‘ಭೈರವ’ನಾದ ಚಿರು..!

ಯುವ ಸಾಮ್ರಾಟ್ ಚಿರಂಜೀವಿ ಸರ್ಜಾ ಸದ್ಯ ಸ್ಯಾಂಡಲ್​ವುಡ್​​ನ ಬ್ಯುಸಿ ನಟರಲ್ಲಿ ಒಬ್ಬರು. ಅಮ್ಮಾ ಐಲವ್​ಯೂ ಸಿನಿಮಾ ನಂತರ ಚಿರು ಬತ್ತಳಿಕೆಯಲ್ಲಿ ಸಾಲು ಸಾಲು ಸಿನಿಮಾಗಳಿವೆ. ವಿಭಿನ್ನ ಮ್ಯಾನರಿಸಂ, ಖಡಕ್‌ ಡೈಲಾಗ್​ನಿಂದಲೇ ಮನೆಮಾತಾಗಿರೋ ಚಿರು, ಈಗಾಗಲೇ ‘ರಾಜಮಾರ್ತಾಂಡ’, ‘ಸಿಂಗಾ’, ಚಿತ್ರಗಳ ಶೂಟಿಂಗ್​ನಲ್ಲಿ ಬ್ಯುಸಿಯಾಗಿದ್ದಾರೆ. ಅಲ್ಲದೇ ಟಿ.ಎಸ್ ನಾಗಾಭರಣ ನಿರ್ದೇಶನದ ಜುಗಾರಿಕ್ರಾಸ್​ ಚಿತ್ರದಲ್ಲೂ ನಾಯಕನಾಗಿ ಆಯ್ಕೆಯಾಗಿದ್ದಾರೆ. ಜೊತೆಗೆ ತರುಣ್ ಶಿವಪ್ಪ ನಿರ್ಮಾಣದ ‘ಖಾಕಿ’ ಚಿತ್ರ ಕೂಡ ಸೆಟ್ಟೇರಿದೆ. ಅದೇ ಬೆನ್ನಲ್ಲಿ ಇದೀಗ ಮತ್ತೊಂದು ಆ್ಯಕ್ಷನ್ ಚಿತ್ರ ಘೋಷಣೆಯಾಗಿದೆ.

‘ಖಾಕಿ’ ನಂತರ ‘ಭೈರವ’ನಾದ ಚಿರು..!
ಯೆಸ್…ಈಗಾಗಲೇ ಬಿಗ್ ಸಿನಿಮಾಗಳಲ್ಲಿ ಬ್ಯುಸಿಯಾಗಿರೋ ಚಿರಂಜೀವಿ ಸರ್ಜಾ ಶಿವತೇಜಸ್ ನಿರ್ದೇಶನದ ‘ಭೈರವ‘ ಅನ್ನೋ ಸಿನಿಮಾದಲ್ಲಿಯೂ ಕಾಣಿಸಿಕೊಳ್ಳಲಿದ್ದಾರೆ. ಅಂದಾಗೆ ಇದೊಂದು ಪಕ್ಕಾ ಆ್ಯಕ್ಷನ್​ ಮೂವಿಯಾಗಿದ್ದು ಫ್ಯಾಮಿಲಿ ಎಂಟರ್‌ಟೈನ್​ ಕಥೆಯಂತೆ. ಈಗಾಗಲೇ ಚಿತ್ರಕ್ಕೆ ಭೈರವ ಅಂತಾ ಟೈಟಲ್​ ಫಿಕ್ಸ್ ಮಾಡಲಾಗಿದೆ. ವಿಶೇಷ ಅಂದ್ರೆ ಈ ಹಿಂದೆ ನವರಸನಾಯಕ ಜಗ್ಗೇಶ್ ನಟನೆಯಲ್ಲಿ ಭೈರವ ಸಿನಿಮಾ ಮೂಡಿ ಬಂದಿತ್ತು. ಇದೀಗ ಅದೇ ಟೈಟಲ್​ನಲ್ಲಿ ಚಿರು ಹೊಸ ಅವತಾರವೆತ್ತಿದ್ದಾರೆ. ಚಿತ್ರದಲ್ಲಿ ಸಾಧುಕೋಕಿಲ, ಕುರಿ ಪ್ರತಾಪ್, ಸೇರಿದಂತೆ ದೊಡ್ಡ ತಾರಾಗಣವಿದೆ. ಚಿತ್ರಕ್ಕೆ ರವಿವರ್ಮ ಸಾಹಸ ನಿರ್ದೇಶನವಿದ್ದು ಎಚ್.ಸಿ ವೇಣು ಕ್ಯಾಮೆರಾ ವರ್ಕ್​ ಇರಲಿದೆ.