ತರ್ಕ, ಉತ್ಕರ್ಷ, ನಿಷ್ಕರ್ಷ, ಸಂಘರ್ಷ, ಕ್ಷಣಕ್ಷಣ, ಸ್ಪರ್ಶದಂತಹ ವಿಭಿನ್ನ ಮ್ಯಾನರಿಸಂ ಚಿತ್ರಗಳಿಗೆ ಆ್ಯಕ್ಷನ್ ಕಟ್ ಹೇಳುವ ಮೂಲಕ ಸ್ಯಾಂಡಲ್‍ವುಡ್‍ನಲ್ಲಿ ಹೆಸರು ಮಾಡಿರುವ ನಿರ್ದೇಶಕ ಸುನೀಲ್‍ಕುಮಾರ್ ದೇಸಾಯಿ ಅವರು ನಿರ್ದೇಶಿಸಿರುವ ಮತ್ತೊಂದು ಸಸ್ಪೆನ್ಸ್, ಥ್ರಿಲ್ಲರ್ ಚಿತ್ರ ಉದ್ಘರ್ಷ ಚಿತ್ರದ ಟ್ರೈಲರ್ ಅನ್ನು ಮೊನ್ನೆ ಬಿಡುಗಡೆ ಮಾಡಲಾಯಿತು.ಉದ್ಘರ್ಷ ಚಿತ್ರದ ಚಿತ್ರೀಕರಣವು ಬಹುತೇಕ ಮುಗಿದಿದ್ದು ಬಿಡುಗಡೆಗೆ ಸಿದ್ಧವಾಗಿದ್ದು ಈ ಸಿನಿಮಾದ ಟ್ರೈಲರ್ ಅನ್ನು 4 ಭಾಷೆಗಳಲ್ಲಿ ಬಂದಿದ್ದು ಅದನ್ನು ಚಾಲೆಂಜಿಂಗ್‍ಸ್ಟಾರ್ ದರ್ಶನ್ ಅವರು ಬಿಡುಗಡೆ ಮಾಡಿದರು.
ಈ ವಿಶಿಷ್ಟ ಟ್ರೈಲರ್‍ಗೆ ಕಿಚ್ಚ ಸುದೀಪ್ ಅವರು ಹಿನ್ನೆಲೆ ಧ್ವನಿ ಇರುವುದರಿಂದ ಗಮನ ಸೆಳೆದಿದೆ. ಮೊನ್ನೆ ನಡೆದ ಟ್ರೈಲರ್ ಬಿಡುಗಡೆ ಸಮಾರಂಭದಲ್ಲಿ ನಿರ್ದೇಶಕ ಎಸ್.ವಿ. ರಾಜೇಂದ್ರಸಿಂಗ್ ಬಾಬು, ನಟಿ ಪ್ರೇಮ, ಸುಮನ್ ನಗರಕರ್, ಕರಿಸುಬ್ಬು ಕೂಡ ಈ ಸಮಾರಂಭದಲ್ಲಿ ಹಾಜರಿದ್ದರು.ಉದ್ಘರ್ಷ ಚಿತ್ರವು ಕನ್ನಡ, ತೆಲುಗು, ತಮಿಳು, ಮಲಯಾಳಂ ಭಾಷೆಗಳಲ್ಲಿ ಬಿಡುಗಡೆಯಾಗುವುದರಿಂದ ಆಯಾಯಾ ಭಾಷೆಗಳಿಗೆ ಹೊಂದಿಕೆಯಾಗುವಂಥಹ ಕಲಾವಿದರನ್ನೇ ನಿರ್ದೇಶಕ ಸುನೀಲ್‍ಕುಮಾರ್‍ದೇಸಾಯಿ ಹಾಕಿಕೊಂಡಿದ್ದಾರೆ.
ಸಿಂಗಮ್-3 ಖ್ಯಾತಿಯ ನಟ ಠಾಕೂರ್ ಅನೂಪ್ ಸಿಂಗ್, ಕಬಾಲಿ ಖ್ಯಾತಿಯ ಧನ್ಸಿಕಾ, ಯಜಮಾನ ಖ್ಯಾತಿಯ ತಾನ್ಯಾ ಹೋಪ್, ಕಬೀರ್‍ಸಿಂಗ್ ದುಹಾನ್, ಬಾಹುಬಲಿ ಖ್ಯಾತಿಯ ಪ್ರಭಾಕರ್, ಕಿಶೋರ್, ವಂಶಿಕೃಷ್ಣ, ಶ್ರವಣ್ ರಾಘವೇಂದ್ರ, ಶ್ರದ್ಧಾದಾಸ್, ಅತಿಥಿ ಪಾತ್ರದಲ್ಲಿ ಹರ್ಷಿಕಾ ಪೂಣಚ್ಚ ಸೇರಿದಂತೆ ಬಹುದೊಡ್ಡ ತಾರಾಗಣವೇ ಉದ್ಘರ್ಷ ಚಿತ್ರದಲ್ಲಿ ಬರುವ ಕೌತುಕಮಯ ಪಾತ್ರಗಳಿಗೆ ಬಣ್ಣ ಹಚ್ಚಿದ್ದಾರೆ.
ಡಿ ಕ್ರಿಯೇಷನ್ಸ್ ಅಡಿಯಲ್ಲಿ ನಿರ್ಮಾಣಗೊಂಡಿರುವ ಈ ಚಿತ್ರಕ್ಕೆ ದೇವರಾಜ್ ಆರ್. ಬಂಡವಾಳ ಹೂಡಿದ್ದರೆ, ಅವರಿಗೆ ಸ್ನೇಹಿತರಾದ ಮಂಜುನಾಥ್.ಡಿ, ತಿರುಮಲೈ, ರಾಜೇಂದ್ರಕುಮಾರ್ ಕೈ ಜೋಡಿಸಿದ್ದಾರೆ. ಬೇಬೀ, ಏ ವೆಡ್ನೆಸ್ಡೇ ಖ್ಯಾತಿಯ ಸಂಜೋಯ್ ಚೌದುರಿ ಸಂಗೀತ , ವಿಷ್ಣುವರ್ಧನ್ ಹಾಗೂ ಪಿ.ರಾಜನ್ ಛಾಯಾಗ್ರಹಣ, ಬಿ.ಎಸ್.ಕೆಂಪರಾಜು ಸಂಕಲನ ಚಿತ್ರಕ್ಕಿದೆ. ಸಸ್ಪೆನ್ಸ್ ಹಾಗೂ ಹಾರರ್ ಚಿತ್ರಗಳ ಸರದಾರನೆಂದೇ ಬಿಂಬಿಸಿಕೊಂಡಿರುವ ನಿರ್ದೇಶಕ ಸುನೀಲ್‍ಕುಮಾರ್ ದೇಸಾಯಿ ಅವರು ನಿರ್ದೇಶಿಸಿರುವ ಉದ್ಘರ್ಷ ಚಿತ್ರವು ಅವರಿಗೆ ಮತ್ತೊಂದು ಯಶಸ್ಸನ್ನು ತಂದುಕೊಡುವಂತಾಗಲಿ.
Be the first to comment