ಟಗರು 25ನೇ ವಾರದ ಸಂಭ್ರಮ

ಪವರ್ ಸ್ಟಾರ್ ಪುನೀತ್ ರುಸ್ತುಂ ಸೆಟ್‌ಗೆ ವಿಸಿಟ್ ಕೊಟ್ಟಾಗ್ಲೇ ರುಸ್ತುಂ ಕಣದಲ್ಲಿ ಇನ್ನೊಂದು ಸಂಭ್ರಮನೂ ಇದೇ ವೇಳೆ ನಡೆದಿದೆ. ಅದುವೇ ಟಗರು ಚಿತ್ರದ ಸಂಭ್ರಮ ಹಾಗೂ ಸಡಗರ. ಯಸ್, ನಿಮಗೆ ಗೊತ್ತಿರಲಿ ಚಿತ್ರಮಂದಿರಗಳಲ್ಲಿ ಟಗರು, 25 ವಾರಗಳನ್ನ ಕಂಪ್ಲೀಟ್ ಮಾಡಿದೆ. ಇದಕ್ಕಿಂತ ಖುಷಿಯ ವಿಚಾರ ಅಭಿಮಾನಿಗಳಿಗೆ ಇನ್ನೇಲಿದೆ. ಹಾಗಾಗೇ, ಏನೋ.. ಟಗರು ಚಿತ್ರದ ಅಭೂತಪೂರ್ವ ವಿಜಯೋತ್ಸವವನ್ನಾಚರಿಸಲು ಅಭಿಮಾನಿಗಳು ರುಸ್ತುಂ ಅಂಗಳದಲ್ಲಿ ಜಮಾಯಸಿದ್ದರು. ಅಭಿಮಾನಿಗಳ ಅಭಿಮಾನಕ್ಕೆ ಸಾಥ್ ನೀಡಿದ ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್, ಇದೇ ವೇಳೆ ಶಿವಣ್ಣರೊಟ್ಟಿಗೆ ಸೇರಿ ಕೇಕ್ ಕಟ್ ಮಾಡಿ ಸಂಭ್ರಮಿಸಿದ್ರು.

ಇನ್ನೂ ಸಂಭ್ರಮಕ್ಕೆ ಪವರ್ ಫುಲ್ ಸಾಥ್ ಸಿಕ್ಕ ಮತ್ತಷ್ಟು ಖುಷಿಯಲ್ಲಿದ್ದ ಶಿವಭಕ್ತರು ಟಗರು ಚಿತ್ರದ ೨೫ವಾರದ ಫೋಟೊ ಫ್ರೇಮ್‌ನ್ನ ಶಿವಣ್ಣಗೆ ಉಡುಗೊರೆಯನ್ನಾಗಿ ನೀಡಿದ್ರು. ಅಂದ ಹಾಗೇ 25 ವಾರಗಳನ್ನ ಟಗರು ಯಶಸ್ವಿಯಾಗಿ ಪೂರೈಸಿದ ಬೆನ್ನಲ್ಲೇ, ಅಭಿಮಾನಿಗಳು ಸಂಭ್ರಮಿಸಲು ಮುಂದಾಗಿದ್ದಾರೆ. ಅದು ಅರ್ಥಪೂರ್ಣವಾದ ರೀತಿಯಲ್ಲಿ. ಹೌದು, ಪಾರ್ವತಮ್ಮ ರಾಜ್ ಕುಮಾರ್ ಅವ್ರ ಕನಸು ಮೈಸೂರಿನ ಶಕ್ತಿಧಾಮದಲ್ಲಿ ಟಗರು ವಿಜಯೋತ್ಸವ ನಡೆಯಲಿದೆ. ಆಶ್ರಮದ ಮಕ್ಕಳಿಗಾಗಿ ಊಟದ ವ್ಯವಸ್ಥೆಯನ್ನ ಏರ್ಪಡಿಸಲಾಗಿದೆ. ಇಷ್ಟೇ ಅಲ್ಲ ಇನ್ನು ಅನೇಕ ಕಡೆ ಸಿಹಿ ಹಂಚುವ ಕಾರ್ಯಕ್ರಮವನ್ನೂ ಹಮ್ಮಿಕೊಂಡಿದ್ದಾರೆ ಶಿವ ಭಕ್ತರು.