‘3rd ಕ್ಲಾಸ್​’ ಚಿತ್ರದ ಆಡಿಯೋ ಲಾಂಚ್

3rd class ಸಿನಿಮಾ ಲವ್ ಸ್ಟೋರಿ ಇರುವ ಪಕ್ಕಾ ಕಮರ್ಷಿಯಲ್ ಚಿತ್ರ ಗ್ಯಾರೇಜ್​​​ನಲ್ಲಿ ವರ್ಕ್ ಮಾಡುವ ನಾಯಕ ಹಾಗು ಹೋಮ್ ಮಿನಿಸ್ಟರ್ ಮಗಳ ನಡುವಿನ ಪ್ರೇಮ ಕಥೆ .ಚಿತ್ರದ ಮುಖ್ಯ ಭೂಮಿಕೆಯಲ್ಲಿ ಜಗದೀಶ್-ರೂಪಿಕಾ ನಟಿಸಿದ್ದಾರೆ. ಸಿನಿಮಾದ ಟೈಟಲ್ ಈ ರೀತಿ ಇದ್ದರೂ, ಅದನ್ನು ಇಡಲು ಕಾರಣವೇನು ಎಂಬುದು ಸಿನಿಮಾ ನೋಡಿದ ಮೇಲೆ ತಿಳಿಯುತ್ತದೆ ಎನ್ನುವುದು ಚಿತ್ರತಂಡದ ಮಾತು.

ಚಿತ್ರದ ನಾಯಕ ಮತ್ತು ಅವನ ಮೂವರು ಸ್ನೇಹಿತರನ್ನು ಕಾರ್ ಗ್ಯಾರೇಜ್ ಮಾಲೀಕ ಪ್ರೀತಿಯಿಂದ ಸಾಕಿರುತ್ತಾನೆ. ಶ್ರೀಮಂತ ಹುಡುಗಿಯೊಬ್ಬಳ ಎಂಟ್ರಿ ಇವರ ಮೇಲೆ ಏನೆಲ್ಲಾ ಪ್ರಭಾವ ಬೀರುತ್ತದೆ ಎಂಬುದೇ ಚಿತ್ರಕಥೆ

ಉಳಿದಂತೆ ಅವಿನಾಶ್, ಸಂಗೀತಾ, ರಮೇಶ್ ಭಟ್, ಗಿರೀಶ್ ಜತ್ತಿ, ಶಶಿಕಲಾ, ಪವನ್, ಹರೀಶ್, ನಿಪ್ಪು(ಚನ್ನೈ), ಚಕ್ರವರ್ತಿ ದಾವಣಗೆರೆ, ರಾಜ್‍ಉದಯ್, ವಿಕಾಸ್ ಮೊದಲಾದವರು ಚಿತ್ರದ ಪ್ರಮುಖ ತಾರಾಗಣದಲ್ಲಿ ಅಭಿನಯಿಸಿದ್ದಾರೆ

ಚಿತ್ರಕ್ಕೆ ಶಾಮ್‍ರಾಜ್ ಅವರ ಛಾಯಾಗ್ರಹಣವಿದ್ದು, ಶ್ರೀಕಾಂತ್ ಸಂಕಲನ ಕಾರ್ಯ ನಿರ್ವಹಿಸಿದ್ದಾರೆ. ಚಿತ್ರದ ಹಾಡುಗಳಿಗೆ ಜೆಸ್ಸಿಗಿಫ್ಟ್ ಸಂಗೀತ ಸಂಯೋಜಿಸಿದ್ದಾರೆ. ಸೆವೆನ್‍ಹಿಲ್ಸ್ ಸ್ಟುಡಿಯೋ ಬ್ಯಾನರ್​ ಅಡಿಯಲ್ಲಿ ನಿರ್ಮಾಣವಾಗಿರುವ ಈ ಚಿತ್ರಕ್ಕೆ ಶಶಿನಾಯ್ಕ್ ಮತ್ತು ಚಂದ್ರಕಲಾ ಬಾಯಿ. ಎಲ್ ಬಂಡವಾಳ ಹೂಡಿದ್ದಾರೆ.