಿ ಜಪಾನ್ ಮತ್ತು ಚೀನಾದಲ್ಲಿ ಕೂಡ ಬಿಡುಗಡೆಯಾಗಬಹುದು ಎಂದು ಅವರು ಹೇಳಿದ್ದಾರೆ.

ಜಪಾನ್ ನಲ್ಲಿ RRR ರಿಲೀಸ್ ಆಗಿತ್ತು. ನಾವು ಬಹುತೇಕ ಬಿಡುಗಡೆ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಿದ್ದು, ರಿಲೀಸ್ ದಿನಾಂಕದ ಬಗ್ಗೆ ದೃಢೀಕರಣಕ್ಕಾಗಿ ಕಾಯುತ್ತಿದ್ದೇವೆ. ಇದರ ಹೊರತಾಗಿ, ರಷ್ಯಾದ ವಿತರಕರೊಂದಿಗೆ ಚರ್ಚೆಗಳು ನಡೆಯುತ್ತಿವೆ. ಯುಕೆ ಥಿಯೇಟರ್ ಗಳಿಂದ ಚಿತ್ರವನ್ನು ಇಂಗ್ಲೀಷ್ ನಲ್ಲಿ ಬಿಡುಗಡೆ ಮಾಡುವ ಪ್ರಸ್ತಾಪವಿದೆ. ಚೀನಾದಲ್ಲಿ ಬಿಡುಗಡೆಯ ಯೋಜನೆಗಳು ಚರ್ಚೆಯ ಆರಂಭಿಕ ಸುತ್ತಿನಲ್ಲಿವೆ ಎಂದಿದ್ದಾರೆ.

ಕಿರಣರಾಜ್ ಕೆ ಬರೆದು ನಿರ್ದೇಶಿಸಿದ ಚಿತ್ರದಲ್ಲಿ ರಕ್ಷಿತ್ ಶೆಟ್ಟಿ, ಸಂಗೀತಾ ಶೃಂಗೇರಿ, ರಾಜ್ ಬಿ ಶೆಟ್ಟಿ, ಡ್ಯಾನಿಶ್ ಸೇಟ್ ಮತ್ತು ಬಾಬಿ ಸಿಂಹ ನಟಿಸಿದ್ದಾರೆ.
____